ਉਹ ਆਈ ਮੇਰੀ ਮੜੀ ਤੇ ਦੀਵਾ - ਬਿੱਟੂ ਮਝੈਲ ਅਰਪਿੰਦਰ ਸੇਖ਼ੋ 

ਉਹ ਆਈ ਮੇਰੀ ਮੜੀ ਤੇ ਦੀਵਾ ਜਗਾ ਕੇ ਚਲੇ ਗਈ 
ਮੁੱਦਤ ਤੋ ਸੁੱਤੀਆਂ ਯਾਦਾ ਨੂੰ ਫੇਰ ਜਗਾ ਕੇ ਚਲੇ ਗਈ 

ਪਤਾ ਨਹੀਂ ਕੀ ਵੈਰ ਏ, ਮੇਰੀ ਸਰਾਫਤ ਨਾਲ ਉਸ ਦਾ 
ਯਾਦਾ ਦੇ ਠੰਡੇ ਧੂਣੇ ਨੂੰ, ਉਹ ਫੇਰ ਮਗਾ ਕੇ ਚਲੇ ਗਈ 

ਮੁਹੱਬਤ ਦੀ ਮੁਹਾਰਨੀ ਨਾਂ, ਗਲ ਸੀ ਉਸ ਦੇ ਵੱਸ ਦੀ 
ਫੇ ਰੱਬ ਜਾਣੇ ਕਾਸ ਤੋ, ਦੋ ਅੱਥਰੂ ਵਗਾ ਕੇ ਚਲੇ ਗਈ 

ਸੀਨੇ ਜੋ ਦੱਬੀ ਅਗਨ ਸੀ, ਓਸ ਬੇਵਫ਼ਾ ਦੇ ਇਸ਼ਕ ਦੀ 
ਉਹ ਬਣਕੇ ਬੁਲਾ ਹਵਾ ਦਾ, ਤੇ ਫੇ ਮਗਾ ਕੇ ਚਲੇ ਗਈ 

ਸੋਖੋਂ ਨੂੰ ਠੱਗਦੀ ਰਹੀ ਸੀ ਜੋ ਸ਼ੋਖ ਅਦਾਵਾਂ ਨਾ ਸਦਾ 
ਲਹਿੰਦੇ ਪਾਸੇ ਕਬਰ ਦੇ ਦੋ ਹਾਓਕੇ ਠਗਾ ਕੇ ਚਲੇ ਗਈ

ਦੇਸੀ ਗਾਲਿਬ 
ਬਿੱਟੂ ਮਝੈਲ ਅਰਪਿੰਦਰ ਸੇਖ਼ੋ !