08.01.2024

ਸੁਖਬੀਰ ਬਾਦਲ ਨੇ ਮਨਜੀਤ ਸਿੰਘ ਜੀ.ਕੇ. ਨੂੰ ਕੋਰ ਕਮੇਟੀ ਵਿਚ ਸ਼ਾਮਲ ਕੀਤਾ- ਇਕ ਖ਼ਬਰ

ਮਰਦੀ ਨੇ ਅੱਕ ਚੱਬਿਆ, ਹਾਰ ਕੇ ਜੇਠ ਨਾਲ਼ ਲਾਈਆਂ।

ਪਿੰਡ ਕਰਮਸ਼ਾਲਾ ਵਾਸੀਆਂ ਨੇ ਬੇਰੰਗ ਚਿੱਠੀ ਵਾਂਗ ਮੋੜੀ ਵਿਕਾਸ ਭਾਰਤ ਯਾਤਰਾ- ਇਕ ਖ਼ਬਰ

ਅਸਾਂ ਨਹੀਂ ਸਹੁਰੇ ਜਾਣਾ, ਤੂੰ ਲੈ ਜਾ ਗੱਡੀ ਮੋੜ ਕੇ।

ਅਕਾਲੀ ਦਲ 1 ਫਰਵਰੀ ਤੋਂ ਪੰਜਾਬ ਬਚਾਉ ਯਾਤਰਾ ਸ਼ੁਰੂ ਕਰੇਗਾ- ਇਕ ਖ਼ਬਰ

ਬਾਦਲ ਦਲੀਉ, ਲੋਕ ਜਾਣ ਚੁੱਕੇ ਹਨ ਕਿ ਪੰਜਾਬ ਨੂੰ ਕਿਸ ਤੋਂ ਬਚਾਉਣਾ ਹੈ।

ਗੱਠਜੋੜ ਲਈ ਭਾਜਪਾ ਅਜੇ ਅਕਾਲੀ ਦਲ ਨੂੰ ਕੋਈ ਲੜ ਪੱਲਾ ਨਹੀਂ ਫੜਾ ਰਹੀ-ਇਕ ਖ਼ਬਰ

ਜੇ ਮੁੰਡਿਆਂ ਤੂੰ ਖਾਣੀਆਂ ਸੇਵੀਆਂ ਤਾਂ ਮੁੱਛਾਂ ਮੁਨਾ ਕੇ ਆ।

ਅਕਾਲੀ ਦਲ ਦੀ ਪੰਜਾਬ ਬਚਾਉ ਯਾਤਰਾ ‘ਆਪ’ ਪਾਰਟੀ ਦੇ ਝੂਠੇ ਵਾਅਦਿਆਂ ਤੋਂ ਪਰਦਾ ਚੁੱਕੇਗੀ- ਰਾਜੂ ਖੰਨਾ

ਤੇ ਅਕਾਲੀ ਦਲ (ਪੰਜਾਬੀ ਪਾਰਟੀ) ਵਲੋਂ ਲੁੱਟੇ ਗਏ ਪੰਜਾਬ ਦਾ ਹਿਸਾਬ ਮੰਗਣਗੇ ਲੋਕ।

ਝਾਕੀਆਂ ਬਾਰੇ ਝੂਠ ਬੋਲ ਕੇ ਸੁਨੀਲ ਜਾਖੜ ਜੀ ਹੁਣ ਕਿਹੜੇ ਮੂੰਹ ਨਾਲ਼ ਪੰਜਾਬੀਆਂ ‘ਚ ਜਾਉਗੇ- ਭਗਵੰਤ ਮਾਨ

ਪਹਿਲਾ ਕੰਮ ਮੈਂ ਬੜਾ ਹੀ ਖਾਸ ਕੀਤਾ, ਕੋਰਸ ਜੁਮਲਿਆਂ ਦਾ ਦਿੱਲੀਉਂ ਪਾਸ ਕੀਤਾ।

ਪਾਕਿਸਤਾਨ ‘ਚ ਇਮਰਾਨ ਖਾਨ ਦਾ ਨਾਮਜ਼ਦਗੀ ਪੱਤਰ ਰੱਦ- ਇਕ ਖ਼ਬਰ

ਮਾਪੇ ਤੈਨੂੰ ਘੱਟ ਰੋਣਗੇ, ਬਹੁਤੇ ਰੋਣਗੇ ਦਿਲਾਂ ਦੇ ਜਾਨੀ।

ਸ਼ੀ ਤੇ ਬਾਈਡੇਨ ਨੇ ਚੀਨ-ਅਮਰੀਕਾ ਦੇ ਸਬੰਧਾਂ ਦੀ 45ਵੀਂ ਵਰ੍ਹੇਗੰਢ ‘ਤੇ ਦਿਤੀ ਇਕ ਦੂਜੇ ਨੂੰ ਵਧਾਈ- ਇਕ ਖ਼ਬਰ

ਜਿਹੜੇ ਮਿੱਠੀਆਂ ਜ਼ੁਬਾਨਾਂ ਵਾਲ਼ੇ, ਮਤਲਬ ਕੱਢ ਲੈਣਗੇ।

ਪਤਿਤ ਵੋਟਰਾਂ ਦੀਆਂ ਵੋਟਾਂ ਬਣਨ ‘ਤੇ ਹਰਿਆਣਾ ਦੀ ਗੁਰਦੁਆਰਾ ਕਮੇਟੀ ਚੁੱਪ- ਸੁਖਵਿੰਦਰ ਸਿੰਘ ਖ਼ਾਲਸਾ

ਚੋਰੀ ਹੋਣੋਂ ਕੌਣ ਫਿਰ ਰੋਕ ਸਕਦਾ, ਚੋਰਾਂ ਨਾਲ਼ ਜਦ ਕੁੱਤੀ ਰਲ਼ ਜਾਵੇ।

ਈ.ਡੀ. ਦੇ ਤੀਜੇ ਸੰਮਨ ‘ਤੇ ਵੀ ਪੇਸ਼ ਨਹੀਂ ਹੋਏ ਕੇਜਰੀਵਾਲ- ਇਕ ਖ਼ਬਰ

ਸੁੱਤੀ ਨਾ ਜਗਾਈਂ ਮਿੱਤਰਾ, ਸਾਨੂੰ ਲੱਡੂਆਂ ਤੋਂ ਨੀਂਦ ਪਿਆਰੀ।

ਭਾਈ ਕਾਉਂਕੇ ਮਾਮਲੇ ‘ਚ ਜਿਹੜੇ ਅੱਜ ਬਾਹਾਂ ਉਲਾਰ ਰਹੇ ਹਨ, ਉਦੋਂ ਜਿਉਂਦੇ ਸਨ- ਗਿਆਨੀ ਹਰਪ੍ਰੀਤ ਸਿੰਘ

ਲਾਲ ਸਿੰਘ ਤੇਜ ਸਿੰਘ ਜੀ, ਕਰ ਗਏ ਨੇ ਗ਼ਦਾਰੀ ਭਾਰੀ।

ਮੋਦੀ ਸਰਕਾਰ ਦੀ ‘ਵਿਤੀ ਕੇਂਦਰਤ’ ਨੀਤੀ ਰਾਜਾਂ ਦੇ ਸੰਘੀ ਢਾਂਚੇ ਨੂੰ ਖ਼ਤਰਾ- ਇਕ ਖ਼ਬਰ

ਚੰਗੀ ਚੰਗੀ ਆਪ ਲੈ ਗਿਆ, ਸਾਨੂੰ ਦੇ ਗਿਆ ਕੱਲਰ ਵਾਲਾ ਪਾਸਾ।

ਭਾਜਪਾ ਬਾਦਲ ਅਕਾਲੀ ਦਲ ਨਾਲ਼ ਗੱਠਜੋੜ ਕਰਨ ਦੇ ਹੱਕ ਵਿਚ ਨਹੀਂ- ਇਕ ਖ਼ਬਰ

ਰੜਕੇ, ਰੜਕੇ, ਰੜਕੇ ਵੇ, ਮੱਘਾ ਭੰਨਿਆਂ ਜੇਠ ਨਾਲ ਲੜ ਕੇ ਵੇ।

ਜਥੇਦਾਰ ਕਾਉਂਕੇ ਦੇ ਕਤਲ ਦਾ ਇਨਸਾਫ਼ ਸਿੱਖ ਕੌਮ ਨੂੰ ਮਿਲਣਾ ਚਾਹੀਦਾ ਹੈ- ਹਰਮਨਜੀਤ ਸਿੰਘ

ਇਸ ਅਦਾਲਤ ‘ਚ ਬੰਦੇ ਬਿਰਖ ਹੋ ਗਏ....................

ਕਾਉਂਕੇ ਦੇ ਕਾਤਲਾਂ ਦੀ ਪੁਸ਼ਤਪਨਾਹੀ ਕਰਨ ਦੇ ਦੋਸ਼ ‘ਚ ਜਥੇਦਾਰ ਅਕਾਲੀ ਦਲ ਦੇ ਪ੍ਰਧਾਨ ਨੂੰ ਤਨਖਾਹ ਲਾਉਣ- ਪੰਜੋਲੀ

ਨੌਕਰ ਵੀ ਕਦੇ ਮਾਲਕਾਂ ‘ਤੇ ਹੁਕਮ ਚਲਾਉਂਦਾ ਦੇਖਿਆ, ਪੰਜੋਲੀ ਸਾਹਿਬ।

====================================================================

18.12.2023

ਸੰਜੈ ਰਾਉਤ ਨੇ 2024 ਦੀਆਂ ਆਮ ਚੋਣਾਂ ਲਈ ਕਾਂਗਰਸ ਨੂੰ ਕੀਤਾ ਚੌਕਸ- ਇਕ ਖ਼ਬਰ

ਖ਼ਬਰਦਾਰ ਰਹਿਣਾ ਬਈ, ਚੌਂਕੀ ਜ਼ਾਲਮਾਂ ਦੀ ਆਈ।

ਪਾਖੰਡੀਆਂ ਦੇ ਦਰਾਂ ਉੱਤੇ ਧੱਕੇ ਖਾਣ ਨਾਲੋਂ ਗੁਰੂ ਗ੍ਰੰਥ ਸਾਹਿਬ ਨਾਲ ਜੁੜੋ- ਭਾਈ ਮਾਝੀ

ਦਰ ਦਰ ਦੇ ਫਿਰਨੇ ਨਾਲੋਂ, ਇਕ ਦਰ ਦਾ ਹੋ ਕੇ ਬਹਿ ਜਾ।

ਆਲੂ-ਪਿਆਜ਼ ਵਿਕਰੇਤਾ ਰੋਜ਼ਾਨਾ ਕਰਦੇ ਹਨ ਕਰੋੜਾਂ ਰੁਪਏ ਦੀ ਸੇਲਜ਼ ਟੈਕਸ ਦੀ ਚੋਰੀ- ਇਕ ਖ਼ਬਰ

24 ਦੀਆਂ ਚੋਣਾਂ ਵੀ ਤਾਂ ਸਿਰ ‘ਤੇ ਹਨ, ਫੰਡ ਵੀ ਚਾਹੀਦੇ ਹਨ ਬਈ।

ਸੁਰਜੀਤ ਸਿੰਘ ਰੱਖੜਾ ਨੇ ਭਾਜਪਾ ਨਾਲ ਅਕਾਲੀ ਦਲ ਦੀ ਗੁਪਤ ਗੱਲਬਾਤ ਦਾ ਭਾਂਡਾ ਭੰਨਿਆ- ਇਕ ਖ਼ਬਰ

ਲੁਕ ਛਿਪ ਲਾਈਆਂ ਪ੍ਰਗਟ ਹੋਈਆਂ, ਵੱਜ ਗਏ ਢੋਲ ਨਗਾਰੇ।

ਭ੍ਰਿਸ਼ਟਾਚਾਰ ਨੂੰ ਲੈ ਕੇ ਭਾਜਪਾ ਤੇ ਕਾਂਗਰਸ ਨੇ ਇਕ ਦੂਜੇ ‘ਤੇ ਤੋਹਮਤਾਂ ਲਾਈਆਂ- ਇਕ ਖ਼ਬਰ

ਭੂਆ ਭਤੀਜੀ ਲੜੀਆਂ, ਵਿਚ ਦਰਵਾਜ਼ੇ ਦੇ। 

ਪਾਕਿਸਤਾਨ ‘ਚ ਅੱਤਵਾਦੀ ਹਮਲੇ ‘ਚ ਗਈ 25 ਲੋਕਾਂ ਦੀ ਜਾਨ, 27 ਜ਼ਖ਼ਮੀ- ਇਕ ਖ਼ਬਰ

ਇਸ ਘਰ ਕੋ ਆਗ ਲਗ ਗਈ ਘਰ ਕੇ ਚਿਰਾਗ਼ ਸੇ।

ਜਬਰਜਨਾਹ ਮਾਮਲੇ ‘ਚ ਭਾਜਪਾ ਵਿਧਾਇਕ ਨੂੰ 25 ਸਾਲ ਦੀ ਕੈਦ- ਇਕ ਖ਼ਬਰ

ਵਾਹ ਵਿਧਾਇਕ ਜੀ ਵਾਹ, ਬਣਨਾ ਲੋਕ ਸੇਵਕ ਤੇ ਕੰਮ ਕਰਨੇ ਆਹ।

ਪੰਜਾਬ ਦੇ ਲੋਕ ਬਾਦਲ ਪਰਵਾਰ ਨੂੰ ਕੀਤੇ ਬੱਜਰ ਗੁਨਾਹਾਂ ਲਈ ਕਦੇ ਵੀ ਮਾਫ਼ ਨਹੀਂ ਕਰਨਗੇ- ਭਗਵੰਤ ਮਾਨ

ਇਹਨਾਂ ਸੁਹਣਿਆਂ ਮੂੰਹਾਂ ‘ਤੇ ਖ਼ਾਕ ਪੈਣੀ, ਕੁੰਡੇ ਲੱਗਣੇ ਅੰਤ ਹਵੇਲੀਆਂ ਨੂੰ।

ਕਾਂਗਰਸ ਨੂੰ ਨੁਕਸਾਨ ਪਹੁੰਚਾਉਣ ਦੇ ਰੌਂਅ ਵਿਚ ‘ਆਪ’- ਬਾਜਵਾ

ਮੁੰਡਾ ਭੰਨਦਾ ਕਿਰਕ ਨਹੀਂ ਕਰਦਾ, ਮੇਰੀਆਂ ਬਰੀਕ ਚੂੜੀਆਂ।

ਭਾਜਪਾ ਨੇ ਮਹਿੰਗਾਈ ਅਤੇ ਬੇਰੁਜ਼ਗਾਰੀ ਬਿਨਾਂ ਕੁਝ ਨਹੀਂ ਦਿਤਾ- ਮਨੀਸ਼ ਤਿਵਾੜੀ

ਭੁਸ ਪਾ ਕੇ ਲੱਡੂਆਂ ਦਾ, ਤੈਨੂੰ ਪੁੱਟ ਲਿਆ ਪਟਵਾਰੀ ਨੇ।

ਭਾਜਪਾ ਨਾਲ ਗੱਠਜੋੜ ਲਈ ਰਾਹ ਪੱਧਰਾ ਕਰਨ ਵਾਸਤੇ ਸੁਖਬੀਰ ਨੇ ਮਾਫ਼ੀ ਦਾ ਡਰਾਮਾ ਖੇਡਿਆ- ਪਰਤਾਪ ਸਿੰਘ ਬਾਜਵਾ

ਮਹੀਂਵਾਲ ਨੂੰ ਮਿਲਣ ਦੀ ਮਾਰੀ, ਤਰਦੀ ਕੱਚਿਆਂ ‘ਤੇ।

‘ਆਪ’ ਨਾਲ ਗੱਠਜੋੜ ਨੂੰ ਲੈ ਕੇ ਪੰਜਾਬ ਕਾਂਗਰਸ ਵਿਚ ਮੱਤਭੇਦ ਬਰਕਰਾਰ- ਇਕ ਖ਼ਬਰ

ਕਿਹੜੇ ਯਾਰ ਦਾ ਗੁਤਾਵਾ ਕੀਤਾ, ਅੱਖ ਵਿਚ ਕੱਖ ਪੈ ਗਿਆ।

ਪੰਜਾਬ ਦੇ ਪਾਣੀਆਂ ਦੀ ਰਾਖੀ ਲਈ ਇਕਜੁੱਟ ਹੋਣ ਦਾ ਸੱਦਾ- ਆਜ਼ਾਦ ਕਿਸਾਨ ਸੰਘਰਸ਼ ਕਮੇਟੀ

ਵੰਝਲੀ ਰਾਂਝੇ ਦੀ , ਹੀਰ ਹੀਰ ਪਈ ਕੂਕੇ।

ਮਹਿੰਗਾਈ ਕਾਰਨ ਕੈਨੇਡਾ ਛੱਡਣ ਲਈ ਮਜਬੂਰ ਹੋਣ ਲੱਗੇ ਲੋਕ- ਇਕ ਖ਼ਬਰ

ਵਕਤੋਂ ਮੈਂ ਖੁੰਝ ਗਈ, ਘੜਾ ਦੇਖ ਨਾ ਲਿਆ ਟੁਣਕਾ ਕੇ।

ਨਸ਼ਾ ਤਸਕਰੀ ਮਾਮਲੇ ‘ਚ ਮਜੀਠੀਆ ਦੀਆਂ ਮੁਸ਼ਕਿਲਾਂ ਵਧੀਆਂ- ਇਕ ਖ਼ਬਰ

ਵੈਰੀ ਤੇਰੇ ਐਬ ਬੰਦਿਆ, ਹੁੰਦਾ ਰੱਬ ਨਹੀਂ ਕਿਸੇ ਦਾ ਵੈਰੀ।

================================================

11.12.2023

ਵਿਧਾਨ ਸਭਾਵਾਂ ਦੇ ਚੋਣ ਨਤੀਜਿਆਂ ‘ਤੇ ਕਾਂਗਰਸ ਨੇ ਕੀਤੀ ਸਮੀਖਿਆ ਬੈਠਕ- ਇਕ ਖ਼ਬਰ

ਇਕ ਦੂਜੇ ਨੂੰ ਛੜੇ ਪਏ ਪੁੱਛਦੇ, ਕੌਣ ਕੌਣ ਹੋਈਆਂ ਰੰਡੀਆਂ।  

ਕੈਪਟਨ ਅਮਰਿੰਦਰ ਸਿੰਘ ਚੋਣ ਨਤੀਜਿਆਂ ਤੋਂ ਬਾਗ਼ੋ-ਬਾਗ਼- ਇਕ ਖ਼ਬਰ

ਕੋਈ ਸ਼ਹਿਰੀ ਬਾਬੂ ਕੋਈ ਲਹਿਰੀ ਬਾਬੂ, ਕਬ ਬਾਂਧ ਗਿਆ ਘੁੰਗਰੂ, ਮੈਂ ਛਮ ਛਮ ਨੱਚਦੀ ਫਿਰਾਂ।

 ‘ਆਪ ਪਾਰਟੀ’ ਨੂੰ ਚੌਹਾਂ ਸਟੇਟਾਂ ਵਿਚ ਇਕ ਵੀ ਸੀਟ ਨਹੀਂ ਮਿਲੀ- ਇਕ ਖ਼ਬਰ

ਨਾ ਖੁਦਾ ਹੀ ਮਿਲਾ ਨਾ ਵਿਸਾਲੇ-ਸਨਮ, ਨਾ ਇਧਰ ਕੇ ਰਹੇ ਨਾ ਉਧਰ ਕੇ ਰਹੇ।

ਭਾਈ ਰਾਜੋਆਣਾ ਨੂੰ ਮਿਲਣ ਪਹੁੰਚੇ ਅਕਾਲੀ ਦਲ ਦੇ ਵਫ਼ਦ ਨੂੰ ਪ੍ਰਸ਼ਾਸਨ ਨੇ ਵਾਪਸ ਮੋੜਿਆ- ਇਕ ਖ਼ਬਰ                        

ਛੜਿਆਂ ਦੇ ਗਈ ਅੱਗ ਨੂੰ, ਉਹਨੀਂ ਚੱਪਣੀ ਵਗਾਹ ਕੇ ਮਾਰੀ।

ਬੰਦੀਆਂ ਦੇ ਨਾਮ ‘ਤੇ ਅਕਾਲੀ ਦਲ ਬਾਦਲ ਸ਼੍ਰੋਮਣੀ ਕਮੇਟੀ ਨੂੰ ਆਪਣੀ ਸਿਆਸਤ ਲਈ ਵਰਤ ਰਿਹਾ ਹੈ- ਦਿੱਲੀ ਕਮੇਟੀ

ਕਿਉਂ ਨਾ ਵਰਤੇ ਬਈ ! ਅਜੇ ਪੱਚੀ ਦੇ ਪੱਚੀ ਸਾਲ ਉਂਜ ਹੀ ਪਏ ਹਨ।

ਅਕਾਲੀ ਦਲ ਨੇ ‘ਆਪ’ ਵਲੋਂ ਚੁੱਕੇ ਕਰਜ਼ਿਆਂ ਦੀ ਨਿਰਪੱਖ ਜਾਂਚ ਮੰਗੀ- ਇਕ ਖ਼ਬਰ

ਮੇਰਾ ਲੌਂਗ ਤੇਰੀ ਹਿੱਕ ਸਾੜੇ, ਸੱਸੇ ਆਪਣੇ ਤੂੰ ਦਿਨ ਭੁੱਲ ਗਈ।

ਦੇਸ਼ ਦੀ ਆਰਥਕ ਸਥਿਤੀ ‘ਤੇ ਰਾਘਵ ਚੱਢਾ ਨੇ ਸਰਕਾਰ ਨੂੰ ਘੇਰਿਆ-ਇਕ ਖ਼ਬਰ

ਵੇ ਘਰ ਤੇਲਣ ਦੇ, ਤੇਰਾ ਚਾਦਰਾ ਖੜਕੇ।

ਭਾਈ ਰਾਜੋਆਣਾ ਮਸਲੇ ਲਈ ਬਣੀ ਪੰਜ ਮੈਂਬਰੀ ਕਮੇਟੀ ਵੀ ਵਿਵਾਦਾਂ ‘ਚ ਘਿਰੀ- ਇਕ ਖ਼ਬਰ

ਤੇਰੀ ਹਰ ਮੱਸਿਆ ਬਦਨਾਮੀ, ਨੀ ਸੋਨੇ ਦੇ ਤਵੀਤ ਵਾਲ਼ੀਏ।

ਕਈ ਵਾਰੀ ਕੁਝ ਗੱਲਾਂ ਨੂੰ ਅਣਕਹਿਆ ਹੀ ਛੱਡ ਦੇਣਾ ਬਿਹਤਰ ਹੁੰਦਾ ਹੈ- ਜਸਟਿਸ ਕੌਲ

ਗੱਲਾਂ ਤੇਰੀਆਂ ਦੇ ਉੱਠਣ ਮਰੋੜੇ, ਢਿੱਡ ਵਿਚ ਦੇਵਾਂ ਮੁੱਕੀਆਂ।

ਡਾਇਰੈਕਟਰ ਟ੍ਰਾਂਸਪੋਰਟ ‘ਤੇ ਨਿਜੀ ਬੱਸ ਆਪਰੇਟਰਾਂ ਨੂੰ ਲਾਭ ਪਹੁੰਚਾਉਣ ਦਾ ਦੋਸ਼- ਇਕ ਖ਼ਬਰ

ਗੋਰੇ ਰੰਗ ਨੇ ਸਦਾ ਨਹੀਂ ਰਹਿਣਾ, ਭਰ ਭਰ ਵੰਡ ਮੁੱਠੀਆਂ।

ਅਮਰੀਕੀ ਸੰਸਦ ਮੈਂਬਰਾਂ ਨੇ ਭਾਰਤ ਦੀ ਕੀਤੀ ਆਲੋਚਨਾ-ਇਕ ਖ਼ਬਰ

ਗੋਰੇ ਰੰਗ ‘ਤੇ ਝਰੀਟਾਂ ਵੱਜੀਆਂ, ਬੇਰੀਆਂ ਦੇ ਬੇਰ ਖਾਣੀਏਂ।

ਲੋਕਾਂ ਦਾ ਫਤਵਾ ਮੰਨਜ਼ੂਰ, ਵਿਚਾਰਧਾਰਾ ਦੀ ਲੜਾਈ ਜਾਰੀ ਰਹੇਗੀ- ਰਾਹੁਲ ਗਾਂਧੀ

ਹੱਥ ਪਕੜ ਜੁੱਤੀ ਮੋਢੇ ਮਾਰ ਬੁੱਕਲ਼, ਰਾਂਝਾ ਹੋ ਤੁਰਿਆ ਵਾਰਸ ਸ਼ਾਹ ਜੇਹਾ।

ਲੋਕ ਸਭਾ ਚੋਣਾਂ ਨੇੜੇ ਦੇਖਦਿਆਂ ਭਾਜਪਾ ਵਫ਼ਦ ਵਲੋਂ ਰਾਧਾ ਸੁਆਮੀ ਮੁਖੀ ਨਾਲ਼ ਮੁਲਾਕਾਤ- ਇਕ ਖ਼ਬਰ

ਮਿੱਠੇ ਯਾਰ ਦੇ ਬਰੋਬਰ ਬਹਿ ਕੇ, ਮਿੱਠੇ ਮਿੱਠੇ ਬੇਰ ਚੁਗੀਏ।

ਕੈਨੇਡਾ ਸਰਕਾਰ ਨੇ ਅੰਤਰਰਾਸ਼ਟਰੀ ਵਿਦਿਆਰਥੀਆਂ ‘ਤੇ ਕੱਸਿਆ ਸ਼ਿਕੰਜਾ- ਇਕ ਖ਼ਬਰ

ਸਉਣ ਦਿਆ ਬੱਦਲਾ ਵੇ, ਹੀਰ ਭਿਉਂ ‘ਤੀ ਮਜਾਜਾਂ ਵਾਲ਼ੀ।

ਦਿੱਲੀ ਦੇ ਮੁੱਖ ਸਕੱਤਰ ਨੂੰ ਰਾਜ ਸਰਕਾਰ ਦੀਆਂ ਹਦਾਇਤਾਂ ਦਾ ਪਾਲਣ ਕਰਨਾ ਹੋਵੇਗਾ- ਸੁਪਰੀਮ ਕੋਰਟ

ਆ ਜਾ ਢੋਲਣਾ ਲੁਹਾਰ ਮੁੰਡਾ ਬਣ ਕੇ, ਤੱਕਲੇ ਨੂੰ ਵਲ਼਼ ਪੈ ਗਿਆ।

=================================================================

 27.11.2023

ਕਪਿਲ ਦੇਵ ਨੇ ਦੱਸਿਆ ਕਿ ਉਸ ਨੂੰ ਤਾਂ ਮੈਚ ਦੇਖਣ ਲਈ ਸੱਦਾ ਪੱਤਰ ਹੀ ਨਹੀਂ ਮਿਲਿਆ- ਇਕ ਖ਼ਬਰ

ਭੁੱਲ ਗਈ ਯਾਰ ਪੁਰਾਣੇ ਨਵਿਆਂ ਦੇ ਸੰਗ ਲੱਗ ਕੇ।

ਘੱਟੋ-ਘੱਟ ਦੋ ਮਹੀਨਿਆਂ ਤੱਕ ਜਾਰੀ ਰਹੇਗਾ ਗਾਜ਼ਾ ਯੁੱਧ- ਬਾਇਡਨ

ਬਾਇਡਨ ਸਾਹਿਬ ਚਾਬੀ ਤੁਹਾਡੇ ਕੋਲ਼ ਹੀ ਹੈ, ਜਿੰਨਾਂ ਚਿਰ ਮਰਜ਼ੀ ਜਾਰੀ ਰੱਖੋ।

ਸਤਲੁਜ ਦੀ ਰੇਤ ‘ਚੋਂ ਸਾਇੰਸਦਾਨਾਂ ਨੂੰ ਟੈਂਟਲਮ ਨਾਮਕ ਕੀਮਤੀ ਧਾਤ ਮਿਲੀ- ਇਕ ਖ਼ਬਰ

ਬਸ ਬਾਂਦਰ ਆਇਆ ਸਮਝੋ ਤੱਕੜੀ ਲੈ ਕੇ।

ਦੇਸ਼ ਨੂੰ ਬਦਲਣ ਦਾ ਸਮਾਂ ਆ ਗਿਆ ਹੈ- ਰਾਹੁਲ ਗਾਂਧੀ

ਪੱਤ ਝੜੇ ਪੁਰਾਣੇ ਮਾਹੀ ਵੇ, ਰੁੱਤ ਨਵਿਆਂ ਦੀ ਆਈ ਆ ਢੋਲਾ।

ਸਿੱਖ ਵਕੀਲਾਂ ਨੂੰ ਜੱਜ ਨਿਯੁਕਤ ਨਾ ਕਰਨਾ ਸਿੱਖ ਕੌਮ ਦਾ ਅਪਮਾਨ- ਐਡਵੋਕੇਟ ਢਿੱਲੋਂ. ਸੈਣੀ, ਟਿਵਾਣਾ

ਗੁਲਾਮ ਕੌਮਾਂ ਨਾਲ ‘ਮਾਲਕ’ ਇੰਜ ਦਾ ਸਲੂਕ ਹੀ ਕਰਿਆ ਕਰਦੇ ਹਨ।

ਆਮ ਲੋਕਾਂ ਦੇ ਮਸਲੇ ਹੱਲ ਕਰਨ ਵਲ ਧਿਆਨ ਦੇਣ ਸਿਵਲ ਅਧਿਕਾਰੀ- ਰਾਸ਼ਟਰਪਤੀ ਮੁਰਮੂ

ਬੀਬੀ ਜੀ ਕੀ ਗੱਲ ਕਰਦੇ ਹੋ! ਆਮ ਲੋਕਾਂ ਦੇ ਮਸਲੇ ਹੱਲ ਕਰਨ ਲਈ ਉਨ੍ਹਾਂ ਕੋਲ ਟਾਈਮ ਕਿੱਥੇ।

ਦਿੱਲੀ ਅਤੇ ਮੁੰਬਈ ਤੋਂ ਬਾਅਦ ਹੁਣ ਕੋਲਕਾਤਾ ਵਿਚ ਵੀ ਹਵਾ ਪ੍ਰਦੂਸ਼ਣ ਦੀ ਮਾਰ- ਇਕ ਖ਼ਬਰ

ਬੱਲੇ ਬੱਲੇ ਬਈ, ਪੰਜਾਬ ਦਾ ਧੂੰਆਂ ਤਾਂ ਹੁਣ ਕੋਲਕਾਤੇ ਤਾਈਂ ਲੱਗ ਪਿਆ ਮਾਰ ਕਰਨ।

ਰਾਜਪਾਲ ਨੇ ਪੰਜਾਬ ਵਿਧਾਨ ਸਭਾ ਦਾ ਸੈਸ਼ਨ ਬੁਲਾਉਣ ਦੀ ਦਿਤੀ ਪ੍ਰਵਾਨਗੀ-ਇਕ ਖ਼ਬਰ

ਤੱਕਲ਼ੇ ਨੂੰ ਵਲ਼ ਪੈ ਗਿਆ, ਬਿਨ ਠੋਲਿਉਂ ਸਿੱਧਾ ਨਾ ਹੋਇਆ।

ਰਾਜੇਵਾਲ ਨੇ ਸਾਥੀਆਂ ਸਮੇਤ ਸੰਯੁਕਤ ਕਿਸਾਨ ਮੋਰਚੇ ਵਲ ਕਦਮ ਵਧਾਇਆ- ਇਕ ਖ਼ਬਰ

ਪਾਈਂ ਰੰਗ ਪੁਰ ਦੇ ਵਿਚ ਫੇਰੀ, ਬਣ ਕੇ ਤੂੰ ਜੋਗੀ ਰਾਂਝਣਾ।

ਭਗਵੰਤ ਮਾਨ ਨੇ ਮੀਤ ਹੇਅਰ ਤੋਂ ਦੋ ਮਹਿਕਮੇ ਲੈ ਕੇ ਉਸ ਦੇ ਪਰ ਕੱਟੇ- ਇਕ ਖ਼ਬਰ

ਮੇਰੀ ਰੱਖ ਲਈ ਸੁੱਥਣ ‘ਚੋਂ ਟਾਕੀ, ਟੁੱਟ ਪੈਣੇ ਦਰਜੀ ਨੇ।

ਨੈਸ਼ਨਲ ਹੈਰਾਲਡ ਮਾਮਲੇ ‘ਚ ਕਾਂਗਰਸ ਭਾਜਪਾ ਤੋਂ ਡਰਨ ਵਾਲੀ ਨਹੀਂ-ਖੜਗੇ

ਦਾਰੂ ਪੀ ਕੇ ਮਿੱਤਰਾਂ ਨੇ, ਤੇਰੇ ਬੂਹੇ ਅੱਗੇ ਡਾਂਗ ਖੜਕਾਉਣੀ।

ਸੁਪਰੀਮ ਕੋਰਟ ਦਾ ਆਦਰ ਕਰਦੇ ਹਾਂ ਪਰ ਸਾਡੇ ਦਾਅਵੇ ਵੀ ਝੂਠੇ ਨਹੀਂ- ਬਾਬਾ ਰਾਮਦੇਵ

ਠੀਕ ਬਾਬਾ ਧੰਨਾ ਸ਼ੂੰਹ ਵੀ ਆ ਤੇ ਗਲਤ ਮਾਈ ਪ੍ਰਸਿੰਨੀ ਵੀ ਨਹੀਂ।

ਸਰਦ ਰੁੱਤ ਇਜਲਾਸ ਮੁੱਖ ਮੰਤਰੀ ਅਤੇ ਰਾਜਪਾਲ ਵਿਚਕਾਰ ਮੇਲ-ਮਿਲਾਪ ਵਧਾਏਗਾ- ਇਕ ਖ਼ਬਰ

ਮਿੱਠੇ ਯਾਰ ਦੇ ਬਰੋਬਰ ਬਹਿ ਕੇ, ਮਿੱਠੇ ਮਿੱਠੇ ਬੇਰ ਚੁਗੀਏ।

ਬ੍ਰਿਟੇਨ ‘ਚ ਪ੍ਰਧਾਨ ਮੰਤਰੀ ਸੂਨਕ ਦੀ ਲੋਕਪ੍ਰਿਅਤਾ ਘਟੀ- ਇਕ ਖ਼ਬਰ

ਸਦਾ ਨਾ ਬਾਗ਼ੀਂ ਬੁਲਬੁਲ ਬੋਲੇ, ਸਦਾ ਨਾ ਮੌਜ ਬਹਾਰਾਂ।

‘ਆਮ ਆਦਮੀ’ ਕਲਿਨਕਾਂ ਨੂੰ ਆਲਮੀ ਪੱਧਰ ‘ਤੇ ਮਾਨਤਾ ਮਿਲੀ, ਨੈਰੋਬੀ ’ਚ ਸਨਮਾਨ-ਇਕ ਖ਼ਬਰ

ਤੀਲੀ ਵਾਲ਼ੀ ਖਾਲ਼ ਟੱਪ ਗਈ, ਲੌਂਗ ਵਾਲ਼ੀ ਨੇ ਭਨਾ ਲਏ ਗੋਡੇ।

========================================

20.11.2023

ਜਸਟਿਸ ਟਰੂਡੋ ਨੇ ਇਕ ਵਾਰ ਫੇਰ ਭਾਰਤ ‘ਤੇ ਦੋਸ਼ ਲਗਾਏ- ਇਕ ਖ਼ਬਰ

ਪੂਣੀਆਂ ਮੈਂ ਤਿੰਨ ਕੱਤੀਆਂ, ਟੁੱਟ ਪੈਣੇ ਦਾ ਤੇਰ੍ਹਵਾਂ ਗੇੜਾ।

ਬਲਵੰਤ ਸਿੰਘ ਰਾਜੋਆਣਾ ਨੇ ਮੁੜ ਲਿਖਿਆ ‘ਜਥੇਦਾਰ’ ਨੂੰ ਪੱਤਰ- ਇਕ ਖ਼ਬਰ

ਚਿੱਠੀ ਲਿਖ ਦਰਦਾਂ ਦੀ ਪਾਈ, ਜਥੇਦਾਰਾ ਕਰ ਫ਼ੈਸਲਾ।

ਅਸੀਂ ਝਾੜੂ ਨਾਲ ਸਿਆਸੀ ‘ਗੰਦ’ ਸਾਫ਼ ਕਰਦੇ ਹਾਂ, ‘ਜੁਮਲੇ’ ਨਹੀਂ ਕਹਿੰਦੇ- ਭਗਵੰਤ ਮਾਨ

ਬਾਜ਼ੀ ਮਾਰ ਗਿਆ ਝੰਡਾ ਸਿਉਂ ਮਿੱਤਰੋ, ਬਾਕੀ ਰਹਿ ਗਏ ਹਾਲ ਪੁੱਛਦੇ।

ਸੁਪਰੀਮ ਕੋਰਟ ਦੀ ਟਿੱਪਣੀ ਦੋ ਤਿੰਨ ਸਾਲਾਂ ‘ਚ ਪੰਜਾਬੀ ਕਿਸਾਨਾਂ ਨੂੰ ਤਬਾਹ ਕਰ ਦੇਵੇਗੀ- ਫੂਲਕਾ

ਗੱਡੀ ਵਿਚ ਤੂੰ ਰੋਏਂਗੀ, ਯਾਰ ਰੋਣਗੇ ਕਿੱਕਰ ਦੀ ਛਾਂਵੇਂ।

ਭਾਜਪਾ ਵਲੋਂ ਰਾਜਸਥਾਨ ‘ਚ ਨੌਜਵਾਨਾਂ ਨੂੰ 2.50 ਲੱਖ ਨੌਕਰੀਆਂ ਦੇਣ ਦਾ ਵਾਅਦਾ- ਇਕ ਖ਼ਬਰ

ਲੱਸੀ ਲੈਣ ਦੇ ਬਹਾਨੇ ਆਉਂਦੇ, ਛੜਿਆਂ ਨੀ ਨੀਤ ਬੁਰੀ।

ਹਰਿਆਣਾ ਸਿੱਖ ਗੁਰਦੁਆਰਾ ਕਮੇਟੀ ਇਕ ਵਾਰ ਫੇਰ ਵਿਵਾਦਾਂ ‘ਚ ਘਿਰੀ- ਇਕ ਖ਼ਬਰ

ਸੋਨੇ ਦੇ ਤਵੀਤ ਵਾਲੀਏ, ਤੇਰੀ ਹਰ ਮੱਸਿਆ ਬਦਨਾਮੀ।

ਦੀਵਾਲੀ ‘ਤੇ ਨਿਹੰਗ ਸਿੰਘਾਂ ਨੇ ਨਿਹੰਗ ਮੁਖੀ ਨੂੰ ‘ਜਥੇਦਾਰ’ ਥਾਪਿਆ- ਇਕ ਖ਼ਬਰ

ਪਾਰ ਲੰਘਾ ਦੇ ਵੇ, ਤੂੰ ਨਦੀਆਂ ਦਾ ਭੇਤੀ।

ਭਾਜਪਾ ਦੇ ਲੋਕਾਂ ਨੇ ਜੰਨਤਾ ਨੂੰ ਪਟਾਕੇ ਚਲਾਉਣ ਲਈ ਉਕਸਾਇਆ- ਗੋਪਾਲ ਰਾਇ

ਤਾਂ ਕਿ ‘ਆਮ ਆਦਮੀ’ ਪਾਰਟੀ ਦੀ ਸਰਕਾਰ ਨੂੰ ਬਦਨਾਮ ਕੀਤਾ ਜਾ ਸਕੇ।

ਜੋਅ ਬਾਇਡਨ ਤੇ ਸ਼ੀ ਜਿੰਨਪਿੰਗ ਨੇ ਕੀਤੀ ਮੁਲਾਕਾਤ- ਇਕ ਖ਼ਬਰ

ਉੱਤੋਂ ਉੱਤੋਂ ਪਾਉਣ ਜੱਫੀਆਂ, ਖਾਰ ਰੱਖਦੇ ਦਿਲਾਂ ਵਿਚ ਪੂਰੀ।

ਕੇਂਦਰ ਦੀ ਮੁਫ਼ਤ ਰਾਸ਼ਨ ਦੀ ਸਕੀਮ ਨੂੰ ਭਗਵੰਤ ਮਾਨ ਸਰਕਾਰ ਹਾਈਜੈਕ ਕਰਨਾ ਚਾਹੁੰਦੀ ਹੈ- ਜਾਖੜ           

ਜਿਵੇਂ ਭਾਜਪਾ ਸਰਕਾਰ ਨੇ ਮਨਮੋਹਨ ਸਿੰਘ ਦੀਆਂ ਸਕੀਮਾਂ ਹਾਈਜੈਕ ਕੀਤੀਆਂ ਸਨ।

ਸੁਖਬੀਰ ਬਾਦਲ ਨੇ ਭਗਵੰਤ ਮਾਨ ਨੂੰ ਕਾਨੂੰਨੀ ਨੋਟਿਸ ਭੇਜਿਆ- ਇਕ ਖ਼ਬਰ

ਪੜ੍ਹ ਗੁਰਨਾਮ ਕੁਰੇ, ਕਾਟ ‘ਯਾਰ’ ਦਾ ਆਇਆ।

ਰੋਕੇ ਗਏ ਤੀਜੇ ਮਨੀ ਬਿੱਲ ਨੂੰ ਵੀ ਰਾਜਪਾਲ ਨੇ ਵਿਧਾਨ ਸਭਾ ‘ਚ ਪੇਸ਼ ਕਰਨ ਦੀ ਮੰਨਜ਼ੂਰੀ ਦਿਤੀ- ਇਕ ਖ਼ਬਰ

ਵੇਲਾਂ ਧਰਮ ਦੀਆਂ, ਵਿਚ ਦਰਗਾਹ ਦੇ ਹਰੀਆਂ।

ਐਨ.ਜੀ.ਟੀ. ਅਤੇ ਪ੍ਰਦੂਸ਼ਣ ਕੰਟਰੋਲ ਬੋਰਡ ਦੇ ਹੁਕਮਾਂ ਦਾ ਸਰਕਾਰ ‘ਤੇ ਕੋਈ ਅਸਰ ਨਹੀਂ- ਇਕ ਖ਼ਬਰ

ਚੰਨ ਬਣ ਗਿਆ ਠਾਣੇਦਾਰ, ਹੁਣ ਮੈਂ ਨਹੀਂ ਡਰਦੀ।

ਭਗਵੰਤ ਮਾਨ ਦੇ ਓ.ਐਸ.ਡੀ. ਮਨਜੀਤ ਸਿੰਘ ਸਿੱਧੂ ਨੇ ਅਹੁਦਾ ਛੱਡਿਆ- ਇਕ ਖ਼ਬਰ

ਲਾਈ ਸੀ ਜੇ ਕਮਲ਼ੀਏ, ਨਿਭਾਉਣੀ ਕਿਉਂ ਨਾ ਸਿੱਖੀ।

ਭਾਈ ਸਰਬਜੀਤ ਸਿੰਘ ਧੂੰਦਾ ‘ਤੇ ਨਾਨਕਸਰੀਆਂ ਵਲੋਂ ਕੀਤੇ ਮੁਕੱਦਮੇ ‘ਤੇ ਹਾਈ ਕੋਰਟ ਵਲੋਂ ਸਟੇਅ- ਇਕ ਖ਼ਬਰ

ਆ, ਆ ਕੇ ਦੇਖ ਲੈ ਫ਼ਕਰਦੀਨਾ, ਪਾਖੰਡ ਸੱਚ ਨੂੰ ਪਿਆ ਲਲਕਾਰਦਾ ਈ।

=================================================

14.11.2023

ਦਿੱਲੀ ਦੇ 32 ਫ਼ੀਸਦੀ ਪਰਵਾਰ ਦੀਵਾਲੀ ‘ਤੇ ਪਟਾਕੇ ਚਲਾਉਣ ਲਈ ਬਜ਼ਿਦ-ਇਕ ਸਰਵੇਖਣ

ਵਾਰਸ ਸ਼ਾਹ ਨਾ ਮੁੜਾਂ ਰੰਝੇਟੜੇ ਤੋਂ, ਭਾਵੇਂ ਬਾਪ ਦੇ ਬਾਪ ਦਾ ਬਾਪ ਆਵੇ।

1450 ਨੌਜਵਾਨਾਂ ਨੂੰ ਪੰਜਾਬ ਪੁਲਿਸ ‘ਚ ਭਰਤੀ ਕਰਨ ਦੀ ਪ੍ਰਕਿਰਿਆ ਨੂੰ ਪ੍ਰਵਾਨਗੀ- ਇਕ ਖ਼ਬਰ

ਸਰਕਾਰ ਜੀ, ਇਹ ਵੀ ਦੱਸ ਦਿੰਦੇ ਕਿ ਦੂਜੇ ਸੂਬਿਆਂ ਦੇ ਕਿੰਨੇ ਭਰਤੀ ਕਰਨੇ ਹਨ।

ਸਮੂਹ ਪੰਥਕ ਧਿਰਾਂ ਇਕ ਪਲੇਫਾਰਮ ‘ਤੇ ਇਕੱਠੀਆਂ ਹੋਣ- ਰਵੀਇੰਦਰ ਸਿੰਘ

ਨਾ ਨੌਂ ਮਣ ਤੇਲ ਹੋਵੇ, ਨਾ ਰਾਧਾ ਨੱਚੇ।

ਪ੍ਰਦੂਸ਼ਣ ਹਰਿਆਣੇ ਦਾ ਤੇ ਬਦਨਾਮੀ ਪੰਜਾਬ ਦੀ- ਇਕ ਖ਼ਬਰ

ਨਾਨੀ ਖ਼ਸਮ ਕਰੇ, ਦੋਹਤਾ ਚੱਟੀ ਭਰੇ।

ਪੰਜਾਬ ਸਰਕਾਰ-ਰਾਜਪਾਲ ਮਾਮਲੇ ‘ਚ ਸੁਪਰੀਮ ਕੋਰਟ ਦਾ ਫ਼ੈਸਲਾ ਲੋਕਤੰਤਰ ਦੀ ਜਿੱਤ- ਕੰਗ

ਸੁੱਚਿਆਂ ਰੁਮਾਲਾਂ ਨੂੰ, ਲਾ ਦੇ ਧੰਨ ਕੁਰੇ ਗੋਟਾ।

‘ਆਪ’ ਵਿਧਾਇਕਾਂ ਨੇ ਕੇਜਰੀਵਾਲ ਨੂੰ ਗ੍ਰਿਫ਼ਤਾਰੀ ਦੇ ਬਾਵਜੂਦ ਮੁੱਖ ਮੰਤਰੀ ਬਣੇ ਰਹਿਣ ਦੀ ਕੀਤੀ ਅਪੀਲ- ਇਕ ਖ਼ਬਰ

ਜਿਹੜਾ ਮੂਹਰਲੀ ਗੱਡੀ ਦਾ ਬਾਬੂ, ਉਹੀਓ ਮੇਰਾ ਵੀਰ ਕੁੜੀਓ।

ਦਿੱਲੀ ਪ੍ਰਦੂਸ਼ਣ: ਭਾਜਪਾ ਪੰਜਾਬ ਨੂੰ ਬਲੀ ਦਾ ਬੱਕਰਾ ਬਣਾ ਰਹੀ ਹੈ- ਗੋਪਾਲ ਰਾਇ

ਮੂੰਹ ਉਂਗਲਾਂ ਘੱਤ ਕੇ ਕਹਿਣ ਸਭੇ, ਕਾਰੇ ਕਰਨ ਥੀਂ ਇਹ ਨਾ ਸੰਗਦਾ ਏ।

ਪੰਜਾਬ ਦੇ ਰਾਜਪਾਲ ਅੱਗ ਨਾਲ ਖੇਡ ਰਹੇ ਹਨ- ਸੁਪਰੀਮ ਕੋਰਟ

ਪਿੱਛੇ ਮੁੜ ਜਾ ਸੋਹਣਿਆਂ ਵੇ, ਸੌਖਾ ਨਹੀਂ ਇਸ਼ਕ ਕਮਾਉਣਾ।

ਕੈਨੇਡਾ ‘ਚ ਨਸ਼ੀਲੇ ਪਦਾਰਥਾਂ ਅਤੇ ਹਥਿਆਰਾਂ ਦੇ ਮਾਮਲੇ ‘ਚ 5 ਪੰਜਾਬੀ ਗ੍ਰਿਫ਼ਤਾਰ-ਇਕ ਖ਼ਬਰ

ਬਦਨਾਮ ਭੀ ਹੋਂਗੇ ਤੋ ਕਿਆ ਨਾਮ ਨਾ ਹੋਗਾ।

ਰਾਹੁਲ ਗਾਂਧੀ ਨੇ ਕੇਦਾਰਨਾਥ ‘ਚ ਵਰੁਣ ਗਾਂਧੀ ਨਾਲ ਕੀਤੀ ਸੰਖੇਪ ਮੁਲਾਕਾਤ- ਇਕ ਖ਼ਬਰ

ਮੈਂ ਰੱਜ ਨਾ ਗੱਲਾਂ ਕੀਤੀਆਂ, ਮੇਰੇ ਮਨੋਂ ਨਾ ਲੱਥਾ ਚਾਅ।

ਪੰਜਾਬ ‘ਚੋਂ ਪਰਵਾਸ ਦਾ ਮੁੱਖ ਕਾਰਨ ਸਰਕਾਰਾਂ ਦੇ ਮਾੜੇ ਪ੍ਰਬੰਧ ਹਨ- ਅਰਥ ਸ਼ਾਸਤਰੀ ਸੁੱਚਾ ਸਿੰਘ ਗਿੱਲ

ਪਿਆ ਦੇਸ਼ ਦੇ ਵਿਚ ਸੀ ਬੜਾ ਰੌਲ਼ਾ, ਭੂਤ ਮੰਡਲੀ ਇਕ ਥੀਂ ਚਾਰ ਹੋਈ।

ਪ੍ਰਦੂਸ਼ਣ ਦੇ ਵਿਸ਼ੇ ‘ਤੇ ਸਿਆਸਤ ਨਹੀਂ ਹੋਣੀ ਚਾਹੀਦੀ-ਖੱਟਰ

ਡਾਲ ਡੰਗਣੋਂ ਸੱਪ ਨਹੀਂ ਮੂਲ ਜਾਂਦਾ, ਭਾਵੇਂ ਲੱਪ ‘ਚ ਦੁੱਧ ਪਿਆ ਮੀਆਂ।

ਅਮਰੀਕੀ ਰਾਸ਼ਟਰਪਤੀ ਬਣਨ ਦੀ ਦੌੜ ਵਿਚ ਦੋ ਭਾਰਤੀ ਉਮੀਦਵਾਰਾਂ ਨੇ ਇਕ ਦੂਜੇ ‘ਤੇ ਕੀਤੇ ਜ਼ਾਤੀ ਹਮਲੇ- ਇਕ ਖ਼ਬਰ

ਵਾਦੜੀਆਂ ਸਜਾਦੜੀਆਂ, ਨਿਭਣ ਸਿਰਾਂ ਦੇ ਨਾਲ਼।

ਸ਼੍ਰੋਮਣੀ ਕਮੇਟੀ ਮੈਂਬਰਾਂ ਨੇ ਟਿਕਟਾਂ ਦੇ ਲਾਲਚ ਵਿਚ ਪੰਥਕ ਭਾਵਨਾਵਾਂ ਦਾ ਕਤਲ ਕੀਤਾ- ਦੁਪਾਲਪੁਰ

ਬਿਰਤੀ ਤਾਂ ਮਾਇਆ ਵਿਚ ਖੇਹ ਛਾਣਦੀ, ਕਰਦੇ ਦਲੀਲ ਸੁਰਗਾਂ ਨੂੰ ਜਾਣਦੀ।

ਕਾਂਗਰਸ ਨੇ ਰਾਜਸਥਾਨ ਚੋਣਾਂ ਲਈ ਸਟਾਰ ਪ੍ਰਚਾਰਕਾਂ ਦੀ ਸੂਚੀ ਕੀਤੀ ਤਿਆਰ- ਇਕ ਖ਼ਬਰ

ਖੇ ਖ਼ੂਬ ਹੁਸ਼ਿਆਰੀ ਦੇ ਨਾਲ਼ ਯਾਰੋ, ਲੱਗੇ ਕਰਨ ਤਿਆਰੀ ਅਫ਼ਗਾਨ ਯਾਰੋ।

==============================================

06.11.2023

 ਰਾਮ ਜਨਮ ਭੂਮੀ ਅੰਦੋਲਨ ਸਿੱਖਾਂ ਨੇ ਸ਼ੁਰੂ ਕੀਤਾ ਸੀ- ਰਾਜਨਾਥ ਸਿੰਘ

ਨਿੱਤ ਲੜਾਈਆ ਪਾਉਂਦਾ ਨੀਂ, ਮਰ ਜਾਣਾ ਅਮਲੀ।

 ਕਮਲ ਨਾਥ ਨੂੰ ਸਿੱਖਾਂ ‘ਤੇ ਤਸ਼ੱਦਦ ਕਰਦਿਆਂ ਕਦੀ ਵੇਖਿਆ ਜਾਂ ਸੁਣਿਆ ਨਹੀਂ- ਰਾਜਾ ਵੜਿੰਗ

ਦੇਖਣਾ ਕਿਵੇਂ ਸੀ, ਤੂੰ ਤਾਂ ਡਾਇਪਰ ‘ਚ ਸੀ ਉਦੋਂ। ਜੇ ਤੂੰ ਸੁਣਿਆ ਨਹੀਂ ਤਾਂ ਆਪਣੇ ਕੰਨਾਂ ਦਾ ਇਲਾਜ ਕਰਵਾ ਰਾਜਿਆ।

ਲੋਕ ਪ੍ਰਧਾਨ ਮੰਤਰੀ ਮੋਦੀ ਨੂੰ ਸੁਣਨ ਅਤੇ ਪ੍ਰਿਅੰਕਾ ਗਾਂਧੀ ਨੂੰ ਦੇਖਣ ਆਉਂਦੇ ਹਨ- ਵਿਜੇਵਰਗੀਆ

ਦੇਖ ਲਉ ਭਾਜਪਾਈ ਨੇਤਾਵਾਂ ਦਾ ਕਿਰਦਾਰ।

ਬਹਿਸ ਵਿਚ ਸ਼ਾਮਲ ਹੋਣ ਲਈ ਸਾਨੂੰ ਅਧਿਕਾਰਤ ਸੱਦਾ ਹੀ ਨਹੀਂ ਦਿਤਾ ਗਿਆ-ਰਾਜਾ ਵੜਿੰਗ

ਵੜਿੰਗ ਸਾਹਿਬ ਜਾ ਕੇ ਕਿਹੜਾ ਤੁਸੀਂ ਕੱਦੂ ‘ਚ ਤੀਰ ਮਾਰ ਲੈਣਾ ਸੀ।

ਰਾਜਪਾਲ ਨੇ ਦੋ ਬਿੱਲਾਂ ਨੂੰ ਵਿਧਾਨ ਸਭਾ ‘ਚ ਪੇਸ਼ ਕਰਨ ਦੀ ਦਿਤੀ ਮੰਨਜ਼ੂਰੀ- ਇਕ ਖ਼ਬਰ

ਤੀਂਘੜਦੈ ਕਿਉਂ ਬਈ?- ਆਪਾਂ ਸਾਨ੍ਹ ਹੁੰਨੇ ਆਂ।

ਹੁਣ ਮੋਕ ਕਿਉਂ ਮਾਰਦੈਂ? ਗਊ ਦਾ ਜਾਇਆ ਜੁ ਹੋਇਆ।

ਗੁਰਦੁਆਰਿਆਂ ਨੂੰ ਨਾਸੂਰ ਦੱਸਣ ਵਾਲੇ ਨੇ ਭਾਜਪਾ ਨੂੰ ਫ਼ਸਾਇਆ- ਇਕ ਖ਼ਬਰ

ਆਪ ਤੇ ਡੁੱਬਿਉਂ ਬਾਹਮਣਾ ਜਜਮਾਨ ਵੀ ਗਾਲ਼ੇ।

 ਡੋਨਾਲਡ ਟਰੰਪ ਦਾ ਮੁੜ ਰਾਸ਼ਟਰਪਤੀ ਬਣਨਾ ਅਮਰੀਕਾ ਲਈ ਖ਼ਤਰਾ- ਨਿਕੀ ਹੈਲੇ

ਕਿੱਥੋਂ ਭਾਲਦੈਂ ਬਿਜੌਰੀ ਦਾਖਾਂ, ਕਿੱਕਰਾਂ ਦੇ ਬੀ ਬੀਜ ਕੇ।

 ਸੁਖਬੀਰ ਬਾਦਲ ਨੇ ਪੰਜਾਬ ਸਰਕਾਰ ਦੀ ਹਰ ‘ਪ੍ਰਾਪਤੀ’ ਨੂੰ ਝੂਠ ਦਾ ਪੁਲੰਦਾ ਕਰਾਰ ਦਿਤਾ- ਇਕ ਖ਼ਬਰ

ਤੂੰ ਕੀ ਜਾਣੇ ਪਤੀਲੇ ਦਿਆ ਢੱਕਣਾ, ਰਾਮ ਸੱਤ ਕੁੜੀਆਂ ਦੀ।

ਰਾਜਪਾਲ ਦੇ ਫ਼ੈਸਲੇ ਨੂੰ ਸੁਪਰੀਮ ਕੋਰਟ ’ਚ ਚੁਣੌਤੀ- ਇਕ ਖ਼ਬਰ

ਤੇਰੀ ਰੰਨ ਦਾ ਨਾ ਭਰਨਾ ਪਾਣੀ, ਤੇਰੀ ਨਾ ਮੁਥਾਜ ਝੱਲਣੀ।

ਸ਼੍ਰੋਮਣੀ ਕਮੇਟੀ ਦੀਆਂ ਚੋਣਾਂ ਨੂੰ ਲੈ ਕੇ ਢੀਂਡਸਾ ਨੇ ਆਗੂਆਂ ਨਾਲ਼ ਕੀਤੀ ਮੀਟਿੰਗ-ਇਕ ਖ਼ਬਰ

ਬੇੜੀ ਦਾ ਪੂਰ ਤ੍ਰਿੰਞਣ ਦੀਆਂ ਕੁੜੀਆਂ, ਸਬੱਬ ਨਾਲ਼ ਹੋਣ ‘ਕੱਠੀਆਂ।

ਬਹਿਸ ਤੋਂ ਬਚਣ ਲਈ ਅਕਾਲੀ ਦਲ ਬਾਦਲ ਆਪਣਾ ਗੋਲ ਪੋਸਟ ਬਦਲ ਰਿਹੈ-ਭਗਵੰਤ ਮਾਨ

ਦੋ ਘੁੱਟ ਪੀ ਕੇ ਦਾਰੂ, ਪੈਰ ‘ਤੇ ਮੁਕਰ ਗਿਆ।

ਕੇਂਦਰ ਸਰਕਾਰ ਨੌਜੁਆਨਾਂ ਨੂੰ ਨਸ਼ਿਆਂ ਦੀ ਆਦਤ ਲਗਾ ਰਹੀ ਹੈ-ਕਨ੍ਹਈਆ ਕੁਮਾਰ

ਗਲ਼ੀਆਂ ਹੋ ਜਾਣ ਸੁੰਞੀਆਂ, ਵਿਚ ਮਿਰਜ਼ਾ ਯਾਰ ਫਿਰੇ।

ਭਗਵੰਤ ਮਾਨ ਸਰਕਾਰ ਹੁਣ ਵਿਰੋਧੀਆਂ ਨੂੰ ਵਿਧਾਨ ਸਭਾ ‘ਚ ਘੇਰੇਗੀ-ਇਕ ਖ਼ਬਰ

ਹੱਥ ਵਿਚੋਂ ਗਿਰੀ ਕੱਤਣੀ, ਜਦੋਂ ਦੇਖੀ ਛੜੇ ਦੀ ਅੱਖ ਗਹਿਰੀ।

ਸਾਰੇ ਕਾਰੋਬਾਰ ਮੰਦਵਾੜੇ ਦੇ ਸ਼ਿਕਾਰ ਪਰ ਰਾਜਨੀਤਕ ਖੇਤਰ ਉਪਜਾਊ ਤੇ ਸਦਾਬਹਾਰ- ਇਕ ਖ਼ਬਰ

ਮੈਨੂੰ ਸੋਨੇ ਦਾ ਤਵੀਤ ਕਰਾ ਦੇ, ਚਾਂਦੀ ਕੀ ਭਾਰ ਚੁੱਕਣਾ।

ਈ.ਡੀ. ਸਾਹਮਣੇ ਪੇਸ਼ ਨਹੀਂ ਹੋਏ ਕੇਜਰੀਵਾਲ- ਇਕ ਖ਼ਬਰ

ਟੁੱਟ ਪੈਣੇ ਜੇਠ ਦਾ ਮੁੰਡਾ, ਚੀਰਾ ਬੰਨ੍ਹ ਕੇ ਸਾਹਮਣੇ ਬਹਿੰਦਾ।

=====================================

ਭਾਰਤ- ਕੈਨੇਡਾ ਸਬੰਧ ਮੁਸ਼ਕਿਲ ਦੌਰ ‘ਚੋਂ ਲੰਘ ਰਹੇ ਹਨ- ਜੈਸ਼ੰਕਰ

ਦੋ ਦਿਲ ਜੁੜਦਿਆਂ ਨੂੰ, ਕੋਈ ਚੰਦਰਾ ਮਾਰਦਾ ਭਾਨੀ।

ਭਾਵਨਾਵਾਂ ਭੜਕਾ ਕੇ ਵੋਟਾਂ ਲੈਣ ਵਾਲੇ ਸਿਆਸਤਦਾਨਾਂ ਤੋਂ ਲੋਕ ਚੌਕਸ ਰਹਿਣ- ਮੋਹਨ ਭਾਗਵਤ

ਮੋਹਨ ਜੀ, ਭਾਵਨਾਵਾਂ ਭੜਕਾਉਣ ਵਾਲਿਆਂ ਵਲ ਵੀ ਇਸ਼ਾਰਾ ਕਰ ਦਿੰਦੇ ਜ਼ਰਾ।

ਗੁਰੂ-ਘਰਾਂ ‘ਤੇ ਕਬਜ਼ਾ ਕਰਨ ਦੀ ‘ਆਪ’ ਅਤੇ ਭਾਜਪਾ ਦੀ ਸਾਜਿਸ਼-ਮਜੀਠੀਆ

ਬਿਲਕੁਲ ਠੀਕ, ਕਬਜ਼ਾ ਬਾਦਲ ਪਰਵਾਰ ਦਾ ਹੀ ਰਹਿਣਾ ਚਾਹੀਦਾ ਹੈ।

20 ਕਿਸਾਨ ਜਥੇਬੰਦੀਆਂ ਵਲੋਂ ਕੇਂਦਰ ਸਰਕਾਰ ਵਿਰੁਧ ਅੰਦੋਲਨ ਤੇਜ਼ ਕਰਨ ਦਾ ਫ਼ੈਸਲਾ- ਇਕ ਖ਼ਬਰ

ਹਲ਼ ਛੱਡ ਧਰਨੇ ‘ਤੇ ਜਾਣਾ, ਸਿਆਪਾ ਸਰਕਾਰਾਂ ਦਾ।

ਜੇ ਬੀ.ਜੇ.ਪੀ. ਅਗਲੇ ਪੰਜ ਸਾਲਾਂ ਲਈ ਆ ਗਈ ਤਾਂ ਦੇਸ਼ ਤਬਾਹ ਹੋ ਜਾਵੇਗਾ- ਕੇਜਰੀਵਾਲ

ਨਾਲ਼ਾ ਟੰਗ ਲੈ ਘੁੰਗਰੂਆਂ ਵਾਲ਼ਾ, ਟੋਲੀ ਆਉਂਦੀ ਛੜਿਆਂ ਦੀ।

ਮਜਬੂਤ ਇਰਾਦੇ ਵਾਲ਼ੇ ਇਨਸਾਨ ਨੂੰ ਅੱਗੇ ਵਧਣ ਤੋਂ ਕੋਈ ਨਹੀਂ ਰੋਕ

ਸਕਦਾ- ‘ਆਪ’ ਮੰਤਰੀ ਡਾ. ਬਲਜੀਤ ਕੌਰ

ਉੱਗਣ ਵਾਲੇ ਉੱਗ ਪੈਂਦੇ ਨੇ ਪਾੜ ਕੇ ਸੀਨਾ ਪੱਥਰਾਂ ਦਾ।

ਪੰਜਾਬ ਸਰਕਾਰ ਨੇ ਦੁਸਹਿਰੇ ਵਾਲ਼ੇ ਦਿਨ 50 ਪੀ.ਸੀ.ਐੱਸ. ਅਫ਼ਸਰਾਂ ਦੇ ਕੀਤੇ ਤਬਾਦਲੇ- ਇਕ ਖ਼ਬਰ

ਬਈ ਦੁਸਹਿਰੇ ਵਾਲ਼ੇ ਦਿਨ ਕੋਈ ਨਾ ਕੋਈ ਤੋਹਫ਼ਾ ਤਾਂ ਬਣਦਾ ਹੀ ਸੀ ਸਰਕਾਰ ਵਲੋਂ।

ਕਾਂਗਰਸ ਪ੍ਰਧਾਨ ਨੇ ‘ਨੌਕਰਸ਼ਾਹੀ ਦੇ ਸਿਆਸੀਕਰਨ’ ‘ਤੇ ਪ੍ਰਗਟਾਈ ਚਿੰਤਾ- ਇਕ ਖ਼ਬਰ

ਵੈਲਣ ਬੰਤੋ ਨੇ, ਛੜਾ ਜੇਠ ਕੁਟਵਾਇਆ ਆਪਣੇ ਯਾਰਾਂ ਤੋਂ।

ਜੇ.ਜੇ.ਪੀ. ਵਲੋਂ ਹਰਿਆਣਾ ਭਾਜਪਾ ਨੂੰ ਭਰਵੀਂ ਹਾਂ ਪਰ ਰਾਜਸਥਾਨ

‘ਚ ਕੋਰੀ ਨਾਂਹ- ਇਕ ਖ਼ਬਰ

ਅੱਧੀ ਤੇਰੀ ਆਂ ਮੁਲਾਹਜ਼ੇਦਾਰਾ, ਅੱਧੀ ਆਂ ਗ਼ਰੀਬ ਜੱਟ ਦੀ।

ਹਾਈ ਕੋਰਟ ਦੇ ਹੁਕਮਾਂ ਦੇ ਬਾਵਜੂਦ ਅਦਾਲਤਾਂ ਦਾ ਸਮੁੱਚਾ ਕੰਮ-ਕਾਰ ਪੰਜਾਬੀ ‘ਚ ਨਹੀਂ ਕੀਤਾ ਗਿਆ- ਇਕ ਖ਼ਬਰ

ਸਰਪੰਚਾਂ ਦਾ ਕਿਹਾ ਸਿਰ ਮੱਥੇ, ਪਰ ਪਰਨਾਲ਼ਾ ਉੱਥੇ ਦਾ ਉੱਥੇ।

ਮੁੱਖ ਮੰਤਰੀ ਮਨੋਹਰ ਲਾਲ ਖੱਟਰ ਨੇ ਛੇ ਟੋਲ ਪਲਾਜ਼ੇ ਬੰਦ ਕਰਨ ਦਾ ਕੀਤਾ ਐਲਾਨ- ਇਕ ਖ਼ਬਰ

ਕੋਈ ਨਾ, ਚੋਣਾਂ ਤੋਂ ਬਾਅਦ ਚਾਲੂ ਕਰ ਦੇਣੇ ਇਹਨਾਂ ਨੇ।  

ਨਵਾਜ ਸ਼ਰੀਫ਼ ਜਿੱਥੋਂ ਚੋਣ ਲੜਨਗੇ, ਮੈਂ ਵੀ ਉੱਥੋਂ ਹੀ ਲੜਾਂਗਾ- ਇਮਰਾਨ ਖ਼ਾਨ

ਜਿੱਥੇ ਚਲੇਂਗਾ ਚੱਲੂੰਗੀ ਨਾਲ਼ ਤੇਰੇ ਟਿਕਟਾਂ ਦੋ ਲੈ ਲਈਂ।

ਪੰਜਾਬ ਵਿਚ ਲੋਕ ਸਭਾ ਚੋਣਾਂ ਲਈ ਕਾਂਗਰਸ ਤੇ ‘ਆਪ’ ਵਿਚਕਾਰ ਸਮਝੌਤਾ- ਇਕ ਖ਼ਬਰ।

ਰੁੱਤ ਯਾਰੀਆਂ ਲਾਉਣ ਦੀ ਆਈ, ਬੇਰੀਆਂ ਦੇ ਬੇਰ ਪੱਕ ਗਏ।

ਕਾਰਪੋਰੇਟ ਘਰਾਣਿਆਂ ਨੂੰ ਕਿਸਾਨਾਂ ਦੀ ਲੁੱਟ ਨਹੀਂ ਕਰਨ ਦਿਤੀ ਜਾਵੇਗੀ- ਬੀਕੇਯੂ ਉਗਰਾਹਾਂ

ਲੱਸੀ ਲੈਣ ਦੇ ਬਹਾਨੇ ਆਉਂਦੇ, ਛੜਿਆਂ ਦੀ ਨੀਤ ਬੁਰੀ।

ਨਵਜੋਤ ਸਿੱਧੂ ਨੇ ਕੇਂਦਰ ਨੂੰ ਵੰਡੀਆਂ ਨਾ ਪਾਉਣ ਲਈ ਕਿਹਾ, ਪੰਜਾਬ ਦੇਸ਼ ਦੀ ਢਾਲ ਹੈ- ਇਕ ਖ਼ਬਰ

ਬਦੀਆਂ ਨਾ ਕਰ ਵੇ, ਕੈ ਦਿਨ ਦੀ ਜ਼ਿੰਦਗਾਨੀ।

=================================

ਵਿਧਾਨ ਸਭਾ ਚੋਣਾਂ ਲਈ ਭਾਜਪਾ ਦਾ ਡਟ ਕੇ ਪ੍ਰਚਾਰ ਕਰਾਂਗਾ- ਕੈਪਟਨ ਅਮਰਿੰਦਰ ਸਿੰਘ

ਕੱਟਾ ਤੇ ਪੁਜਾਰੀ ਲੱਭਣ ਲਈ ਬੰਦਿਆਂ ਦੀ ਡਿਊਟੀ ਲਗਾ ਦਿਤੀ ਹੈ।

ਨਲਵੀ ਤੇ ਝੀਂਡਾ ਗਰੁੱਪ ਹੁਣ ਰਲ਼ ਕੇ ਹਰਿਆਣਾ ਕਮੇਟੀ ਦੀਆਂ ਚੋਣਾਂ ਲੜਨਗੇ- ਇਕ ਖ਼ਬਰ

ਵਿਛੜਿਆਂ ਦੇ ਹੋ ਗਏ ਮੇਲੇ, ਗਲ਼ ਭੱਜੀਆਂ ਬਾਹੀਂ ਆਈਆਂ।

ਮੁੱਖ ਮੰਤਰੀ ਨਸ਼ਿਆਂ ਦਾ ਖਾਤਮਾ ਕਰਨ ਵਿਚ ਨਾਕਾਮ- ਸੁਖਬੀਰ ਬਾਦਲ

ਸੁਖਬੀਰ ਸਿਆਂ ਤੈਨੂੰ ਪਤਾਂ ਈ ਐ ਇਹ ਗੰਢਾਂ ਕਿਸ ਦੀਆਂ ਦਿਤੀਆਂ ਹੋਈਆਂ ਨੇ।

ਬਹਿਸ ਤੋਂ ਪਹਿਲਾਂ ਮੁੱਖ ਮੰਤਰੀ ਰਾਜਪਾਲ ਦੇ ਸਵਾਲਾਂ ਦਾ ਜਵਾਬ ਦੇਵੇ- ਦਲਜੀਤ ਚੀਮਾ

ਛੱਡਿਆ ਮੱਝ ਹੇਠਾਂ ਜਾ ਵੜਿਆ ਝੋਟੇ ਹੇਠ।

ਦੱਖਣੀ ਗਾਜ਼ਾ ‘ਚ ਕੋਈ ਜੰਗਬੰਦੀ ਨਹੀਂ ਹੋਵੇਗੀ- ਪ੍ਰਧਾਨ ਮੰਤਰੀ ਨੇਤਨਯਾਹੂ

ਜਿੰਨਾ ਚਿਰ ਮੇਰੀਆਂ ਵੋਟਾਂ ਪੱਕੀਆਂ ਨਹੀਂ ਹੋ ਜਾਂਦੀਆਂ।

ਸੁਖਰਾਜ ਸਿੰਘ ਨੇ ਕਿਹਾ ਕਿ ਰਾਜਸੀ ਲੋਕ ਬਹਿਬਲਾਂ ਕਲਾਂ ਮਾਮਲੇ ‘ਤੇ ਵੀ ਰਾਜਨੀਤੀ ਕਰਦੇ ਹਨ- ਇਕ ਖ਼ਬਰ

ਉਲਝੇ ਮਾਮਲੇ ਲੱਭਦੇ ਫਿਰਨ ਨੇਤਾ, ਖੰਡੇ ਕੁੱਤੇ ਜਿਉਂ ਸ਼ਿਕਾਰ ਨੂੰ ਲੱਭਦੇ ਨੇ।   

ਐੱਸ.ਵਾਈ.ਐੱਲ. ਦੇ ਮੁੱਦੇ ‘ਤੇ ਸੰਦੀਪ ਪਾਠਕ ਨੂੰ ਹਰਿਆਣੇ ਦਾ ਪੱਖ ਲੈਣ ‘ਤੇ ਕਿਸਾਨਾਂ ਵਲੋਂ ਅਸਤੀਫ਼ੇ ਦੀ ਮੰਗ ਦਾ ਮਤਾ ਪਾਸ- ਇਕ ਖ਼ਬਰ

ਆਂਡੇ ਕਿਤੇ ਤੇ ਕੁੜ ਕੁੜ ਕਿਤੇ।

ਦਿੱਲੀ ਦੇ ਇਕ ਗੁਰਦੁਆਰੇ ‘ਚ ਪ੍ਰਧਾਨਗੀ ਪਿੱਛੇ ਤਲਵਾਰਾਂ ਚੱਲੀਆਂ- ਇਕ ਖ਼ਬਰ

ਕੂੰਡੇ ਟੁੱਟ ਗਏ ਘੋਟਣੇ ਭੱਜ ਗਏ, ਤਕੀਏ ਮਲੰਗ ਲੜ ਪਏ।

ਵਿਰੋਧੀ ਆਗੂ ਬਹਿਸ ਤੋਂ ਬਚਣ ਲਈ ਤਰ੍ਹਾਂ ਤਰ੍ਹਾਂ ਦੇ ਬਹਾਨੇ ਬਣਾ ਰਹੇ ਹਨ-ਭਗਵੰਤ ਮਾਨ

ਜੱਟ ਆਉਦੈ ਪਰੈਣੀ ਕੱਸੀ, ਹਾਏ ਨੀ ਹੁਣ ਕੀ ਕਰਾਂ।

ਕਾਂਗਰਸ ‘ਚ ਸ਼ਾਮਲ ਹੋਣ ਲਈ ਭਾਜਪਾ ਆਗੂ ਕਤਾਰਾਂ ‘ਚ ਲੱਗੇ ਹੋਏ ਹਨ-ਰਾਹੁਲ ਗਾਂਧੀ

ਕੀ ਘੋਲ਼ ਕੇ ਤਵੀਤ ਪਿਆਏ, ਲੱਗੀ ਤੇਰੇ ਮਗਰ ਫਿਰਾਂ।

ਚਾਰ ਦਹਾਕਿਆਂ ਬਾਅਦ ਊਧਵ ਠਾਕਰੇ ਨੇ ਸਮਾਜਵਾਦੀ ਪਾਰਟੀਆਂ ਨਾਲ ਸੰਪਰਕ ਕੀਤਾ- ਇਕ ਖ਼ਬਰ

ਹਾਕਾਂ ਮਾਰਦੇ ਬੱਕਰੀਆਂ ਵਾਲੇ, ਦੁੱਧ ਪੀ ਕੇ ਜਾਈਂ ਬਚਨੋ।

ਸਕਾਟਲੈਂਡ ਵਲੋਂ ਗਾਜ਼ਾ ਦੇ ਸ਼ਰਨਾਰਥੀਆਂ ਦੀ ਬਾਂਹ ਫੜਨ ਦਾ ਐਲਾਨ-ਇਕ ਖ਼ਬਰ

ਤੇਰੀ ਮੇਰੀ ਇਕ ਜਿੰਦੜੀ, ਤੈਨੂੰ ਤਾਪ ਚੜ੍ਹੇ ਮੈਂ ਹੂੰਗਾਂ।

ਰਾਜਪਾਲ ਨੇ ਜਨਮ ਦਿਨ ਮੌਕੇ ਵੀ ਭਗਵੰਤ ਮਾਨ ਨੂੰ ਨਾ ਬਖ਼ਸ਼ਿਆ- ਇਕ ਖ਼ਬਰ

ਲਾਈਲੱਗ ਨਾ ਹੋਵੇ ਘਰ ਵਾਲ਼ਾ, ਚੰਦਰਾ ਗੁਆਂਢ ਨਾ ਹੋਵੇ।

ਹਰ ਵਰਗ ਭਾਜਪਾ ਵਿਰੁੱਧ ਅੰਦੋਲਨ ਕਰ ਰਿਹੈ- ਸੁਮਿਤਾ ਸਿੰਘ

ਬਹਿ ਕੇ ਸੁਣ ਮੇਰੇ ਵੀਰਨਾ, ਸੱਸ ਚੰਦਰੀ ਕਰਾਂ ਮੈਂ ਸਿਆਪਾ।

ਸ਼੍ਰੋਮਣੀ ਕਮੇਟੀ ‘ਚੋਂ ਬਾਦਲਾਂ ਨੂੰ ਲਾਂਭੇ ਕਰਨ ਲਈ ਸਾਂਝੇ ਉਮੀਦਵਾਰ ਉਤਾਰਾਂਗੇ- ਢੀਂਡਸਾ

ਜਾਣਾ ਮੈਂ ਦਰਬਾਰ ਦਲੀਲਾਂ ਧਾਰੀਆਂ, ਦੱਸਦਾ ਹਕੀਕਤਾਂ ਤਮਾਮ ਸਾਰੀਆਂ।

ਪੰਜਾਬ ‘ਚ ਜਿੰਨਾ ਵੀ ਵਿਕਾਸ ਹੋਇਐ, ਅਕਾਲੀ ਸਰਕਾਰ ਵੇਲੇ ਹੀ ਹੋਇਐ- ਸੁਖਬੀਰ ਬਾਦਲ
ਇੰਜ ਕਹੋ ਕਿ ਬਾਦਲਾਂ ਦਾ ਜਿੰਨਾ ਵਿਕਾਸ ਹੋਇਐ, ਅਕਾਲੀ ਸਰਕਾਰ ਵੇਲੇ ਹੀ ਹੋਇਐ।
ਬਾਦਲ ਦਲ ਵਿਚ ਸ਼ਾਮਲ ਹੋਣਾ ਮੇਰੀ ਵੱਡੀ ਭੁੱਲ ਸੀ- ਜੀਤ ਮਹਿੰਦਰ ਸਿੰਘ
ਵਕਤੋਂ ਮੈਂ ਖੁੰਝ ਗਈ, ਘੜਾ ਦੇਖ ਨਾ ਲਿਆ ਟੁਣਕਾ ਕੇ।
ਪ੍ਰਕਾਸ਼ ਸਿੰਘ ਬਾਦਲ ਹੀ ਦਰਿਆਈ ਪਾਣੀਆਂ ਦੇ ਅਸਲ ਰਾਖੇ ਸਨ- ਦਲਜੀਤ ਸਿੰਘ ਚੀਮਾ
ਸੁਣ ਲੈ ਨਿਹਾਲੀਏ ਚੋਰਾਂ ਦੀਆਂ ਗੱਲਾਂ।
ਦੁਬਈ ਤੋਂ ਚਾਰਟਰਡ ਜਹਾਜ਼ ਰਾਹੀਂ 21 ਅਕਤੂਬਰ ਨੂੰ ਪਾਕਿਸਤਾਨ ਪਹੁੰਚਣਗੇ ਨਵਾਜ਼ ਸ਼ਰੀਫ਼- ਇਕ ਖ਼ਬਰ
ਲੌਢੇ ਵੇਲੇ ਮਾਹੀਏ ਆਉਣਾ ਮੰਨ ਪਕਾਵਾਂ ਕਣਕ ਦਾ, ਅੰਦਰ ਜਾਵਾਂ ਬਾਹਰ ਜਾਵਾਂ ਲਾਲ ਚੂੜਾ ਛਣਕਦਾ- ਇਕ ਖ਼ਬਰ
ਇਜ਼ਰਾਈਲ ਨੇ ਲੋਕਾਂ ਨੂੰ ਗਾਜ਼ਾ ਪੱਟੀ ਖ਼ਾਲੀ ਕਰਨ ਲਈ ਕਿਹਾ- ਇਕ ਖ਼ਬਰ
ਚੁੱਕ ਚਰਖ਼ਾ ਪਰ੍ਹਾਂ ਕਰ ਪੀੜ੍ਹੀ, ਛੜਿਆਂ ਨੇ ਬੋਕ ਬੰਨ੍ਹਣਾ।
ਕੇਂਦਰ ‘ਚ ਵਾਰ ਵਾਰ ਭਾਈਵਾਲੀ ਦੇ ਬਾਵਜੂਦ ਬਾਦਲ ਕਿਉਂ ਐੱਸ.ਵਾਈ.ਐੱਲ. ‘ਤੇ ਚੁੱਪ ਰਿਹਾ?- ਇਕ ਸਵਾਲ
ਮੂੰਹ ਖਾਵੇ ਤੇ ਅੱਖ ਸ਼ਰਮਾਵੇ।
ਇਜ਼ਰਾਈਲ-ਫ਼ਲਸਤੀਨ ਦਾ ਝਗੜਾ ਇੰਜ ਹੀ ਚਲਦਾ ਰਹੇਗਾ ਜਾਂ ਕੋਈ ਹੱਲ ਵੀ ਨਿਕਲੇਗਾ?- ਇਕ ਸਵਾਲ
ਹੱਲ ਕੱਢ ਕੇ ਬਾਅਦ ‘ਚ ਫਿਰ ਸਿਆਸੀ ਲੋਕ ਕੀ ਮੱਖੀਆਂ ਮਾਰਨਗੇ?
ਭਾਰਤ-ਕੈਨੇਡਾ ਤਣਾਅ ਹੋਣ ਕਰ ਕੇ ਗੁਰਦਾਸ ਮਾਨ ਦਾ ਸ਼ੋਅ ਕੈਂਸਲ- ਇਕ ਖ਼ਬਰ
ਸੱਚ ਕਿਉਂ ਲੁਕਾਉਂਦੇ ਹੋ ਪਿਆਰਿਉ, ਅਸਲ ਕਾਰਨ ਦੱਸੋ ਸ਼ੋਅ ਕਿਉਂ ਕੈਂਸਲ ਹੋਏ।
ਇਜ਼ਰਾਈਲ ਪਹੁੰਚੇ ਅਮਰੀਕਾ ਦੇ ਵਿਦੇਸ਼ ਮੰਤਰੀ ਐਂਟਨੀ ਬਲਿੰਕਨ-ਇਕ ਖ਼ਬਰ
ਤੇਰੀ ਆਈ ਮੈਂ ਮਰ ਜਾਂ, ਤੇਰਾ ਵਾਲ਼ ਵੀ ਵਿੰਗਾ ਨਾ ਹੋਵੇ।
ਕਈ ਕਾਂਗਰਸੀ ਅਤੇ ਅਕਾਲੀ ਆਗੂ ਭਾਜਪਾ ਨੂੰ ਛੱਡ ਕੇ ਕਾਂਗਰਸ ‘ਚ ਮੁੜ ਆਏ- ਇਕ ਖ਼ਬਰ
ਜਾਨ ਬਚੀ ਸੋ ਲਾਖੋਂ ਪਾਏ, ਘਰ ਕੇ ਬੁੱਧੂ ਘਰ ਕੋ ਆਏ।
ਭਾਜਪਾ ਤੋਂ ਬਾਅਦ ਅਕਾਲੀ ਦਲ ਬਾਦਲ ਵੀ ਬਹਿਸ ਤੋਂ ਬਾਹਰ-ਇਕ ਖ਼ਬਰ
ਜੇਠ ਦੇ ਬੁਰੇ ਦਿਨ ਆਏ, ਕਿੱਕਰਾਂ ਨੂੰ ਪਾਵੇ ਜੱਫੀਆਂ।
ਦੇਸ਼ ਦੇ ਨੌਜਵਾਨਾਂ ਲਈ ਬਣਾਈ ਜਾਵੇਗੀ ‘ਮੇਰਾ ਯੁਵਾ ਭਾਰਤ’ ਨਾਂ ਦੀ ਸੰਸਥਾ- ਇਕ ਖ਼ਬਰ
ਸਾਡੇ ਨਰਮ ਕਾਲ਼ਜੇ ਲੜ ਗਏ, ਲੱਡੂ ਖਾ ਲਏ ਤੇਰੇ ਤੇਲ ਦੇ।  
ਬਾਦਲ ਅਕਾਲੀ ਦਲ ਨੇ ਜੀਤ ਮੁਹਿੰਦਰ ਸਿੰਘ ਨੂੰ ਕੀਤਾ ਮੁਅੱਤਲ- ਇਕ ਖ਼ਬਰ
ਬਾਂਹ, ਮਾਰ ਕੇ ਘੋਟਣਾ ਭੰਨ ‘ਤੀ, ਜੇਠ ਦੀ ਮੈਂ ਗੱਲ ਨਾ ਮੰਨੀ।
‘ਆਪ’ ਨੇ ਐੱਸ.ਵਾਈ.ਐੱਲ. ਦੇ ਮੁੱਦੇ ‘ਤੇ ਬਾਦਲ ਅਕਾਲੀ ਦਲ ਨੂੰ ਘੇਰਿਆ- ਇਕ ਖ਼ਬਰ
ਤੈਨੂੰ ਭੱਜ ਕੇ ਜਾਣ ਨਹੀਂ ਦੇਣਾ, ਵਾਹਣੋ ਵਾਹਣੀ ਪਾਉਣਾ ਮਿੱਤਰਾ।
ਹਮਾਸ ਦਾ ਸਮਰਥਨ ਕਰਨ ‘ਤੇ ਅਮਰੀਕਾ ਵਲੋਂ ਈਰਾਨ ਨੂੰ ਚਿਤਾਵਨੀ-ਇਕ ਖ਼ਬਰ
ਪਰੇ ਹਟ ਜਾ ਬਲਦ ਸਿੰਙ ਮਾਰੂ, ਨੀ ਸੋਨੇ ਦੇ ਤਵੀਤ ਵਾਲ਼ੀਏ।