ਸ਼ਸ਼ੀ ਥਰੂਰ ਨੇ ਅਮਰਜੈਂਸੀ ਨੂੰ ‘ਕਾਲਾ ਅਧਿਆਏ’ ਦੱਸਿਆ- ਇਕ ਖ਼ਬਰ

ਨੀ ਉਹ ਲੰਬੜਾਂ ਦਾ ਮੁੰਡਾ ਬੋਲੀ ਹੋਰ ਬੋਲਦਾ।

ਸਿਰਫ਼ 11 ਮਿੰਟ ਦੇ ਸੈਸ਼ਨ ਦੀ ਕਾਰਵਾਈ ‘ਤੇ ਕਰੋੜਾਂ ਰੁਪਏ ਬਰਬਾਦ ਕੀਤੇ।- ਪਰਗਟ ਸਿੰਘ

ਚੋਰਾਂ ਦੇ ਕੱਪੜੇ ਤੇ ਡਾਂਗਾਂ ਦੇ ਗਜ਼।

ਯੂਕਰੇਨ ਨੂੰ ਹੋਰ ਹਥਿਆਰ ਭੇਜੇਗਾ ਅਮਰੀਕਾ- ਇਕ ਖ਼ਬਰ

ਚੜ੍ਹ ਜਾ ਬੱਚਾ ਸੂਲ਼ੀ, ਰਾਮ ਭਲੀ ਕਰੇਗਾ।

ਅਕਾਲ ਤਖ਼ਤ ਸਾਹਿਬ ਅਤੇ ਤਖ਼ਤ ਸ੍ਰੀ ਪਟਨਾ ਸਾਹਿਬ ਵਿਚਾਲੇ ਮੱਤਭੇਦਾਂ ਨੂੰ ਜਲਦ ਦੂਰ ਕੀਤਾ ਜਾਵੇ- ਬਿਹਾਰ ਸਿੱਖ

 ਫ਼ੈਡਰੇਸ਼ਨ

ਬਿੱਲੀ ਦੇ ਗਲ਼ ਟੱਲੀ ਕੌਣ ਬੰਨ੍ਹੇ ਭਾਈ।

ਸੋਨਾ ਹੋਇਆ 99,370 ਰੁਪਏ ਦਾ 10 ਗ੍ਰਾਮ- ਇਕ ਖ਼ਬਰ

ਭੱਠ ਪਿਆ ਸੋਨਾ ਜਿਹੜਾ ਜੇਬ ਨੂੰ ਕੁਤਰੇ।

ਹਰਿਆਣਾ ਦੇ ਸਾਬਕਾ ਵਿਧਾਇਕ ਨੂੰ ਵਾਪਸ ਜੇਲ੍ਹ ਜਾਣ ਦੇ ਹੁਕਮ- ਇਕ ਖ਼ਬਰ

ਰੋਂਦੀ ਮਾਂ ਸੁੰਦਰ ਦੀ ਖੜ੍ਹ ਕੇ, ਕਿਹੜਾ ਦੇਵੇ ਧੀਰਾਂ।

ਸਿਰਫ਼ 11 ਮਿੰਟ ਹੀ ਚੱਲਿਆ ਪੰਜਾਬ ਵਿਧਾਨ ਸਭਾ ਦਾ ਸੈਸ਼ਨ- ਇਕ ਖ਼ਬਰ

ਵੈਸੇ ਅਸੀਂ ਤਾਂ 10 ਮਿੰਟ ਹੀ ਰੱਖੇ ਸੀ, ਇਕ ਮਿੰਟ ਉੱਪਰ ਹੋ ਜਾਣ ਦਾ ਸਾਨੂੰ ਅਫ਼ਸੋਸ ਹੈ।

ਹੁਣ ਸੰਯੁਕਤ ਕਿਸਾਨ ਮੋਰਚੇ ਵਿਚ ਸਿਆਸੀ ਪਾਰਟੀਆਂ ਨਾਲ ਤਾਲਮੇਲ ਨੂੰ ਲੈ ਕੇ ਮੱਤਭੇਦ- ਇਕ ਖ਼ਬਰ

ਜਿਹਨੂੰ ਢੂੰਡਣਾ ਉਹ ਤੇ ਲੱਭਣਾ ਨਹੀਂ, ਬਾਕੀ ਖੇਡ ਸਭ ਕੂੜ ਹਵਸ ਦੀ ਏ।

ਇਜ਼ਰਾਈਲ ਨੇ ਟਰੰਪ ਨੂੰ ਨੌਬੇਲ ਸ਼ਾਂਤੀ ਪੁਰਸਕਾਰ ਲਈ ਨਾਮਜ਼ਦ ਕੀਤਾ- ਇਕ ਖ਼ਬਰ

ਤੇਰਾ ਕੀ ਘਟਣਾ ਸਰਦਾਰਾ, ਕੈਂਠਾ ਪਾ ਦੇ ਮੇਰੇ ਯਾਰ ਨੂੰ।

ਬੀਬੀ ਪਰਮਜੀਤ ਕੌਰ ਖਾਲੜਾ ਨਹੀਂ ਲੜਨਗੇ ਕੋਈ ਵੀ ਚੋਣ- ਇਕ ਖ਼ਬਰ

ਜਿੰਨਾ ਨ੍ਹਾਤੀ, ਓਨਾ ਹੀ ਪੁੰਨ।

ਸਰਕਾਰੀ ਕੰਮਕਾਰ ਲਈ ਮਿਲਦਾ ਹਾਂ, ਮੇਰੀ ਅਮਿਤ ਸ਼ਾਹ ਨਾਲ ਕਾਹਦੀ ਦੋਸਤੀ?- ਭਗਵੰਤ ਮਾਨ

ਦੋ ਘੁੱਟ ਪੀ ਕੇ ਦਾਰੂ, ਪੈਰ ‘ਤੇ ਮੁੱਕਰ ਗਿਆ।

ਅਮਨ ਅਰੋੜਾ ਨੇ ਮੁਆਫ਼ੀ ਨਾ ਮੰਗੀ ਤਾਂ ਮਾਣਹਾਨੀ ਦਾ ਮੁਕੱਦਮਾ ਕਰਾਂਗਾ- ਮਨਜਿੰਦਰ ਸਿੰਘ ਸਿਰਸਾ

ਸਾਡੇ ਨਾਲ਼ ਕੀ ਪਾਇਆ ਈ ਵੈਰ ਕਾਕਾ, ਮੱਥਾ ਸੌਂਕਣਾਂ ਵਾਂਗ ਕੀ ਡਾਹਿਆ ਈ।

ਵਿਰੋਧੀਆਂ ਦੇ ਸਵਾਲਾਂ ਤੋਂ ਡਰਦਿਆਂ ਸਰਕਾਰ ਨੇ 11 ਮਿੰਟ ਦਾ ਸੈਸ਼ਨ ਰੱਖਿਆ- ਪਰਤਾਪ ਸਿੰਘ ਬਾਜਵਾ

ਹੁਣ ਤੂੰ ਕਿਧਰ ਗਿਆ, ਜੇਠ ਬੋਲੀਆਂ ਮਾਰੇ।

ਭਾਰੀ ਮੀਂਹ ਕਾਰਨ ਹਿਮਾਚਲ ਵਿਚ 249 ਸੜਕਾਂ ਬੰਦ ਅਤੇ 750 ਜਲ ਯੋਜਨਾਵਾਂ ਪ੍ਰਭਾਵਤ- ਇਕ ਖ਼ਬਰ

ਆਪੇ ਫ਼ਾਥੜੀਏ ਤੈਨੂੰ ਕੌਣ ਛੁਡਾਵੇ।

ਮਜੀਠੀਆ ਦਾ ਕੇਸ ਦੁਬਾਰਾ ਖੁਲ੍ਹਵਾਉ, ਮੈਂ ਸਭ ਕੁਝ ਸਾਹਮਣੇ ਰੱਖ ਦਿਆਂਗਾ- ਚੱਟੋਪਾਧਿਅਇ

ਅੱਗੇ ਬੀਬੀ ਟੱਪਣੀ, ਪਿੱਛੇ ਢੋਲਾਂ ਦੀ ਘੜਮੱਸ।

===================================================================

ਸਿੱਖ ਸੰਗਤ ਦੀਆਂ ਭਾਵਨਾਵਾਂ ਅਨੁਸਾਰ ਪਟੀਸ਼ਨ ਵਾਪਸ ਲਈ ਹੈ- ਗਿਆਨੀ ਰਘਬੀਰ ਸਿੰਘ

ਜੇ ਭਾਵਨਾਵਾਂ ਦਾ ਸਤਿਕਾਰ ਹੁੰਦਾ ਤਾਂ ਗਿਆਨੀ ਜੀ ਤੁਸੀਂ ਪਟੀਸ਼ਨ ਪਾਉਂਦੇ ਹੀ ਨਾ।

ਸਮਾਜਕ ਗ਼ੈਰ-ਬਰਾਬਰੀ ਲਈ ਅਰਬਪਤੀ ਜ਼ਿੰਮੇਵਾਰ- ਜ਼ੋਹਰਾਨ ਮਮਦਾਨੀ, ਨੀਊਯਾਰਕ ਲਈ ਮੇਅਰ ਉਮੀਦਵਾਰ

ਚੱਪਾ ਕੁ ਚੰਨ ਮੁੱਠ ਕੁ ਤਾਰੇ, ਸਾਡਾ ਮੱਲ ਬੈਠੇ ਆਸਮਾਨ- ਪ੍ਰੋ. ਮੋਹਨ ਸਿੰਘ ਦੀ ਕਵਿਤਾ ‘ਚੋਂ

‘ਆਪ’ ਪਾਰਟੀ ਬਿਹਾਰ ‘ਚ ਆਪਣੇ ਬਲਬੂਤੇ ‘ਤੇ ਚੋਣਾਂ ਲੜੇਗੀ- ਕੇਜਰੀਵਾਲ

ਘੜਾ ਚੁੱਕ ਲਊਂ ਪੱਟਾਂ ‘ਤੇ ਹੱਥ ਧਰ ਕੇ, ਖ਼ਸਮਾਂ ਨੂੰ ਖਾਣ ਕੁੜੀਆਂ।

ਮੁੱਖ ਮੰਤਰੀ ਦੀ ਦੌੜ ਤੋਂ ਪਾਸੇ ਹੋ ਕੇ ਪਾਰਟੀ ਲਈ ਕੰਮ ਕਰੋ- ਸੁਖਜਿੰਦਰ ਸਿੰਘ ਰੰਧਾਵਾ

ਜਦ ਮੈਂ ਬੈਠਾਂ ਏਸ ਕੰਮ ਲਈ ਤੁਸੀਂ ਕਿਉਂ ਨੱਠ-ਭੱਜ ਕਰਦੇ ਹੋ ਬਈ।

 ਮਹਾਰਾਸ਼ਟਰ ‘ਚ ਤਿੰਨ ਮਹੀਨਿਆਂ ਵਿਚ 767 ਕਿਸਾਨਾਂ ਨੇ ਕੀਤੀ ਖ਼ੁਦਕੁਸ਼ੀ- ਇਕ ਖ਼ਬਰ

ਕੋਈ ਮਰੇ ਕੋਈ ਜੀਵੇ, ਸੁਥਰਾ ਘੋਲ਼ ਪਤਾਸੇ ਪੀਵੇ।

ਪਾਕਿਸਤਾਨ ਦੀ ਹਾਕੀ ਟੀਮ ਨੂੰ ਏਸ਼ੀਆ ਕੱਪ ਲਈ ਭਾਰਤ ਆਉਣ ਤੋਂ ਨਹੀਂ ਰੋਕਾਂਗੇ- ਖੇਡ ਮੰਤਰਾਲਾ

ਵੈਰ ਤਾਂ ਤੁਹਾਡਾ ਪੰਜਾਬੀਆਂ ਨਾਲ ਖ਼ਾਸ ਕਰ ਕੇ ਦਸਤਾਰ ਨਾਲ ਹੀ ਹੈ।

ਓਵੈਸੀ ਦੀ ਪਾਰਟੀ ਨੇ ਬਿਹਾਰ ਗੱਠਜੋੜ ਲਈ ਲਾਲੂ ਨੂੰ ਲਿਖੀ ਚਿੱਠੀ- ਇਕ ਖ਼ਬਰ

ਚਿੱਠੀਆਂ ਸਾਹਿਬਾਂ ਜੱਟੀ ਨੇ ਲਿਖ ਮਿਰਜ਼ੇ ਵਲ ਪਾਈਆਂ।

ਸੁਖਬੀਰ ਬਾਦਲ ਦੀ ਅਗਵਾਈ ‘ਚ ਸ਼੍ਰੋਮਣੀ ਅਕਾਲੀ ਦਲ ਨੇ ਜ਼ਮਾਨਤਾਂ ਜ਼ਬਤ ਕਰਵਾਉਣ ਦਾ ਰਿਕਾਰਡ ਬਣਾਇਆ- ਜਸਟਿਸ ਨਿਰਮਲ ਸਿੰਘ

ਕੀ ਹੋਇਆ ਜ਼ਮਾਨਤ ਜੇ ਜ਼ਬਤ ਹੋ ਗਈ, ਖ਼ਬਰਾਂ ਫੇਰ ਵੀ ਸਾਡੀਆਂ ਛਪਦੀਆਂ ਨੇ।

ਸਾਬਕਾ ਚੀਫ਼ ਜਸਟਿਸ ਚੰਦਰਚੂੜ੍ਹ ਨੂੰ ਸਰਕਾਰੀ ਬੰਗਲਾ ਖ਼ਾਲੀ ਕਰਨ ਲਈ ਕਿਹਾ- ਇਕ ਖ਼ਬਰ

ਚੁੱਕ ਚਰਖ਼ਾ ਪਰ੍ਹਾਂ ਕਰ ਪੀੜ੍ਹੀ, ਛੜਿਆਂ ਨੇ ਬੋਕ ਬੰਨ੍ਹਣਾਂ।

ਅਕਾਲ ਤਖ਼ਤ ਸਾਹਿਬ ਅਤੇ ਪਟਨਾ ਸਾਹਿਬ ਵਿਚਾਲੇ ਵਿਵਾਦ ਹੋਰ ਡੂੰਘਾ ਹੋਇਆ- ਇਕ ਖ਼ਬਰ

ਖਾਲੀ ਪਏ ਮੱਝੀਆਂ ਦੇ ਵਾੜੇ, ਇਕ ਰਾਂਝੇ ਯਾਰ ਦੇ ਬਿਨਾਂ।

ਰਾਜੇਵਾਲ ਨੇ ਲੈਂਡ ਪੂਲਿੰਗ ਸਕੀਮ ਦਾ ਵਿਰੋਧ ਕਰਨ ਦਾ ਕੀਤਾ ਐਲਾਨ- ਇਕ ਖ਼ਬਰ

ਮੁੰਡੇ ਗੱਭਰੂ ਸ਼ੁਕੀਨ ਬਥੇਰੇ, ਤੇਰੇ ਉੱਤੇ ਡੋਰ ਮਿੱਤਰਾ।

ਰੂਸ ਨੇ ਅਫ਼ਗਾਨਿਸਤਾਨ ’ਚ ਤਾਲਿਬਾਨ ਸ਼ਾਸਨ ਨੂੰ ਦਿਤੀ ਰਸਮੀ ਮਾਨਤਾ- ਇਕ ਖ਼ਬਰ

ਤੈਨੂੰ ਚੰਦ ਦੇ ਬਹਾਨੇ ਵੇਖਾਂ, ਕੋਠੇ ਉੱਤੇ ਆ ਜਾ ਮਿੱਤਰਾ।

ਹਰ ਭਾਰਤੀ ਸਿਰ ਕਰਜ਼ੇ ਦੀ ਪੰਡ ਹੋਈ ਹੋਰ ਭਾਰੀ- ਇਕ ਖ਼ਬਰ

ਗੱਲਾਂ ਤੇਰੀਆਂ ਦੇ ਉੱਠਣ ਮਰੋੜੇ, ਢਿੱਡ ਵਿਚ ਦੇਵਾਂ ਮੁੱਕੀਆਂ।

ਅਕਾਲ ਤਖ਼ਤ ਦੇ ਜਥੇਦਾਰ ਦੇ ਸੇਵਾ ਨਿਯਮਾਂ ਸਬੰਧੀ ਗਠਿਤ ਕਮੇਟੀ ‘ਤੇ ਮੁੜ ਵਿਚਾਰ ਦੀ ਲੋੜ-ਸਿੱਖ ਸੰਸਥਾਵਾਂ ਜਰਮਨੀ

ਤੇਰੇ ਖ਼ੁਸ਼ਕ ਮੱਕੀ ਦੇ ਦਾਣੇ, ਮਿੱਤਰਾਂ ਨੇ ਨਹੀਂਉਂ ਚੱਬਣੇ। 

ਮੈਂ ਸਿੱਖਾਂ ਦੇ ਹਿਤਾਂ ਅਤੇ ਯੋਗਦਾਨ ਨੂੰ ਉਜਾਗਰ ਕੀਤਾ- ਰਾਹੁਲ ਗਾਂਧੀ

ਚੌਕੀਦਾਰੀ ਲੈ ਲੈ ਮਿੱਤਰਾ, ਤੇਰੇ ਲਗਦੇ ਨੇ ਬੋਲ ਪਿਆਰੇ।

===================================================

30.06.205

ਸਾਬਕਾ ਸਿਹਤ ਮੰਤਰੀ ਵਿਜੇ ਸਿੰਗਲਾ ਨੂੰ ਭ੍ਰਿਸ਼ਟਾਚਾਰ ਮਾਮਲੇ ‘ਚ ਮਿਲੀ ਕਲੀਨ ਚਿਟ- ਇਕ ਖ਼ਬਰ

ਖ਼ੂਬਸੂਰਤ ਡਰਾਮੇ ਦਾ ਖ਼ੂਬਸੂਰਤ ਡਰਾਪ-ਸੀਨ ਹੋ ਗਿਆ ਬਈ।

ਕਾਂਗਰਸ ਦੀ ਖ਼ਾਨਾਜੰਗੀ ਨੇ ਭਾਰਤ ਭੂਸ਼ਨ ਆਸ਼ੂ ਦੀ ਬੇੜੀ ਡੋਬੀ- ਇਕ ਖ਼ਬਰ

ਇਸ ਘਰ ਕੋ ਆਗ ਲਗ ਗਈ ਘਰ ਕੇ ਚਿਰਾਗ਼ ਸੇ।

ਗਿਆਨੀ ਗੁਰਮੁਖ ਸਿੰਘ ਦੀ ਸ੍ਰੀ ਅਕਾਲ ਤਖ਼ਤ ਦੇ ਹੈੱਡ ਗ੍ਰੰਥੀ ਵਜੋਂ ਹੋਈ ਵਿਵਾਦਮਈ ਨਿਯੁਕਤੀ- ਇਕ ਖ਼ਬਰ

ਸਈਆਂ ਭਏ ਕੋਤਵਾਲ, ਅਬ ਡਰ ਕਾਹੇ ਕਾ।

‘ਆਮ ਆਦਮੀ ਪਾਰਟੀ’ ਦਾ ਟੀਚਾ ਅਕਾਲੀ ਦਲ ਨੂੰ ਖਤਮ ਕਰਨਾ ਹੈ- ਸੁਖਬੀਰ ਬਾਦਲ

ਅਕਾਲੀ ਦਲ ਦੀਆਂ ਜੜ੍ਹਾਂ ‘ਚ ਤਾਂ ਤੁਸੀਂ ਆਪ ਹੀ ਤੇਲ ਪਾਈ ਜਾ ਰਹੇ ਹੋ।

ਹੁਣ ਸਾਬਕਾ ਡੀ.ਜੀ.ਪੀ. ਚਟੋਪਾਧਿਆਏ ਨੇ ਡਰੱਗ ਮਾਮਲੇ ‘ਚ ਕੀਤਾ ਬਿਕਰਮ ਮਜੀਠੀਆ ਨੂੰ ‘ਬੇਪਰਦ’- ਇਕ ਖ਼ਬਰ

ਹਾਲਾ ਲਾਲਾ, ਹਾਲਾ ਲਾਲਾ ਹੋ ਗਈ ਮਿੱਤਰਾ, ਜਦ ਚੁੱਕਿਆ ਘੜੇ ਤੋਂ ਕੌਲਾ।

ਕਾਂਗਰਸ ਪ੍ਰਧਾਨ ਖੜਗੇ ਨੇ ਸ਼ਸ਼ੀ ਥਰੂਰ ‘ਤੇ ਵਿੰਨ੍ਹਿਆ ਨਿਸ਼ਾਨਾ- ਇਕ ਖ਼ਬਰ

ਖੜਗੇ ਸਾਹਿਬ ਇਹ ਕਬੂਤਰ ਹੁਣ ਤੁਹਾਡੀ ਛੱਤਰੀ ਤੋਂ ਅੱਜ ਵੀ ਉਡਿਆ, ਕੱਲ੍ਹ ਵੀ ਉਡਿਆ।

ਸਿੱਖ ਯਹੂਦੀਆਂ ਵਾਂਗ ਗਿਆਨ ਅਤੇ ਰਾਜਨੀਤਕ ਖੇਤਰਾਂ ਵਿਚ ਵਿਕਸਤ ਕਿਉਂ ਨਹੀ ਹੋ ਸਕੇ- ਇਕ ਸਵਾਲ

ਫ਼ਕਰਦੀਨਾਂ ਪੂਰੀ ਕੀ ਉਨ੍ਹਾਂ ਪਾਉਣੀ, ਇਕ ਦੂਜੇ ਦੀਆਂ ਟੰਗਾਂ ਜੋ ਖਿੱਚਦੇ ਨੇ।

ਪੰਜ ਮੈਂਬਰੀ ਭਰਤੀ ਕਮੇਟੀ ਅਤੇ ਅਕਾਲੀ ਦਲ ਵਾਰਸ ਪੰਜਾਬ ਦੀ ਹੋਈ ਸਾਂਝੀ ਮੀਟਿੰਗ- ਇਕ ਖ਼ਬਰ

ਤੇਰੀ ਮੇਰੀ ਇਕ ਜਿੰਦੜੀ, ਉਂਜ ਵੇਖਣ ਨੂੰ ਅਸੀਂ ਦੋ।

ਅਰਵਿੰਦ ਕੇਜਰੀਵਾਲ ਨੇ ਰਾਜ ਸਭਾ ‘ਚ ਜਾਣ ਤੋਂ ਕੀਤਾ ਇਨਕਾਰ- ਇਕ ਖ਼ਬਰ

ਹੁਣ ਗਈ ਵਸਤ ਨੂੰ ਝੂਰਦਾ, ਜਿਉਂ ਪੈਰਾਂ ਨੂੰ ਝੂਰੇ ਮੋਰ।

ਟਰੰਪ ਨੇ ਜੰਗ ਸ਼ੁਰੂ ਕੀਤੀ, ਖ਼ਤਮ ਅਸੀ ਕਰਾਂਗੇ- ਇਰਾਨ

ਸੁੱਤੀ ਹੋਈ ਸੋਨ ਚਿੜੀ, ਲੈਣ ਲੱਗੀ ਅੰਗੜਾਈਆਂ।

10 ਵਿਭਾਗਾਂ ਦੀ ਵਾਗਡੋਰ ਗ਼ੈਰ ਪੰਜਾਬੀਆਂ ਦੇ ਹੱਥਾਂ ‘ਚ ਦੇਣੀ ਨਿੰਦਣਯੋਗ- ਸੁਖਬੀਰ ਬਾਦਲ

ਅੱਜ ਕੌਣ ਪੁੱਛੇ ਰਾਂਝੇ ਚਾਕ ਤਾਈਂ, ਬੇਗ਼ਮ ਹੀਰ ਤੇ ਸੈਦਾ ਨਵਾਬ ਹੋਇਆ।

ਅਡਾਨੀ ਭਾਰਤ ਦਾ ਸਭ ਤੋਂ ਤੇਜ਼ੀ ਨਾਲ ਵਧ ਰਿਹਾ ਬਰਾਂਡ- ਇਕ ਖ਼ਬਰ

ਮਿੱਠੇ ਬੇਰ ਸੁਰਗਾਂ ਦਾ ਮੇਵਾ, ਕੋਲ ਬਹਿ ਕੇ ਚੁਗ ਮਿੱਤਰਾ।

ਇਜ਼ਰਾਈਲ ਦੇ ਰੱਖਿਆ ਮੰਤਰੀ ਨੇ ਮੰਨਿਆਂ ਕਿ ਉਹ ਖਾਮੇਨੇਈ ਨੂੰ ਮਾਰਨਾ ਚਾਹੁੰਦੇ ਸਨ- ਇਕ ਖ਼ਬਰ

ਨੀ ਚਰਖ਼ਾ ਬੋਲ ਪਿਆ, ਗੱਲਾਂ ਸੱਚੀਆਂ ਮੂੰਹੋਂ ਉਚਾਰੇ।

ਨਸ਼ਾ ਤਸਕਰੀ ਦੇ ਮਾਮਲੇ ‘ਚ ਕਿਸੇ ‘ਤੇ ਵੀ ਤਰਸ ਜਾਂ ਰਹਿਮ ਨਹੀਂ ਕੀਤਾ ਜਾਵੇਗਾ- ਭਗਵੰਤ ਮਾਨ

ਨੀ ਹੁਣ ਮੈਂ ਕੀ ਕਰਾਂ, ਜੱਟ ਆਉਂਦੈ ਪਰੈਣੀ ਕੱਸੀ।

ਬਾਦਲਾਂ ਦਾ ਹੁਕਮ ਮੰਨ ਕੇ 34 ਮੈਂਬਰੀ ਕਮੇਟੀ ‘ਚ ਦਿੱਲੀ ਅਤੇ ਪਟਨਾ ਸਾਹਿਬ ਨੂੰ ਨੁਮਾਇੰਦਗੀ ਨਹੀਂ ਦਿਤੀ- ਇਕ ਖ਼ਬਰ

ਢਾਬ ਤੇਰੀ ਦਾ ਗੰਧਲਾ ਪਾਣੀ, ਉੱਤੋਂ ਬੂਰ ਹਟਾਵਾਂ।

ਮੇਰਾ ਲੇਖ ਪ੍ਰਧਾਨ ਮੰਤਰੀ ਦੀ ਪਾਰਟੀ ‘ਚ ਸ਼ਾਮਲ ਹੋਣ ਦਾ ਸੰਕੇਤ ਨਹੀਂ- ਸ਼ਸ਼ੀ ਥਰੂਰ

ਲੱਡੂ ਖਾ ਕੇ ਚੁਬਾਰੇ ਵਿਚੋਂ ਨਿਕਲੀ, ਮੱਖੀਆਂ ਨੇ ਪੈੜ ਨੱਪ ਲਈ।

============================================================================

27.06.2025

ਸੁਖਬੀਰ ਬਾਦਲ ਦੀ ਅਗਵਾਈ ਕਬੂਲਣ ਦਾ ਸਵਾਲ ਹੀ ਪੈਦਾ ਨਹੀਂ ਹੁੰਦਾ- ਪਰਮਿੰਦਰ ਸਿੰਘ ਢੀਂਡਸਾ

ਮੱਝ ਲੈ ਦੇ ਮੈਨੂੰ ਬਾਬਲਾ, ਮੈਂ ਜੇਠ ਦੀ ਲੱਸੀ ਨਹੀਂ ਪੀਣੀ।

ਦਿੱਲੀ ਤੋਂ ਆਏ ‘ਆਪ’ ਦੇ ਸਾਰੇ ਭ੍ਰਿਸ਼ਟ ਆਗੂਆਂ ਨੇ ਪੰਜਾਬ ‘ਚ ਡੇਰੇ ਲਾਏ- ਦਿੱਲੀ ਦੀ ਮੁੱਖ ਮੰਤਰੀ

ਮੇਰੀ ਸੇਜ ‘ਤੇ ਬਹਿ ਗਿਆ ਨੀ, ਉਹ ਰਾਂਝਣ ਮੱਲੋਜ਼ੋਰੀ।

ਜੀ-7 ਸੰਮੇਲਨ ਵਿਚੇ ਛੱਡ ਕੇ ਅਮਰੀਕਾ ਪਰਤੇ ਰਾਸ਼ਟਰਪਤੀ ਟਰੰਪ- ਇਕ ਖ਼ਬਰ

ਛੱਡ ਮਿੱਤਰ ਫੁਲਕਾਰੀ, ਹਾਕਾਂ ਘਰ ਵੱਜੀਆਂ।

ਇਰਾਨ ਇਜ਼ਰਾਈਲ ਦੀ ਜੰਗ ਜਾਰੀ ਰਹੀ ਤਾਂ ਭਾਰਤੀਆਂ ਦੀ ਜੇਬ ‘ਤੇ ਕਾਫ਼ੀ ਭਾਰੀ ਪਵੇਗੀ- ਇਕ ਖ਼ਬਰ

ਨਾਨੀ ਖ਼ਸਮ ਕਰੇ, ਦੋਹਤਾ ਚੱਟੀ ਭਰੇ।

ਪਾਕਿ ਫੌਜ ਮੁਖੀ ਮੁਨੀਰ ਦੀ ਮੇਜ਼ਬਾਨੀ ਕਰੇਗਾ ਟਰੰਪ- ਇਕ ਖ਼ਬਰ

ਨਵੇਂ ਨਵੇਂ ਮਿੱਤ, ਪੁਰਾਣੇ ਕੀਹਦੇ ਚਿੱਤ।

ਸਵਿਸ ਬੈਂਕਾਂ ‘ਚ ਭਾਰਤੀਆਂ ਦਾ ਪੈਸਾ ਤਿੰਨ ਗੁਣਾ ਵਧਿਆ- ਇਕ ਖ਼ਬਰ

ਗੇਅਰ ਪੁੱਠਾ ਪੈ ਗਿਆ, ਪੈਸਾ ਆਉਣ ਦੀ ਬਜਾਇ ਜਾਣ ਲੱਗ ਪਿਆ।

ਇਰਾਨ ਆਤਮ ਸਮਰਪਣ ਨਹੀਂ ਕਰੇਗਾ- ਖਾਮੇਨਾਈ

ਗੱਲ ਸੋਚ ਕੇ ਕਰੀਂ ਠਾਣੇਦਾਰਾ, ਅਸਾਂ ਨਹੀਂ ਕਨੌੜ ਝੱਲਣੀ।

ਖਾਮੇਨੇਈ ਦੇ ਖ਼ਾਤਮੇ ਦਾ ਵਕਤ ਆ ਗਿਆ ਹੈ- ਨੇਤਨਯਾਹੂ

ਨਾ ਰਹੇ ਬਾਂਸ ਤੇ ਨਾ ਵੱਜੇ ਬੰਸਰੀ।

36 ਹੋਰ ਦੇਸ਼ਾਂ ਦੀ ਐਂਟਰੀ ਅਮਰੀਕਾ ਲਈ ਹੋਵੇਗੀ ਬੰਦ- ਇਕ ਖ਼ਬਰ

ਗਲ਼ੀਆਂ ਹੋ ਜਾਣ ਸੁੰਞੀਆਂ, ਵਿਚ ਮਿਰਜ਼ਾ ਯਾਰ ਫਿਰੇ।

ਰੋਜ਼ੀ-ਰੋਟੀ ਚਲਾਉਣ ਲਈ ਕੁਝ ਤਾਂ ਕਰਨਾ ਜ਼ਰੂਰੀ ਹੈ- ਨਵਜੋਤ ਸਿੱਧੂ

ਪੇਟ ਨਾ ਪਈਆਂ ਰੋਟੀਆਂ ਤਾਂ ਸਭੇ ਗੱਲਾਂ ਖੋਟੀਆਂ।

ਇਰਾਨ ਵਲੋਂ ਪ੍ਰਮਾਣੂੰ ਬੰਬ ਨਾ ਬਣਾਏ ਜਾਣ ਦੀ ਖ਼ੁਫ਼ੀਆ ਜਾਣਕਾਰੀ ਟਰੰਪ ਵਲੋਂ ਰੱਦ- ਇਕ ਖ਼ਬਰ

ਚੰਦਰਾ ਸ਼ੌਕੀਨ ਹੋ ਗਿਆ, ਤੇੜ ਲਾ ਕੇ ਖੱਦਰ ਦਾ ਸਾਫ਼ਾ।

ਕਾਂਗਰਸ ਦੇ ਕੁਝ ਆਗੂਆਂ ਤੋਂ ਮੇਰੀ ਰਾਇ ਵੱਖ ਹੈ- ਸ਼ਸ਼ੀ ਥਰੂਰ

ਪਿਛਾਂਹ ਨੂੰ ਗੱਡੀ ਮੋੜ ਬਾਬਲਾ, ਮੇਰੇ ਹਾਣ ਦਾ ਮੁੰਡਾ ਨਾ ਕੋਈ।

ਗਾਜ਼ਾ ਤੇ ਇਰਾਨ ਬਾਰੇ ਸਰਕਾਰ ਦੀ ਚੁੱਪ ਰੜਕਦੀ ਹੈ- ਸੋਨੀਆਂ ਗਾਂਧੀ

ਕੁਝ ਬੋਲ ਵੇ ਦਿਲਾਂ ਦੀ ਘੁੰਡੀ ਖੋਲ੍ਹ ਵੇ।

ਪਾਕਿਸਤਾਨ ਨੇ ਨੋਬੇਲ ਪੁਰਸਕਾਰ ਲਈ ਟਰੰਪ ਨੂੰ ਕੀਤਾ ਨਾਮਜ਼ਦ- ਇਕ ਖ਼ਬਰ

ਮਿੱਤਰਾਂ ਦੀ ਜਾਕਟ ‘ਤੇ, ਘੁੰਡ ਕੱਢ ਕੇ ਬੂਟੀਆਂ ਪਾਵਾਂ।

ਅਸੀਂ ਇਰਾਨ ‘ਤੇ ਅਮਰੀਕੀ ਹਮਲੇ ‘ਚ ਸ਼ਾਮਲ ਨਹੀਂ ਪਰ ਸਾਨੂੰ ਪਹਿਲਾਂ ਤੋਂ ਜਾਣਕਾਰੀ ਸੀ- ਬ੍ਰਿਟੇਨ

ਘੁੰਡ ਕੱਢਦੀ ਤਵੀਤ ਨੰਗਾ ਰੱਖਦੀ, ਛੜਿਆਂ ਦੀ ਹਿੱਕ ਲੂਹਣ ਨੂੰ।

================================================================

ਸੁਖਬੀਰ ਬਾਦਲ ਦੀ ਅਗਵਾਈ ਕਬੂਲਣ ਦਾ ਸਵਾਲ ਹੀ ਪੈਦਾ ਨਹੀਂ ਹੁੰਦਾ- ਪਰਮਿੰਦਰ ਸਿੰਘ ਢੀਂਡਸਾ

ਮੱਝ ਲੈ ਦੇ ਮੈਨੂੰ ਬਾਬਲਾ, ਮੈਂ ਜੇਠ ਦੀ ਲੱਸੀ ਨਹੀਂ ਪੀਣੀ।

ਦਿੱਲੀ ਤੋਂ ਆਏ ‘ਆਪ’ ਦੇ ਸਾਰੇ ਭ੍ਰਿਸ਼ਟ ਆਗੂਆਂ ਨੇ ਪੰਜਾਬ ‘ਚ ਡੇਰੇ ਲਾਏ- ਦਿੱਲੀ ਦੀ ਮੁੱਖ ਮੰਤਰੀ

ਮੇਰੀ ਸੇਜ ‘ਤੇ ਬਹਿ ਗਿਆ ਨੀ, ਉਹ ਰਾਂਝਣ ਮੱਲੋਜ਼ੋਰੀ।

ਜੀ-7 ਸੰਮੇਲਨ ਵਿਚੇ ਛੱਡ ਕੇ ਅਮਰੀਕਾ ਪਰਤੇ ਰਾਸ਼ਟਰਪਤੀ ਟਰੰਪ- ਇਕ ਖ਼ਬਰ

ਛੱਡ ਮਿੱਤਰ ਫੁਲਕਾਰੀ, ਹਾਕਾਂ ਘਰ ਵੱਜੀਆਂ।

ਇਰਾਨ ਇਜ਼ਰਾਈਲ ਦੀ ਜੰਗ ਜਾਰੀ ਰਹੀ ਤਾਂ ਭਾਰਤੀਆਂ ਦੀ ਜੇਬ ‘ਤੇ ਕਾਫ਼ੀ ਭਾਰੀ ਪਵੇਗੀ- ਇਕ ਖ਼ਬਰ

ਨਾਨੀ ਖ਼ਸਮ ਕਰੇ, ਦੋਹਤਾ ਚੱਟੀ ਭਰੇ।

ਪਾਕਿ ਫੌਜ ਮੁਖੀ ਮੁਨੀਰ ਦੀ ਮੇਜ਼ਬਾਨੀ ਕਰੇਗਾ ਟਰੰਪ- ਇਕ ਖ਼ਬਰ

ਨਵੇਂ ਨਵੇਂ ਮਿੱਤ, ਪੁਰਾਣੇ ਕੀਹਦੇ ਚਿੱਤ।

ਸਵਿਸ ਬੈਂਕਾਂ ‘ਚ ਭਾਰਤੀਆਂ ਦਾ ਪੈਸਾ ਤਿੰਨ ਗੁਣਾ ਵਧਿਆ- ਇਕ ਖ਼ਬਰ

ਗੇਅਰ ਪੁੱਠਾ ਪੈ ਗਿਆ, ਪੈਸਾ ਆਉਣ ਦੀ ਬਜਾਇ ਜਾਣ ਲੱਗ ਪਿਆ।

ਇਰਾਨ ਆਤਮ ਸਮਰਪਣ ਨਹੀਂ ਕਰੇਗਾ- ਖਾਮੇਨਾਈ

ਗੱਲ ਸੋਚ ਕੇ ਕਰੀਂ ਠਾਣੇਦਾਰਾ, ਅਸਾਂ ਨਹੀਂ ਕਨੌੜ ਝੱਲਣੀ।

ਖਾਮੇਨੇਈ ਦੇ ਖ਼ਾਤਮੇ ਦਾ ਵਕਤ ਆ ਗਿਆ ਹੈ- ਨੇਤਨਯਾਹੂ

ਨਾ ਰਹੇ ਬਾਂਸ ਤੇ ਨਾ ਵੱਜੇ ਬੰਸਰੀ।

36 ਹੋਰ ਦੇਸ਼ਾਂ ਦੀ ਐਂਟਰੀ ਅਮਰੀਕਾ ਲਈ ਹੋਵੇਗੀ ਬੰਦ- ਇਕ ਖ਼ਬਰ

ਗਲ਼ੀਆਂ ਹੋ ਜਾਣ ਸੁੰਞੀਆਂ, ਵਿਚ ਮਿਰਜ਼ਾ ਯਾਰ ਫਿਰੇ।

ਰੋਜ਼ੀ-ਰੋਟੀ ਚਲਾਉਣ ਲਈ ਕੁਝ ਤਾਂ ਕਰਨਾ ਜ਼ਰੂਰੀ ਹੈ- ਨਵਜੋਤ ਸਿੱਧੂ

ਪੇਟ ਨਾ ਪਈਆਂ ਰੋਟੀਆਂ ਤਾਂ ਸਭੇ ਗੱਲਾਂ ਖੋਟੀਆਂ।

ਇਰਾਨ ਵਲੋਂ ਪ੍ਰਮਾਣੂੰ ਬੰਬ ਨਾ ਬਣਾਏ ਜਾਣ ਦੀ ਖ਼ੁਫ਼ੀਆ ਜਾਣਕਾਰੀ ਟਰੰਪ ਵਲੋਂ ਰੱਦ- ਇਕ ਖ਼ਬਰ

ਚੰਦਰਾ ਸ਼ੌਕੀਨ ਹੋ ਗਿਆ, ਤੇੜ ਲਾ ਕੇ ਖੱਦਰ ਦਾ ਸਾਫ਼ਾ।

ਕਾਂਗਰਸ ਦੇ ਕੁਝ ਆਗੂਆਂ ਤੋਂ ਮੇਰੀ ਰਾਇ ਵੱਖ ਹੈ- ਸ਼ਸ਼ੀ ਥਰੂਰ

ਪਿਛਾਂਹ ਨੂੰ ਗੱਡੀ ਮੋੜ ਬਾਬਲਾ, ਮੇਰੇ ਹਾਣ ਦਾ ਮੁੰਡਾ ਨਾ ਕੋਈ।

ਗਾਜ਼ਾ ਤੇ ਇਰਾਨ ਬਾਰੇ ਸਰਕਾਰ ਦੀ ਚੁੱਪ ਰੜਕਦੀ ਹੈ- ਸੋਨੀਆਂ ਗਾਂਧੀ

ਕੁਝ ਬੋਲ ਵੇ ਦਿਲਾਂ ਦੀ ਘੁੰਡੀ ਖੋਲ੍ਹ ਵੇ।

ਪਾਕਿਸਤਾਨ ਨੇ ਨੋਬੇਲ ਪੁਰਸਕਾਰ ਲਈ ਟਰੰਪ ਨੂੰ ਕੀਤਾ ਨਾਮਜ਼ਦ- ਇਕ ਖ਼ਬਰ

ਮਿੱਤਰਾਂ ਦੀ ਜਾਕਟ ‘ਤੇ, ਘੁੰਡ ਕੱਢ ਕੇ ਬੂਟੀਆਂ ਪਾਵਾਂ।

ਅਸੀਂ ਇਰਾਨ ‘ਤੇ ਅਮਰੀਕੀ ਹਮਲੇ ‘ਚ ਸ਼ਾਮਲ ਨਹੀਂ ਪਰ ਸਾਨੂੰ ਪਹਿਲਾਂ ਤੋਂ ਜਾਣਕਾਰੀ ਸੀ- ਬ੍ਰਿਟੇਨ

ਘੁੰਡ ਕੱਢਦੀ ਤਵੀਤ ਨੰਗਾ ਰੱਖਦੀ, ਛੜਿਆਂ ਦੀ ਹਿੱਕ ਲੂਹਣ ਨੂੰ।

================================================================

16.06.2025

ਢੀਂਡਸਾ ਦੀ ਅੰਤਮ ਅਰਦਾਸ ਮੌਕੇ ਸੁਨੀਲ ਜਾਖੜ ਦੀ ਅਕਾਲੀਆਂ ਨੂੰ ਅਪੀਲ- ਇਕ ਖ਼ਬਰ

ਹਾਇ ਓਏ ਅਕਾਲੀਓ ਭਾਜਪਾ ਨਾਲ ਸਮਝੌਤਾ ਕਰ ਲਉ, ਮੇਰਾ ਵੀ ਕੁਝ ਬਣ ਜਾਊ।

ਮਸਕ ਨਾਲ ਮੇਰਾ ਰਿਸ਼ਤਾ ਖ਼ਤਮ ਹੋ ਗਿਐ- ਟਰੰਪ

ਲਾਈ ਬੇਕਦਰਾਂ ਨਾਲ਼ ਯਾਰੀ, ਟੁੱਟ ਗਈ ਤੜੱਕ ਕਰ ਕੇ।

ਸ਼੍ਰੋਮਣੀ ਕਮੇਟੀ ਯੂ.ਪੀ. ‘ਚ ਹਜ਼ਾਰਾਂ ਸਿੱਖਾਂ ਦੇ ਈਸਾਈ ਬਣਨ ਦੀ ਪੜਤਾਲ ਕਿਉਂ ਨਹੀਂ ਕਰਵਾਉਂਦੀ?- ਸਰਨਾ, ਜੀ. ਕੇ.

ਤੁਹਾਡਾ ਕੀ ਖ਼ਿਆਲ ਝੱਗਾ ਚੁੱਕ ਕੇ ਆਪਣਾ ਹੀ ਢਿੱਡ ਨੰਗਾ ਕਰ ਲਵੇ।

ਪੰਜਾਬ ਵਿਚ ਲੂ ਕਾਰਨ ਦੁੱਧ ਉਤਪਾਦਨ ਵਿਚ ਵੀ ਆਈ ਕਮੀ- ਇਕ ਖ਼ਬਰ

ਚਿੰਤਾ ਨਾ ਕਰੋ ਨਕਲੀ ਦੁੱਧ ਬਣਾਉਣ ਵਾਲਿਆਂ ਨੇ ਆਪਣਾ ਉਤਪਾਦਨ ਹੋਰ ਵਧਾ ਦੇਣਾ।

ਟਰੰਪ ਨਾਲ ਬਹਿਸ ਕਰਨ ਦਾ ਮਸਕ ਨੂੰ ਪਛਤਾਵਾ-ਇਕ ਖ਼ਬਰ

ਜੇਠਾ ਵੇ ਮਾਫ਼ ਕਰੀਂ, ਭੁੱਲ ਗਈ ਮੈਂ ਘੁੰਡ ਕੱਢਣਾ।

ਦਰਬਾਰ ਸਾਹਿਬ ‘ਤੇ ਹਮਲਾ ਇਕ ਸਿਆਸੀ ਚਾਲ ਸੀ- ਜਨਰਲ ਵੀ.ਐਨ. ਸ਼ਰਮਾ

ਤੇਰੇ ਛੱਲੇ ਨੇ ਪੁਆੜੇ ਪਾਏ, ਲਿਆ ਭਾਬੀ ਨੇ ਪਛਾਣ ਮਿੱਤਰਾ।

ਪੰਜਾਬ ਦੀਆਂ ਮੰਗਾਂ ਭਾਜਪਾ ਸਰਕਾਰ ਪੂਰੀਆਂ ਕਰ ਦੇਵੇ ਤਾਂ ਗੱਠਜੋੜ ਹੋ ਸਕਦੈ- ਭੂੰਦੜ

ਉਹ ਕਹੇ ਘੱਟ ਨਾ ਤੋਲੀਂ, ਉਹ ਕਹੇ ਥੜ੍ਹੇ ‘ਤੇ ਨਾ ਚੜ੍ਹੀਂ।

ਫ਼ਿਰਕੂ ਟਿੱਪਣੀਆਂ ਕਰਨ ਵਾਲੇ ਜਸਟਿਸ ਯਾਦਵ ਨੂੰ ਬਚਾਉਣਾ ਚਾਹੁੰਦੀ ਹੈ ਸਰਕਾਰ- ਕਪਿਲ ਸਿੱਬਲ

ਡੋਰ ਵੱਟ ਕੇ ਗਲ਼ੇ ਦੇ ਵਿਚ ਪਾਵਾਂ, ਮਿੱਤਰਾ ਤਵੀਤ ਬਣ ਜਾ।

ਸੁਖਬੀਰ ਜੀ, ਪੰਥਕ ਏਕਤਾ ਚਾਹੁੰਦੇ ਹੋ ਤਾਂ ਦੋ ਦਸੰਬਰ ਦਾ ਹੁਕਮਨਾਮਾ ਮੰਨ ਕੇ ਪ੍ਰਧਾਨਗੀ ਛੱਡੋ- ਪੰਜ ਮੈਂਬਰੀ ਕਮੇਟੀ

ਜੇ ਤੂੰ ਖਾਣੀਆਂ ਸੇਵੀਆਂ ਤਾਂ ਮੁੱਛਾਂ ਮੁਨਾ ਕੇ ਆ।

ਟਰੰਪ ਦੀ ਮਸਕ ਨੂੰ ਚਿਤਾਵਨੀ: ਨਤੀਜੇ ਭੁਗਤਣ ਲਈ ਤਿਆਰ ਰਹੋ- ਇਕ ਖ਼ਬਰ

ਸਲਵਾਨ ਜੱਲਾਦਾਂ ਨੂੰ ਆਖਦਾ, ਕਰੋ ਪੂਰਨ ਜਲਦ ਹਲਾਲ।

ਸ਼੍ਰੋਮਣੀ ਕਮੇਟੀ ਦੀ ‘ਗਫ਼ਲਤ’ ਕਾਰਨ ਪਿੰਡਾਂ ਦੇ ਪਿੰਡ ਈਸਾਈ ਬਣੇ- ਹਰਮੀਤ ਸਿੰਘ ਕਾਲਕਾ

ਕਾਲਕਾ ਜੀ ਤੁਹਾਡੀਆਂ ਤਿਕੜਮਬਾਜ਼ੀਆਂ ਕਾਰਨ ਕਮੇਟੀ ਮੈਂਬਰ ਭਾਜਪਾਈ ਬਣੇ।

ਮੈਂ ਰਾਜਨੀਤੀ ‘ਚ ਕਿਸੇ ਕਾਰੋਬਾਰ ਲਈ ਨਹੀਂ ਆਇਆ- ਨਵਜੋਤ ਸਿੱਧੂ

ਹੱਥ ਪਕੜ ਜੁੱਤੀ ਮੋਢੇ ਮਾਰ ਬੁੱਕਲ, ਰਾਂਝਾ ਹੋ ਤੁਰਿਆ ਵਾਰਸ ਸ਼ਾਹ ਜੇਹਾ।

ਸੂਚਨਾ ਤੇ ਤਕਨਾਲੋਜੀ ਦੇ ਦੌਰ ਵਿਚ ਇੰਟਰਨੈੱਟ ਸਮਾਜ ਨੂੰ ਤੋੜ ਰਿਹੈ- ਚੀਫ਼ ਜਸਟਿਸ ਗਵਈ

ਪਿੰਡ ‘ਚ ਲੜਾਈਆਂ ਪਾਉਂਦਾ ਨੀਂ ਮਰ ਜਾਣਾ ਅਮਲੀ।

ਭਾਰਤ ‘ਚ ਪੂੰਜੀਵਾਦ ਦਾ ਦਬਦਬਾ ਉਜਾੜ ਰਿਹੈ ਕਿਸਾਨਾਂ ਨੂੰ -ਰਾਕੇਸ਼ ਟਿਕੈਤ

ਸੀਟੀ ‘ਤੇ ਸੀਟੀ ਵੱਜੇ, ਜਦ ਮੈਂ ਗਿੱਧੇ ਵਿਚ ਆਈ।

ਆਪਣੀ ਖ਼ਤਮ ਹੋ ਰਹੀ ਸਾਖ ਨੂੰ ਬਚਾਉਣ ਲਈ ਸੁਖਬੀਰ ਭਾਜਪਾ ਨਾਲ ਗੱਠਜੋੜ ਕਰਨ ਲਈ ਤਰਲੋਮੱਛੀ- ਇਕ ਖ਼ਬਰ

ਹੁਣ ਅੱਕਾਂ ਤੋਂ ਭਾਲ਼ਦੀ ਡੇਲੇ, ਜੱਟਾਂ ਨੇ ਕਰੀਰ ਪੁੱਟ ਲਏ।

============================================================================

09.06.2025

ਧਰਮੀ ਫੌਜੀਆਂ ਦੀ ਸ਼੍ਰੋਮਣੀ ਕਮੇਟੀ ਨੇ ਨਹੀਂ ਲਈ ਸਾਰ- ਇਕ ਖ਼ਬਰ

ਇਕ ਟੱਬਰ ਦੀ ਸਾਰ ਤੋਂ ਹੀ ਵਿਹਲ ਨਹੀਂ ਵਿਚਾਰੀ ਨੂੰ, ਕੀਹਦੀ ਕੀਹਦੀ ਸਾਰ ਲਵੇ!

ਸ਼੍ਰੋਮਣੀ ਕਮੇਟੀ ਦਾ ਮੁਲਾਜ਼ਮ ਤਮਾਕੂ ਖ਼ਰੀਦਦਾ ਫੜਿਆ ਗਿਆ- ਇਕ ਖ਼ਬਰ

ਇਥੇ ਇਕ ਸੀਨੀਅਰ ਅਧਿਕਾਰੀ ਬੇਰ ਜਿਤਨਾ ਨਾਗਣੀ ਦਾ ਗੋਲ਼ਾ ਛਕਦੈ, ਉਹ ਵੀ ਮਾਤਹਿਤਾਂ ਦੇ ਸਿਰੋਂ।

ਜਥੇਦਾਰ ਗੜਗੱਜ ਨੇ ਭਾਈ ਰਾਜੋਆਣਾ ਨਾਲ ਕੀਤੀ ਮੁਲਾਕਾਤ- ਇਕ ਖ਼ਬਰ

ਐ ਮੇਰੇ ਮੁਸ਼ਕਿਲਕੁਸ਼ਾ ਫ਼ਰਿਆਦ ਹੈ, ਫ਼ਰਿਆਦ ਹੈ।

ਪੰਜਾਬ ਕਾਂਗਰਸ ਅੰਦਰ ਸਭ ਕੁਝ ਠੀਕ-ਠਾਕ ਹੈ- ਰਾਜਾ ਵੜਿੰਗ

ਰਾਜਾ ਜੀ ਦੱਸਣ ਦੀ ਕੀ ਲੋੜ ਐ, ਸਭ ਨੂੰ ਪਤੈ ਕਿ ਅੰਦਰ ‘ਠੀਕ-ਠਾਕ’ ਐ।

ਕਾਂਗਰਸ ਨੇ ਲੋਕਲ ਆਗੂਆਂ ਨੂੰ ਨਕਾਰ ਕੇ ਹਾਈਕਮਾਂਡ ਨੇ ਬਾਹਰਲਿਆਂ ‘ਤੇ ਕੀਤਾ ਭਰੋਸਾ- ਇਕ ਖ਼ਬਰ

ਘਰ ਦਾ ਜੋਗੀ ਜੋਗੜਾ, ਬਾਹਰ ਦਾ ਜੋਗੀ ਸਿੱਧ।

ਕੇਂਦਰੀ ਖੇਤੀ ਮੰਤਰੀ ਸ਼ਿਵਰਾਜ ਚੌਹਾਨ ਨੇ ਕਿਸਾਨਾਂ ਦੀਆਂ ਮੁਸ਼ਕਿਲਾਂ ਸੁਣੀਆਂ- ਇਕ ਖ਼ਬਰ

ਜਿਹੜਾ ਕਿਹੜਾ ਮੁਸ਼ਕਿਲਾਂ ਸੁਣਦਾ ਈ ਐ, ਹੱਲ ਕੋਈ ਨਹੀਂ ਕੱਢਦਾ।

ਭਾਰਤ ਨੂੰ ਕਿਸੇ ਦੀ ਵਿਚੋਲਗੀ ਦੀ ਲੋੜ ਨਹੀਂ- ਸ਼ਸ਼ੀ ਥਰੂਰ

ਘੜਾ ਚੁੱਕ ਲਊਂ ਪੱਟਾਂ ‘ਤੇ ਹੱਥ ਧਰ ਕੇ, ਖਸਮਾਂ ਨੂੰ ਖਾਣ ਕੁੜੀਆਂ।

ਬਾਦਲ- ਧੁੰਮਾ ਦੀ ਬੰਦ ਕਮਰਾ ਮੀਟਿੰਗ ਅਫ਼ਵਾਹ ਸਾਬਤ ਹੋਈ- ਇਕ ਖ਼ਬਰ

ਐਵੇਂ ਰੌਲ਼ਾ ਪੈ ਗਿਆ, ਬਈ ਐਵੇਂ ਰੌਲ਼ਾ ਪੈ ਗਿਆ।

ਪਟਨਾ ਸਾਹਿਬ ਦੇ ਪੰਜ ਪਿਆਰਿਆਂ ਨੇ ਸੁਖਬੀਰ ਬਾਦਲ ਨੂੰ ਮੁੜ ਕੀਤਾ ਤਲਬ- ਇਕ ਖ਼ਬਰ

ਕਰ ਲੈ ਬੰਦਗੀ ਤੂੰ ਸੁਤਾ ਜਾਗ ਬੇਟਾ, ਹੱਥ ਭਲਕ ਨੂੰ ਆਵਣਾ ਅੱਜ ਨਹੀਂ।

ਪੰਥ ਵਿਚ ਮੌਜੂਦਾ ਦੁਬਿਧਾ ਲਈ ਧਾਮੀ ਅਤੇ ਸੁਖਬੀਰ ਬਾਦਲ ਜ਼ਿੰਮੇਵਾਰ- ਸੁੱਚਾ ਸਿੰਘ ਛੋਟੇਪੁਰ

ਪਵੇ ਹਾਸ਼ਮਾਂ ਗ਼ੈਬ ਦੀ ਧਾੜ ਏਹਨਾਂ, ਨਿੱਤ ਮਾਸ ਬੇਗਾਨੜਾ ਖਾਂਵਦੇ ਨੇ।

ਰਾਜੇਵਾਲ ਤੇ ਡੱਲੇਵਾਲ ਨੇ ਮੁੱਖ ਮੰਤਰੀ ਮਾਨ ਨਾਲ਼ ਬਹਿਸ ਦੀ ਚੁਣੌਤੀ ਕੀਤੀ ਪਰਵਾਨ- ਇਕ ਖ਼ਬਰ

ਸਾਡੇ ਨਾਲ ਕੀ ਪਾਇਆ ਈ ਵੈਰ ਕਾਕਾ, ਮੱਥਾ ਸੌਂਕਣਾ ਵਾਂਗ ਕੀ ਡਾਹਿਆ ਈ।

ਟਰੰਪ ਨੇ ਨਾਸਾ ਦੀ ਅਗਵਾਈ ਲਈ ਮਸਕ ਦੇ ਸਹਿਯੋਗੀ ਦਾ ਨਾਮ ਵਾਪਸ ਲਿਆ- ਇਕ ਖ਼ਬਰ

ਯਾਰੀ ਲੱਗੀ ‘ਤੇ ਲੁਆ ‘ਤੇ ਤਖ਼ਤੇ, ਟੁੱਟੀ ‘ਤੇ ਚੁਗਾਠ ਪੁੱਟ ਲਈ।

ਸੰਸਦ ਦੇ ਵਿਸ਼ੇਸ਼ ਇਜਲਾਸ ਦੀ ਮੰਗ ਨੂੰ ਲੈ ਕੇ ਵਿਰੋਧੀ ਪਾਰਟੀਆਂ ਹੋਈਆਂ ਇਕਜੁੱਟ- ਇਕ ਖ਼ਬਰ

ਦਾਰੂ ਪੀ ਕੇ ਮਿੱਤਰਾਂ ਨੇ, ਤੇਰੇ ਬੂਹੇ ਅੱਗੇ ਡਾਂਗ ਖੜਕਾਉਣੀ।

ਭਾਜਪਾ ਨੇ ਰਾਤ ਦੇ ਹਨ੍ਹੇਰੇ ‘ਚ ਬਣਾਏ ਮੰਡਲ ਪ੍ਰਧਾਨ, ਵਰਕਰਾਂ ‘ਚ ਰੋਸ- ਇਕ ਖ਼ਬਰ

ਲਗਦੈ ਸ਼੍ਰੋਮਣੀ ਕਮੇਟੀ ਦੀ ਨਕਲ ਕੀਤੀ ਐ ਭਾਜਪਾ ਨੇ।

ਅਕਾਲ ਤਖ਼ਤ ਦਾ ਅਸਲ ਜਥੇਦਾਰ ਕੌਣ?- ਇਕ ਸਵਾਲ

ਜਿਹੜੇ ‘ਮਾਲਕ’ ਦਾ ਹੁਕਮ ਚਲਦੈ ਉਹੀ ਜਥੇਦਾਰ।

ਭਾਖੜਾ ਦੇ ਪਾਣੀਆਂ ਦੇ ਵਿਵਾਦ ਵਾਲੀ ਪੰਜਾਬ ਦੀ ਪਟੀਸ਼ਨ ਹਾਈ ਕੋਰਟ ਨੇ ਕੀਤੀ ਰੱਦ- ਇਕ ਖ਼ਬਰ

ਛੜਿਆਂ ਦੇ ਗਈ ਅੱਗ ਨੂੰ, ਉਨ੍ਹੀਂ ਚੱਪਣੀ ਵਗਾਹ ਕੇ ਮਾਰੀ।

ਕਿਸਾਨਾਂ ਦੀ ਭਲਾਈ ਲਈ ਯਤਨ ਹੋਰ ਜੋਸ਼ ਨਾਲ ਜਾਰੀ ਰਹਿਣਗੇ- ਮੋਦੀ

ਪਰ ਪਰਨਾਲਾ ਉੱਥੇ ਦਾ ਉੱਥੇ ਹੀ ਰਹੇਗਾ।

ਸ੍ਰੀ ਅਕਾਲ ਤਖ਼ਤ ਸਾਹਿਬ ਦੇ ਹੁਕਮਾਂ ‘ਤੇ ਪਹਿਰਾ ਦੇਵਾਂਗੇ- ਪ੍ਰਮਿੰਦਰ ਢੀਂਡਸਾ

ਦੋ ਦਸੰਬਰ ਵਾਲੇ ਹੁਕਮਾਂ ‘ਤੇ ਕਿ ਹੁਣ ਵਾਲਿਆਂ ‘ਤੇ।

ਈ.ਡੀ. ਦਾ ਡਿਪਟੀ ਡਾਇਰੈਕਟਰ ਰਿਸ਼ਵਤ ਲੈਣ ਦੇ ਦੋਸ਼ਾਂ ‘ਚ ਗ੍ਰਿਫ਼ਤਾਰ- ਇਕ ਖ਼ਬਰ

ਸੁਣ ਲੈ ਨਿਹਾਲੀਏ ਚੋਰਾਂ ਦੀਆਂ ਗੱਲਾਂ।

ਚੰਡੀਗੜ੍ਹ ਤੋਂ ਪੰਜਾਬ ਅਤੇ ਹਰਿਆਣਾ ਦਾ ਡੈਪੂਟੇਸ਼ਨ ਕੋਟਾ ਖ਼ਤਮ- ਇਕ ਖ਼ਬਰ

ਰੋਟੀ ਤਾਂ ਖਾ ਗਿਆ ਬਾਂਦਰ, ਬਿੱਲੀਆਂ ਰਹਿ ਗਈਆਂ ਝਾਕਦੀਆਂ।

ਜਥੇਦਾਰ ਦੀ ਨਿਯੁਕਤੀ ਅਤੇ ਸੇਵਾ-ਮੁਕਤੀ ਸਬੰਧੀ ਨਿਯਮਾਂਵਲੀ ਲਈ ਜਲਦੀ ਹੀ ਕਮੇਟੀ ਬਣਾਈ ਜਾਵੇਗੀ - ਪ੍ਰਧਾਨ ਧਾਮੀ

ਜਿਵੇਂ ਪਹਿਲੀਆਂ ਕਮੇਟੀਆਂ ‘ਤੇ ਅਸੀਂ ਮਿੱਟੀ ਪਾਈ ਇਸ ‘ਤੇ ਵੀ ਪਾਵਾਂਗੇ, ਸੰਗਤ ਜੀ ਫ਼ਿਕਰ ਨਾ ਕਰੋ।

ਐਲਨ ਮਸਕ ਤੇ ਟਰੰਪ ਦੀ ਯਾਰੀ ਟੁੱਟੀ, ਮਸਕ ਨੇ ਸਲਾਹਕਾਰ ਵਿਭਾਗ ਤੋਂ ਦਿਤਾ ਅਸਤੀਫ਼ਾ- ਇਕ ਖ਼ਬਰ

ਤੇਰੀ ਮੇਰੀ ਨਹੀਂ ਨਿਭਣੀ, ਮੈਂ ਪਤਲੀ ਤੂੰ ਭਾਰਾ।

ਭੁਜ ਵਿਚ ਅੰਮ੍ਰਿਤਧਾਰੀ ਸਿੱਖਾਂ ਨੂੰ ਸ੍ਰੀ ਸਾਹਿਬਾਂ ਪਹਿਨੀਆਂ ਕਰਕੇ ਮੋਦੀ ਦੀ ਰੈਲੀ ‘ਚ ਜਾਣੋ ਰੋਕਿਆ- ਇਕ ਖ਼ਬਰ

ਠਹਿਰੋ ਅਜੇ! ਉਹ ਦਿਨ ਵੀ ਦੂਰ ਨਹੀਂ ਜਦ ਤੁਹਾਨੂੰ ਆਪਣੇ ਘਰਾਂ ‘ਚ ਵੀ ਪਹਿਨਣ ਦੀ ਇਜਾਜ਼ਤ ਨਹੀਂ ਹੋਵੇਗੀ।

ਭਾਖੜਾ ਡੈਮ ‘ਤੇ ਸੀ.ਆਈ.ਐਸ.ਐਫ. ਲਾਉਣੀ ਰਾਜ ਸਰਕਾਰ ਦੇ ਅਧਿਕਾਰਾਂ ‘ਤੇ ਛਾਪਾ- ਚੰਦੂਮਾਜਰਾ

ਕਾਂਗਰਸੀਆਂ ਤੇ ਅਕਾਲੀਆਂ ਦੋਵਾਂ ਨੇ ਹੀ ਆਪਣੀਆਂ ਗੱਦੀਆਂ ਖਾਤਰ ਕੇਂਦਰ ਤੋਂ ਛਾਪੇ ਮਰਵਾਏ।

ਗਿਆਨੀ ਕੁਲਦੀਪ ਸਿੰਘ ਗੜਗੱਜ ਨੂੰ ਸ੍ਰੀ ਅਕਾਲ ਤਖ਼ਤ ਸਾਹਿਬ ਤੋਂ ਕੌਮ ਦੇ ਨਾਮ ਸੰਦੇਸ਼ ਦੇਣ ਤੋਂ ਰੋਕਿਆ ਜਾਵੇ- ਧੁੰਮਾ

ਧੁੰਮਾ ਜੀ ਆਪ ਪਹੁੰਚੋ ਉਥੇ ਰੋਕਣ ਲਈ।

ਵਿਰਸਾ ਸਿੰਘ ਵਲਟੋਹਾ ਨੇ ਜਥੇਦਾਰ ਅਕਾਲ ਤਖ਼ਤ ਕੋਲ ਕੀਤੀ ਅਪੀਲ- ਇਕ ਖ਼ਬਰ

ਤੁਸੀਂ ਕਰੋ ਅਸਾਡੀ ਕਾਰੀ ਜੀ, ਹੁਣ ਹੋ ਗਈ ਮੁਸ਼ਕਿਲ ਭਾਰੀ ਜੀ।

ਪ੍ਰਧਾਨ ਮੰਤਰੀ ਮੋਦੀ ਅਤੇ ਮਮਤਾ ਬੈਨਰਜੀ ਹੋਏ ਆਹਮੋ ਸਾਹਮਣੇ- ਇਕ ਖ਼ਬਰ

ਕੁੰਢੀਆਂ ਦੇ ਸਿੰਙ ਫਸ ਗਏ, ਕੋਈ ਨਿੱਤਰੂ ਵੜੇਂਵੇਂ ਖਾਣੀ।

ਭਾਜਪਾ ਮੰਤਰੀ ਕਪਿਲ ਮਿਸ਼ਰਾ ਵਿਰੁੱਧ ‘ਢਿੱਲੀ ਜਾਂਚ’ ਲਈ ਹਾਈ ਕੋਰਟ ਨੇ ਦਿੱਲੀ ਪੁਲਿਸ ਨੂੰ ਖਿੱਚਿਆ- ਇਕ ਖ਼ਬਰ

ਤੈਨੂੰ ਤਾਪ ਚੜ੍ਹੇ ਮੈਂ ਹੂੰਗਾਂ, ਤੇਰੀ ਮੇਰੀ ਇਕ ਜਿੰਦੜੀ।

59 ਸਾਲਾ ਵਿਅਕਤੀ ਨੇ ਸਰ ਕੀਤੀ ਮਾਊਂਟ ਐਵਰੈਸਟ-ਇਕ ਖ਼ਬਰ

ਦਿਲ ਹੋਣਾ ਚਾਹੀਦਾ ਜਵਾਨ, ਉਮਰਾਂ ‘ਚ ਕੀ ਰੱਖਿਆ।

‘ਆਪ੍ਰੇਸ਼ਨ ਸਿੰਧੂਰ’ ਦੇ ਨਾਮ ‘ਤੇ ਪ੍ਰਧਾਨ ਮੰਤਰੀ ਸਿਆਸੀ ਲਾਹਾ ਉਠਾ ਰਹੇ ਹਨ- ਮਮਤਾ ਬੈਨਰਜੀ

ਕਾਹਨੂੰ ਦੇਨੀਂ ਏਂ ਕੁਪੱਤੀਏ ਗਾਲ੍ਹਾਂ, ਛੜੇ ਦਾ ਕਿਹੜਾ ਪੁੱਤ ਮਰ ਜੂ।

ਕੇਂਦਰ ਸਰਕਾਰ ਆਰ.ਐੱਸ.ਐੱਸ. ਦੀ ਸ਼ਹਿ ‘ਤੇ ਉਡਾ ਰਹੀ ਹੈ ਸੰਵਿਧਾਨ ਦੀਆਂ ਧੱਜੀਆਂ- ਰਾਜਾ ਵੜਿੰਗ

ਬੋਦੀ ਵਾਲ਼ਾ ਤਾਰਾ ਚੜ੍ਹਿਆ, ਘਰ ਘਰ ਹੋਣ ਵਿਚਾਰਾਂ।

ਪ੍ਰਸ਼ਾਂਤ ਕਿਸ਼ੋਰ ਨੇ ਪ੍ਰਧਾਨ ਮੰਤਰੀ ਮੋਦੀ ‘ਤੇ ਚਲਾਏ ਸ਼ਬਦਾਂ ਦੇ ਤੀਰ- ਇਕ ਖ਼ਬਰ

ਤੂੰ ਹੋਰ ਨਾ ਮਾਰੀਂ ਮਿਰਜ਼ਿਆ, ਤੇਰੇ ਬੜੇ ਗ਼ਜ਼ਬ ਦੇ ਤੀਰ।

==============================================================

ਹਾਈ ਕੋਰਟ ਦੇ ਸਾਰੇ ਜੱਜ ਪੂਰੀ ਪੈਨਸ਼ਨ ਲੈਣ ਦੇ ਹੱਕਦਾਰ- ਸੁਪਰੀਮ ਕੋਰਟ

ਸੁਪਰੀਮ ਕੋਰਟ ਜੀ ਕਦੀ ਗ਼ਰੀਬ ਮੁਲਾਜ਼ਮਾਂ ਲਈ ਵੀ ਅਜਿਹਾ ਫ਼ੈਸਲਾ ਦਿਉ।

ਭਾਰਤ ਤੇ ਪਾਕਿਸਤਾਨ ਵਿਚਾਲੇ ‘ਸਥਾਈ ਜੰਗਬੰਦੀ’ ਕਰਵਾਉਣ ਲਈ ਅਸੀਂ ਅਹਿਮ ਭੂਮਿਕਾ ਨਿਭਾਵਾਂਗੇ-ਚੀਨ

ਯਾਨੀ ਕਿ ਬੋਹਲ ਦੀ ਰਾਖੀ ਬੱਕਰਾ ਬੈਠੇਗਾ।

ਰੂਸ ਨੇ ਐਮਨੈਸਟੀ ਇੰਟਰਨੈਸ਼ਨਲ ’ਤੇ ਲਾਈ ਪਾਬੰਦੀ- ਇਕ ਖ਼ਬਰ

ਉੱਪਰ ਢੱਕਣ ਦੇ ਦਿਉ, ਭਾਫ਼ ਨਾ ਨਿਕਲੇ ਬਾਹਰ।

ਟਰੰਪ ਵਲੋਂ ਰੂਸ- ਯੂਕਰੇਨ ਵਿਚਕਾਰ ਜੰਗਬੰਦੀ ਕਰਵਾਉਣ ਲਈ ਕੋਸ਼ਿਸ਼ਾਂ ਤੇਜ਼- ਇਕ ਖ਼ਬਰ

ਜ਼ਰੂਰ ਬਈ ਜ਼ਰੂਰ! ਹੁਣ ਤਜਰਬਾ ਜੁ ਹੋ ਗਿਐ ਭਾਰਤ ਤੇ ਪਾਕਿਸਤਾਨ ਦੀ ਜੰਗਬੰਦੀ ਕਰਵਾ ਕੇ।

ਦੁਨੀਆਂ ਭਰ ਦੀਆਂ ਜੇਲ੍ਹਾਂ ‘ਚ 23 ਹਜ਼ਾਰ ਤੋਂ ਵੱਧ ਪਾਕਿਸਤਾਨੀ ਬੰਦ- ਇਕ ਖ਼ਬਰ

ਬਦਨਾਮ ਭੀ ਹੋਂਗੇ ਤੋ ਕਿਆ ਨਾਮ ਨਾ ਹੋਗਾ।

ਰਾਹੁਲ ਗਾਂਧੀ ਨੇ ਜੈ ਸ਼ੰਕਰ ਦੇ ਬਿਆਨ ‘ਤੇ ਫਿਰ ਨਿਸ਼ਾਨਾ ਵਿੰਨ੍ਹਿਆਂ- ਇਕ ਖ਼ਬਰ

ਜਿੱਥੇ ਮਰਜ਼ੀ ਨਿਸ਼ਾਨੇ ਲਾ, ਹੁਣ ਤੇਰੇ ਦਿਨ ਬੱਲਿਆ।

ਤਾਮਿਲਨਾਡੂ ਦੇ ਮੁੱਖ ਮੰਤਰੀ ਨੇ ਕੇਂਦਰੀ ਟੈਕਸਾਂ ਵਿਚ 50 % ਦੀ ਹਿੱਸੇਦਾਰੀ ਮੰਗੀ- ਇਕ ਖ਼ਬਰ

ਸਾਡਾ ਹੱਕ, ਏਥੇ ਰੱਖ।

ਭਾਰਤ ਨਾਲ ਰਿਸ਼ਤੇ ਸੁਧਾਰਨਾ ਚਾਹੁੰਦਾ ਹੈ ਕੈਨੇਡਾ- ਪ੍ਰਧਾਨ ਮੰਤਰੀ ਕਾਰਨੀ

ਤੇਰੇ ਦਿਲ ਦੀ ਸਮਝ ਲਾਂ ਸਾਰੀ, ਮਿੱਤਰਾ ਤਵੀਤ ਬਣ ਜਾ।

ਗੜਗੱਜ ਦੇ ਫ਼ੈਸਲੇ ਨਾਲ਼ ਤਖ਼ਤ ਸ੍ਰੀ ਪਟਨਾ ਸਾਹਿਬ ਅਤੇ ਸ੍ਰੀ ਅਕਾਲ ਤਖ਼ਤ ਫੇਰ ਆਮਣੋ-ਸਾਹਮਣੇ- ਇਕ ਖ਼ਬਰ

ਚੰਦ ਕੌਰ ਚੱਕਵਾਂ ਚੁੱਲ੍ਹਾ, ਕਿਤੇ ਯਾਰਾਂ ਨੂੰ ਭਿੜਾ ਕੇ ਮਾਰੂ।

ਦੱਖਣੀ ਅਫ਼ਰੀਕਾ ਦੇ ਰਾਸ਼ਟਰਪਤੀ ਦੀ ਟਰੰਪ ਨਾਲ ਤਿੱਖੀ ਬਹਿਸ- ਇਕ ਖ਼ਬਰ

ਆਉਂਦੀ ਜਾਂਦੀ ਨੂੰ ਘੜਾ ਚੁਕਾਉਂਦਾ, ਮਗਰੋਂ ਮਾਰਦਾ ਗੋਡਾ।

ਪੰਜਾਬ ਦੇ ਸਰਕਾਰੀ ਹਸਪਤਾਲਾਂ ਦੀ ਹਾਲਤ ਚਿੰਤਾਜਨਕ, ਸਰਕਾਰ ਨਹੀਂ ਦੇ ਰਹੀ ਧਿਆਨ- ਇਕ ਖ਼ਬਰ

ਸਿਆਲਾਂ ਦੇ ਵਿਹੜੇ ਨਿੰਮ ਜੋ, ਉਹਦੇ ਪੱਤ ਗਏ ਕੁਮਲਾਅ।

ਸ੍ਰੀ ਅਕਾਲ ਤਖ਼ਤ ਅਤੇ ਪੰਥ ਤੋਂ ਭਗੌੜੇ ਹੋਏ ਧੜੇ ਦਾ ਮੈਂਬਰ ਬਣਨ ਦਾ ਮੇਰਾ ਕੋਈ ਵਿਚਾਰ ਨਹੀਂ- ਇਯਾਲੀ

ਜਿਹੜੇ ਪਿੰਡ ਵੀ ਅਸੀਂ ਨਹੀਂ ਜਾਣਾ, ਰਾਹ ਉਹਦਾ ਕਿਉਂ ਪੁੱਛੀਏ।

ਭਗੌੜੇ ਨੀਰਵ ਮੋਦੀ ਦੀ ਲੰਡਨ ਹਾਈ ਕੋਰਟ ਵਿਚ ਜ਼ਮਾਨਤ ਅਰਜ਼ੀ ਰੱਦ- ਇਕ ਖ਼ਬਰ

ਜੱਗ ਡਾਰ ਜਨੌਰਾਂ ਦੀ, ਇਕ ਦਿਨ ਕਾਲ਼ ਬਾਜ਼ ਨੇ ਪੈਣਾ।

ਅਮਰੀਕਾ ਨੇ ਭਾਰਤੀ ਟਰੈਵਲ ਏਜੰਸੀਆਂ ‘ਤੇ ਲਾਈ ਵੀਜ਼ਾ ਪਾਬੰਦੀ- ਇਕ ਖ਼ਬਰ

ਡੇਕ ਦਾ ਗੁਮਾਨ ਕਰਦੀ, ਸਾਨੂੰ ਤੋਤਿਆਂ ਨੂੰ ਬਾਗ਼ ਬਥੇਰੇ।

ਲਾਲੂ ਆਪਣੇ ਛੋਟੇ ਪੁੱਤਰ ਤੇਜਸਵੀ ਨੂੰ ਮੁੱਖ ਮੰਤਰੀ ਬਣਾਉਣਾ ਚਾਹੁੰਦੇ ਹਨ- ਪ੍ਰਸ਼ਾਂਤ ਕਿਸ਼ੋਰ

ਹੱਟੀ ਖੋਲ੍ਹ ਹੱਟੀ ਵਾਲਿਆ, ਮੇਰੇ ਪੁੱਤ ਨੇ ਪਤਾਸੇ ਲੈਣੇ।

20.05.2025

ਭਾਰਤ-ਪਾਕਿ ਤਣਾਅ ਦੌਰਾਨ ਸਰਕਾਰ ਨੇ ਵਿਰੋਧੀ ਨੇਤਾਵਾਂ ਦਾ ਵਫ਼ਦ ਵਿਦੇਸ਼ਾਂ ‘ਚ ਭੇਜਣ ਦਾ ਫ਼ੈਸਲਾ ਕੀਤਾ-ਇਕ ਖ਼ਬਰ

ਮਰਦੀ ਨੇ ਅੱਕ ਚੱਬਿਆ, ਹਾਰ ਕੇ ਜੇਠ ਨਾਲ਼ ਲਾਈਆਂ।

ਸਰਨਿਆਂ ਦਾ ਪੁਰਾਣਾ ਵਫ਼ਾਦਾਰ ਕੁਲਤਾਰਨ ਸਿੰਘ ਕੋਛੜ ਅਕਾਲੀ ਦਲ ਦਿੱਲੀ ਸਟੇਟ ‘ਚ ਸ਼ਾਮਲ- ਇਕ ਖ਼ਬਰ

ਛੱਡ ਗਈ ਯਾਰ ਪੁਰਾਣੇ, ਨਵਿਆਂ ਦੇ ਸੰਗ ਲਗ ਕੇ।

ਪੁੰਛ ‘ਚ ਹਮਲਿਆਂ ਦੇ ਬਾਵਜੂਦ ਸਿੱਖਾਂ ਦੇ ਹੌਸਲੇ ਰਹੇ ਬੁਲੰਦ- ਇਕ ਖ਼ਬਰ

ਕਾਬਲ ਦੇ ਜੰਮਿਆਂ ਨੂੰ ਨਿਤ ਮੁਹਿੰਮਾਂ।

ਪਹਿਲਗਾਮ ਅੱਤਵਾਦੀ ਹਮਲੇ ‘ਤੇ ਕਾਂਗਰਸ ਨੇ ਸਰਕਾਰ ਤੋਂ ਮੰਗਿਆ ਜਵਾਬ- ਇਕ ਖ਼ਬਰ

ਅਗਲੀ ‘ਮਨ ਕੀ ਬਾਤ’ ਤਕ ਇੰਤਜ਼ਾਰ ਕਰੋ।

ਪੰਜਾਬ ਸਰਕਾਰ ਵਲੋਂ ਵਿਕਾਸ ਫੰਡਾਂ ਲਈ ਕੋਈ ਕਮੀ ਨਹੀਂ- ਵਿਧਾਇਕ ਜਸਵੀਰ ਰਾਜਾ

ਮੇਰੀ ਕੱਤਣੀ ਨਸੀਬਾਂ ਵਾਲ਼ੀ, ਭਰੀ ਰਹੇ ਲੱਡੂਆਂ ਦੀ।

ਸੰਗਰੂਰ ਸ਼ਰਾਬ ਕਾਂਡ ਤੋਂ ਸਰਕਾਰ ਸਬਕ ਲੈਂਦੀ ਤਾਂ ਇਹ ਹਾਦਸਾ ਨਾ ਵਾਪਰਦਾ- ਰੱਖੜਾ, ਢੀਂਡਸਾ

ਤ੍ਰਾਸਦੀ ਤਾਂ ਇਹੋ ਹੈ ਕਿ ਸਰਕਾਰਾਂ ਸਬਕ ਲੈਂਦੀਆਂ ਨਹੀਂ ਸਗੋਂ ਡਾਂਗ ਫੇਰ ਕੇ ਲੋਕਾਂ ਨੂੰ ‘ਸਬਕ’ ਦਿੰਦੀਆਂ।

ਭਾਰਤ ਪਾਕਿ ਦਰਮਿਆਨ ਜੰਗ ਰੁਕਵਾਉਣ ਦਾ ‘ਸਿਹਰਾ’ ਮੈਨੂੰ ਨਹੀਂ ਮਿਲੇਗਾ- ਟਰੰਪ

ਰਾਂਝਾ ਪੱਜ ਮੱਝੀਆਂ ਦਾ ਲਾਵੇ, ਕੰਢੇ ਕੰਢੇ ਹੀਰ (ਨੋਬਲ ਪ੍ਰਾਈਜ਼) ਭਾਲ਼ਦਾ।

ਸਿਖਿਆ ਦੇ ਖੇਤਰ ‘ਚ ਸਰਕਾਰੀ ਸਕੂਲ ਹੁਣ ਪੈੜਾਂ ਪਾ ਰਹੇ ਹਨ- ਵਿਧਾਇਕ ਗੈਰੀ ਵੜਿੰਗ

ਪੰਜਾਬੀ ਵਿਸ਼ੇ ‘ਚ ਹੀ ਹਜ਼ਾਰਾਂ ਵਿਦਿਆਰਥੀ ਫੇਲ੍ਹ ਹੋ ਰਹੇ ਹਨ, ਬਾਕੀ ਸਭ ਠੀਕ ਹੈ।

ਸਰਬ ਪਾਰਟੀ ਮੀਟਿੰਗ ‘ਚ ਵਿਰੋਧੀ ਧਿਰ ‘ਜੰਗਬੰਦੀ’ ਅਤੇ ਟਰੰਪ ਦੇ ਦਾਅਵਿਆਂ ਬਾਰੇ ਸਵਾਲ ਪੁੱਛੇਗੀ- ਖੜਗੇ

ਜਦ ਕੱਢ ਕੇ ਵਹੀ ਲੇਖਾ ਮੰਗਿਆ, ਫੇਰ ਕੀ ਜਵਾਬ ਦੇਵੇਂਗਾ।

ਕਸ਼ਮੀਰ ਮਾਮਲੇ ‘ਚ ਭਾਰਤ ਨੂੰ ਕਿਸੇ ਤੀਸਰੇ ਦੇਸ਼ ਦੀ ਵਿਚੋਲਗੀ ਮੰਨਜ਼ੂਰ ਨਹੀਂ-ਵਿਦੇਸ਼ ਮੰਤਰਾਲਾ

ਘੜਾ ਚੁੱਕ ਲਊਂ ਪੱਟਾਂ ‘ਤੇ ਹੱਥ ਧਰ ਕੇ, ਖ਼ਸਮਾਂ ਨੂੰ ਖਾਣ ਕੁੜੀਆਂ।

ਅਕਾਲੀ ਦਲ ਲੀਡਰਸ਼ਿੱਪ ਦੀਆਂ ਗ਼ਲਤੀਆਂ ਕਾਰਨ ਨਿਘਾਰ ਵਲ ਗਿਆ- ਇਯਾਲੀ

ਚੁੱਲ੍ਹੇ ਅੱਗ ਨਾ ਘੜੇ ਵਿਚ ਪਾਣੀ, ਅਮਲੀ ਨੇ ਘਰ ਪੁੱਟ ‘ਤਾ।

ਸਾਬਕਾ ਮੁੱਖ ਮੰਤਰੀ ਚਰਨਜੀਤ ਸਿੰਘ ਚੰਨੀ ਨੂੰ ਮਿਲੇਗਾ ਸੰਸਦ ਰਤਨ ਪੁਰਸਕਾਰ- ਇਕ ਖ਼ਬਰ

ਜਿਹੜਾ ਮੂਹਰਲੀ ਗੱਡੀ ਦਾ ਬਾਬੂ, ਉਹੀਓ ਮੇਰਾ ਵੀਰ ਕੁੜੀਓ।

ਚੀਨ ਅਤੇ ਅਮਰੀਕਾ ਵਿਚਕਾਰ ਟੈਰਿਫ਼ ਸਮਝੌਤਾ ਹੋਇਆ- ਇਕ ਖ਼ਬਰ

ਆਪਾਂ ਦੋਵੇਂ ‘ਤਾਸ਼’ ਖੇਡੀਏ, ਬੋਤਾ ਬੰਨ੍ਹ ਕੇ ਬੋਹੜ ਦੀ ਛਾਂਵੇਂ।

ਟਰੰਪ ਪਲਟਿਆ ਆਪਣੇ ਬਿਆਨ ਤੋਂ “ਮੈਂ ਵਿਚੋਲਗੀ ਨਹੀਂ ਸਿਰਫ਼ ਮਦਦ ਕੀਤੀ”।

ਦੋ ਘੁੱਟ ਪੀ ਕੇ ਦਾਰੂ, ਪੈਰ ‘ਤੇ ਮੁਕਰ ਗਿਆ।

ਰੂਸ ਅਤੇ ਯੂਕਰੇਨ ‘ਚ ਤਿੰਨ ਸਾਲਾਂ ‘ਚ ਪਹਿਲੀ ਵਾਰ ਹੋਈ ਸ਼ਾਂਤੀ ਵਾਰਤਾ- ਇਕ ਖ਼ਬਰ

ਸੁੱਚਿਆਂ ਰੁਮਾਲਾਂ ਨੂੰ, ਲਾ ਦੇ ਧੰਨ ਕੁਰੇ ਗੋਟਾ।

===================================================================