ਦਿੱਲੀ ਵਿਧਾਨ ਸਭਾ ਚੋਣਾਂ ਵਿਚ ਭਾਜਪਾ ਨੇ ਕੇਜਰੀਵਾਲ ਤੇ ਉਹਦੀ ਪਾਰਟੀ ਨੂੰ ਦਿਤਾ ਕਰਾਰਾ ਝਟਕਾ- ਇਕ ਖ਼ਬਰ

ਪਾਣੀ ਡੋਲ੍ਹ ਗਈ ਝਾਂਜਰਾਂ ਵਾਲ਼ੀ, ਕੈਂਠੇ ਵਾਲ਼ਾ ਤਿਲਕ ਗਿਆ।

ਨਾਜਾਇਜ਼ ਮਾਈਨਿੰਗ ਰੋਕਣ ‘ਚ ‘ਆਪ’ ਸਰਕਾਰ ਰਹੀ ਨਾਕਾਮ- ਪਰਤਾਪ ਸਿੰਘ ਬਾਜਵਾ

ਬਾਜਵਾ ਸਾਹਿਬ, ਤੁਹਾਡੇ ਰਾਜ ਵੇਲੇ ਕਿੰਨੀ ਕੁ ਬੰਦ ਹੋ ਗਈ ਸੀ!

ਅਕਾਲ ਤਖ਼ਤ ਵਲੋਂ ਬਣਾਈ ਸੱਤ ਮੈਂਬਰੀ ਕਮੇਟੀ ਦੀ ਮੀਟਿੰਗ ਸੁਖਾਵੇਂ ਮਾਹੌਲ ‘ਚ ਹੋਈ- ਧਾਮੀ

ਜਦ ਏਜੰਡਾ ਹੀ ਕੋਈ ਨਹੀਂ ਸੀ ਤਾਂ ਮੀਟਿੰਗ ਸੁਖਾਵੇਂ ਮਾਹੌਲ ਵਿਚ ਹੀ ਹੋਣੀ ਸੀ। 

ਟਰੰਪ ਵਲੋਂ ਅਮਰੀਕਾ ਨੂੰ ਟੈਰਿਫ਼ ਦੀ ਧਮਕੀ ਤੋਂ ਬਾਅਦ ਟਰੂਡੋ ਨੇ ਕਿਹਾ ਕਿ ਅਮਰੀਕਾ ਵੀ ਤਿਆਰ ਰਹੇ।

ਗੱਲ ਸੋਚ ਕੇ ਕਰੀਂ ਠਾਣੇਦਾਰਾ, ਅਸਾਂ ਨਹੀਂ ਕਨੌੜ ਝੱਲਣੀ।

ਹਰਿਆਣਾ ਕਮੇਟੀ ਦੀ ਪੰਥਕ ਏਕਤਾ ‘ਚ ਤਰੇੜ ਹੋਰ ਡੂੰਘੀ ਹੋਈ- ਇਕ ਖ਼ਬਰ

ਸ਼ਾਬਾਸ਼ ਸਿੱਖੋ! ਦੇਖਿਉ ਤਰੇੜਾਂ ਮਿਟ ਨਾ ਜਾਣ ਕਿਤੇ, ਦੱਬੀ ਚਲੋ ਕਿੱਲੀ।

ਰਾਹੁਲ ਗਾਂਧੀ ਨੇ ਮਹਾਰਾਸ਼ਟਰ ਦੀਆਂ ਚੋਣਾਂ ‘ਚ ਬੇਨਿਯਮੀਆਂ ਦਾ ਦੋਸ਼ ਲਗਾਇਆ- ਇਕ ਖ਼ਬਰ

ਕਾਰਵਾਂ ਗੁਜ਼ਰ ਗਿਆ, ਗ਼ੁਬਾਰ ਦੇਖਤੇ ਰਹੇ।

ਮੋਦੀ ਸਰਕਾਰ ਹਰ ਮੁੱਦੇ ‘ਤੇ ਧਿਆਨ ਦੇ ਰਹੀ ਹੈ- ਰਵਨੀਤ ਬਿੱਟੂ

ਬਿੱਟੂ ਸਾਹਿਬ ਇਸ ਵਿਚ ਕੋਈ ਸ਼ੱਕ ਐ!

7,113 ਕਰੋੜ ਰੁਪਏ ਨਾਲ਼ ਭਾਜਪਾ ਦੇਸ਼ ਦੀ ਸਭ ਤੋਂ ਅਮੀਰ ਪਾਰਟੀ ਬਣੀ- ਇਕ ਖ਼ਬਰ

ਮੇਰੀ ਕੱਤਣੀ ਨਸੀਬਾਂ ਵਾਲ਼ੀ, ਭਰੀ ਰਹੇ ਲੱਡੂਆਂ ਦੀ।

ਪੰਜਾਬ ‘ਚ 856 ਸੀਨੀਅਰ ਸਰਕਾਰੀ ਸੈਕੰਡਰੀ ਸਕੂਲ ਪ੍ਰਿੰਸੀਪਲਾਂ ਤੋਂ ਬਿਨਾਂ ਚਲ ਰਹੇ ਹਨ- ਇਕ ਖ਼ਬਰ

ਭੋਲਿਓ, ਅੱਜ ਏ.ਆਈ. ਦਾ ਯੁਗ ਹੈ, ਪ੍ਰਿੰਸੀਪਲਾਂ ਦੀ ਕੀ ਲੋੜ ਐ? ਨਾਲ਼ੇ ਦਿੱਲੀ ਦੇ ਖ਼ਰਚੇ ਵੀ ਕੱਢਣੇ ਨੇ।

ਫੋਰਬਸ ਨੇ ਭਾਰਤ ਨੂੰ ਪਹਿਲੇ ਦਸ ਸ਼ਕਤੀਸ਼ਾਲੀ ਦੇਸ਼ਾਂ ਦੀ ਸੂਚੀ ‘ਚੋਂ ਕੀਤਾ ਬਾਹਰ- ਇਕ ਖ਼ਬਰ

ਕਿਹੜੇ ਯਾਰ ਦਾ ਗੁਤਾਵਾ ਕੀਤਾ, ਅੱਖ ਵਿਚ ਕੱਖ ਪੈ ਗਿਆ।

ਸ਼ੇਖ਼ ਹਸੀਨਾ ਦੀਆਂ ਗਤੀਵਿਧੀਆਂ ਨੂੰ ਲੈ ਕੇ ਬੰਗਲਾਦੇਸ਼ ਨੇ ਭਾਰਤ ਵਿਰੁੱਧ ਰੋਸ ਪ੍ਰਗਟਾਇਆ- ਇਕ ਖ਼ਬਰ

ਅੱਗੇ ਬੀਬੀ ਟੱਪਣੀ, ਪਿੱਛੇ ਢੋਲਾਂ ਦੀ ਘੜਮੱਸ।

ਅਮਰੀਕਾ ਤੋਂ ਸਿਆਣੀ ਗੱਲਬਾਤ ਦੀ ਕੋਈ ਆਸ ਨਹੀਂ- ਈਰਾਨ

ਲੱਸੀ ਲੈਣ ਦੇ ਬਹਾਨੇ ਆਉਂਦੇ, ਛੜਿਆਂ ਦੀ ਨੀਤ ਬੁਰੀ।

ਅਕਾਲ ਤਖ਼ਤ ਵਲੋਂ ਬਣਾਈ 7 ਮੈਂਬਰੀ ਨਿਗਰਾਨ ਕਮੇਟੀ ਦੀ ਬਾਦਲ ਦਲ ਨੂੰ ਕੋਈ ਪ੍ਰਵਾਹ ਨਹੀਂ- ਇਕ ਖ਼ਬਰ

ਮੂੰਹ ਉਗਲਾਂ ਘੱਤ ਕੇ ਕਹਿਣ ਸਭੇ, ਕਾਰੇ ਕਰਨ ਥੀਂ ਇਹ ਨਾ ਸੰਗਦਾ ਏ।

ਨਵੇਂ ਕੇਂਦਰੀ ਬਜਟ ‘ਚ ਪੰਜਾਬ ਲਈ ਕੋਈ ਉਮੀਦ ਨਹੀਂ-ਪਰਤਾਪ ਸਿੰਘ ਬਾਜਵਾ

ਕਿਤੇ ਕੱਲੀ ਬਹਿ ਕੇ ਸੋਚੀਂ ਨੀਂ, ਅਸੀਂ ਕੀ ਨਹੀਂ ਕੀਤਾ ਤੇਰੇ ਲਈ।

ਦਿੱਲੀ ‘ਚ ਭਾਜਪਾ ਦੀ ਜਿੱਤ ‘ਤੇ ਪੰਜਾਬ ‘ਆਪ’ ਵਿਚ ਖ਼ਾਮੋਸ਼ੀ- ਇਕ ਖ਼ਬਰ

ਨੀ ਐਡਾ ਤੇਰਾ ਕਿਹੜਾ ਦਰਦੀ, ਸੁੱਤੀ ਪਈ ਨੂੰ ਪੱਖੀ ਦੀ ਝੱਲ ਮਾਰੇ।

=======================================================================

 10.03.2025

ਸੇਬੀ ਦੀ ਸਾਬਕਾ ਮੁਖੀ ਮਾਧਵੀ ਬੁੱਚ ਵਿਰੁੱਧ ਐਫ. ਆਈ. ਆਰ. ਦਰਜ ਕਰਨ ‘ਤੇ ਰੋਕ- ਇਕ ਖ਼ਬਰ

ਤੈਨੂੰ ਜ਼ੁਲਫ਼ਾਂ ਦੀ ਛਾਂ ‘ਚ ਬਿਠਾ ਕੇ, ਚੂਰੀਆਂ ਖਵਾਵਾਂ ਮਿੱਤਰਾ।

ਬਾਦਲ ਦਲ ਦੇ ਹਾਸ਼ੀਏ ‘ਤੇ ਜਾਣ ਦੇ ਕੀ ਕਾਰਨ ਹਨ?- ਇਕ ਸਵਾਲ

ਇਹ ਗੱਲ ਤਾਂ ਹੁਣ ਬੱਚਾ ਬੱਚਾ ਜਾਣਦੈ ਭਾਈ, ਕੋਈ ਹੋਰ ਸਵਾਲ ਪੁੱਛੋ।

ਬਸਪਾ ਸੁਪਰੀਮੋ ਮਾਇਆਵਤੀ ਨੇ ਆਪਣੇ ਭਤੀਜੇ ਆਕਾਸ਼ ਆਨੰਦ ਨੂੰ ਪਾਰਟੀ ‘ਚੋਂ ਕੱਢਿਆ- ਇਕ ਖ਼ਬਰ

ਲੈ ਗਈ ਕੁੰਜੀਆਂ ਚੁਬਾਰਿਆਂ ਵਾਲ਼ੀ, ਹੋ ਗਏ ਮਲੰਗ ਮੁੜ ਕੇ।

ਨਸ਼ਾ ਮਾਫ਼ੀਏ ਦਾ ਲੱਕ ਤਾਂ ਹੀ ਟੁੱਟੇਗਾ ਜੇ ਵੱਡੀਆਂ ਮੱਛੀਆਂ ਫੜੀਆਂ ਜਾਣ- ਖਾਲੜਾ ਮਿਸ਼ਨ

ਕਈ ਬੱਕਰੇ ਜੰਗਲੀਂ ਫਿਰਨ ਚਰਦੇ, ਕਦ ਫ਼ਸਣਗੇ ਹੱਥ ਕਸਾਈ ਯਾਰਾ?

ਬੁਲਡੋਜ਼ਰ ਕਾਰਵਾਈ ‘ਤੇ ਸੁਪਰੀਮ ਕੋਰਟ ਨੇ ਯੋਗੀ ਸਰਕਾਰ ਨੂੰ ਦੱਸਿਆ ਜ਼ਾਲਮ- ਇਕ ਖ਼ਬਰ

ਲੋਕੋ ਜਾਗਦੇ ਰਹਿਣਾ, ਗੱਡੀ ਜ਼ਾਲਮਾਂ ਦੀ ਆਈ।

ਕੈਨੇਡਾ ‘ਚ ਸ਼ਰਾਬ ਚੋਰੀ ਦੇ ਇਲਜ਼ਾਮ ’ਚ ਪੰਜ ਪੰਜਾਬੀ ਨੌਜਵਾਨ ਗ੍ਰਿਫ਼ਤਾਰ- ਇਕ ਖ਼ਬਰ

ਬਦਨਾਮ ਭੀ ਹੋਂਗੇ ਤੋ ਕਿਆ ਨਾਮ ਨਾ ਹੋਗਾ।

ਅਮਰੀਕਾ ‘ਚ ਵਿਰੋਧ ਪ੍ਰਦਰਸ਼ਨ ਕੀਤਾ ਤਾਂ ਦੇਸ਼ ‘ਤੋਂ ਕੱਢ ਦੇਵਾਂਗੇ, ਟਰੰਪ ਦੀ ਵਿਦਿਆਰਥੀਆਂ ਨੂੰ ਧਮਕੀ-ਇਕ ਖ਼ਬਰ

ਮੂੰਹ ਉਂਗਲਾਂ ਘੱਤ ਕੇ ਕਹਿਣ ਸਭੇ, ਕਾਰੇ ਕਰਨ ਥੀਂ ਇਹ ਨਾ ਸੰਗਦਾ ਏ।

ਟਰੰਪ ਨਾਲ ਉਲਝਣ ਦਾ ਟਰੂਡੋ ਦੀ ਲਿਬਰਲ ਪਾਰਟੀ ਨੂੰ ਮਿਲਿਆ ਫ਼ਾਇਦਾ- ਇਕ ਖ਼ਬਰ

ਕੁੱਬੇ ਦੇ ਲੱਤ ਮਾਰੀ, ਕੁੱਬੇ ਦੇ ਗੁਣ ਆਈ।

ਮੇਰੀ ਨਰਮਾਈ ਦਾ ਇਹ ਮਤਲਬ ਨਹੀਂ ਕਿ ਮੈਂ ਐਕਸ਼ਨ ਨਹੀਂ ਲੈ ਸਕਦਾ- ਭਗਵੰਤ ਮਾਨ

ਮੈਨੂੰ ਨਰਮ ਕੁੜੀ ਨਾ ਜਾਣੀ, ਲੜਜੂੰ ਭ੍ਰਿੰਡ ਬਣ ਕੇ।

ਟਰੰਪ ਵਲੋਂ ਵਾਰ ਵਾਰ ਭਾਰਤ ਦਾ ਅਪਮਾਨ ਕੀਤੇ ਜਾਣ ‘ਤੇ ਪ੍ਰਧਾਨ ਮੰਤਰੀ ਚੁੱਪ ਕਿਉਂ?- ਕਾਂਗਰਸ

ਮੂੰਹ ਖਾਵੇ, ਅੱਖ ਸ਼ਰਮਾਵੇ।

ਏਕਤਾ ਲਈ ਕਿਸਾਨ ਮੋਰਚਿਆਂ ਦੀ 6 ਘੰਟੇ ਚੱਲੀ ਮੀਟਿੰਗ ਰਹੀ ਬੇਸਿੱਟਾ- ਇਕ ਖ਼ਬਰ

ਹੱਥ ਪੁਰਾਣੇ ਖੌਂਸੜੇ, ਬਸੰਤੇ ਹੋਰੀਂ ਆਏ।

ਕੇਜਰੀਵਾਲ ਚਾਹੁਣ ਤਾਂ ਅੱਜ ਹੀ ਰਾਜ ਸਭਾ ਤੋਂ ਅਸਤੀਫ਼ਾ ਦੇ ਦਿਆਂਗਾ- ਸੰਜੀਵ ਅਰੋੜਾ

ਤੇਰੀ ਆਈ ਮੈਂ ਮਰ ਜਾਂ, ਤੇਰਾ ਵਾਲ਼ ਵੀ ਵਿੰਗਾ ਨਾ ਹੋਵੇ।

ਕਿਸੇ ਵੀ ਹਾਲਤ ਵਿਚ ਮੈਂ ਅਸਤੀਫ਼ਾ ਵਾਪਸ ਨਹੀਂ ਲਵਾਂਗਾ- ਹਰਜਿੰਦਰ ਸਿੰਘ ਧਾਮੀ

ਵਾਰਸਸ਼ਾਹ ਨਾ ਮੁੜਾਂ ਰੰਝੇਟੜੇ ਤੋਂ, ਭਾਵੇਂ ਬਾਪ ਦੇ ਬਾਪ ਦਾ ਬਾਪ ਆਵੇ।

ਭਾਰਤ ਸਰਕਾਰ ਦੀ ਨਵੀਂ ਸਿੱਖਿਆ ਨੀਤੀ ਨੂੰ ਪੰਜਾਬ ਸਰਕਾਰ ਰੱਦ ਕਰੇ- ਪਰਗਟ ਸਿੰਘ

ਭੱਠ ਪਿਆ ਸੋਨਾ, ਜਿਹੜਾ ਕੰਨਾਂ ਨੂੰ ਖਾਵੇ।

ਮਜੀਠੀਆ ਨੇ ਅਕਾਲੀ ਦਲ ਦੀ ਪਿੱਠ ਵਿਚ ਛੁਰਾ ਮਾਰਿਆ- ਭੂੰਦੜ

ਤੇ ਤੁਹਾਡੇ ਟੋਲੇ ਨੇ ਸ੍ਰੀ ਅਕਾਲ ਤਖ਼ਤ ਦੇ ਸਿਧਾਂਤ ਨੂੰ ਲਹੂ-ਲੁਹਾਨ ਕੀਤੈ।

ਦਿੱਲੀ ਦੀਆਂ ਔਰਤਾਂ ਨੂੰ ਢਾਈ – ਢਾਈ ਹਜ਼ਾਰ ਦੇਣ ਦੀ ‘ਮੋਦੀ ਦੀ ਗਾਰੰਟੀ’ ਝੂਠ ਸਾਬਤ ਹੋਈ- ਆਤਿਸ਼ੀ

ਮੋਦੀ ਦੇ ਲਾਰੇ, ਮੁੰਡੇ ਰਹਿਣ ਕੁਆਰੇ।

=========================================================================

ਅਮਰੀਕਾ ਤੋਂ ਵਾਪਸ ਆ ਰਹੇ ਭਾਰਤੀਆਂ ਬਾਰੇ ਦਿਤੇ ਬਿਆਨ ਲਈ ਖੱਟੜ ਮੁਆਫ਼ੀ ਮੰਗੇ- ਨੀਲ ਗਰਗ
ਚਿੜੀਆਂ ਦੀ ਮੌਤ, ਗਵਾਰਾਂ ਦਾ ਹਾਸਾ।
ਧਾਮੀ ਸਾਹਿਬ ਦੁਚਿੱਤੀ ਛੱਡੋ ਤੇ ਫੁੰਕਾਰਾ ਮਾਰੋ- ਤਰਲੋਚਨ ਸਿੰਘ ਦੁਪਾਲਪੁਰ
ਦੁਪਾਲਪੁਰੀ ਸਾਹਿਬ ਮਾਲਕਾਂ ਨੇ ਦੰਦ ਹੀ ਨਹੀਂ ਕੱਢੇ ਸਗੋਂ ਜ਼ੁਬਾਨ ਵੀ ਟੁੱਕ ਦਿਤੀ ਹੈ ਧਾਮੀ ਸਾਹਿਬ ਦੀ।
ਦੋਸ਼ੀ ਕਰਾਰ ਦਿਤੇ ਗਏ ਸਿਆਸਤਦਾਨਾਂ ‘ਤੇ ਉਮਰ ਭਰ ਦੀ ਪਾਬੰਦੀ ਲਗਾਉਣ ਦਾ ਅਧਿਕਾਰ ਕੇਵਲ ਸੰਸਦ ਕੋਲ- ਕੇਂਦਰ ਸਰਕਾਰ
ਓ ਭਾਈ! ਇਨ੍ਹਾਂ ‘ਭੱਦਰ ਪੁਰਸ਼ਾਂ’ ਦੇ ਸਿਰ ‘ਤੇ ਤਾਂ ਸਰਕਾਰਾਂ ਚਲਦੀਆਂ।
ਕੇਂਦਰ ਦਾ ਖੇਤੀ ਮੰਡੀਕਰਣ ਨੀਤੀ ਦਾ ਖਰੜਾ ਪੰਜਾਬ ਵਿਧਾਨ ਸਭਾ ਨੇ ਸਰਬਸੰਮਤੀ ਨਾਲ ਕੀਤਾ ਰੱਦ- ਇਕ ਖ਼ਬਰ
ਤੇਰੇ ਖੁਸ਼ਕ ਮੱਕੀ ਦੇ ਦਾਣੇ, ਮਿੱਤਰਾਂ ਨੇ ਨਹੀਓਂ ਚੱਬਣੇ।
ਟਰੰਪ ਪ੍ਰਸ਼ਾਸਨ ਨੇ ਯੂ.ਐਸ.ਏਡ ਦੇ ਮੁਲਾਜ਼ਮਾਂ ਨੂੰ ਛੁੱਟੀ ‘ਤੇ ਭੇਜਿਆ- ਇਕ ਖ਼ਬਰ
ਡਿਗੀ ਖੋਤੇ ਤੋਂ ਗੁੱਸਾ ਘੁਮਿਆਰ ‘ਤੇ।  
ਧਾਮੀ ਨੂੰ ਮਨਾਉਣ ਆਏ ਮਜੀਠੀਆ ਨੂੰ ਖਾਲੀ ਹੱਥ ਮੁੜਨਾ ਪਿਆ- ਇਕ ਖ਼ਬਰ
ਬੜੇ ਬੇਆਬਰੂ ਹੋ ਕਰ ਤੇਰੇ ਕੂਚੇ ਸੇ ਹਮ ਨਿਕਲੇ।
ਦੁਨੀਆਂ ਨੂੰ ਚਲਾਉਣ ਲਈ ਸਭ ਤੋਂ ਵਧੀਆ ਹੈ ਸਿੱਖ ਧਰਮ- ਈਲੋਨ ਮਸਕ ਦਾ ਏ.ਆਈ. ਹੈਂਡਲ
ਪੰਥ ਤੇਰੇ ਦੀਆਂ ਗੂੰਜਾਂ ਦਿਨੋ ਦਿਨ ਪੈਣਗੀਆਂ।
ਮਾਣਹਾਨੀ ਕੇਸ ਵਿਚ ਕੰਗਣਾਂ ਨੇ ਜਾਵੇਦ ਅਖ਼ਤਰ ਤੋਂ ‘ਖੇਚਲ’ ਲਈ ਮੰਗੀ ਮੁਆਫ਼ੀ- ਇਕ ਖ਼ਬਰ
ਜੇਠਾ ਵੇ ਮਾਫ਼ ਕਰੀਂ, ਭੁੱਲ ਗਈ ਮੈਂ ਘੁੰਡ ਕੱਢਣਾ।
ਪੰਜਾਬ ਦੇ ਸਕੂਲਾਂ ‘ਚ ਦਸਵੀਂ ਜਮਾਤ ਤਕ ਪੰਜਾਬੀ ਦਾ ਵਿਸ਼ਾ ਹੋਇਆ ਲਾਜ਼ਮੀ-ਇਕ ਖ਼ਬਰ
ਇਹ ਵੀ ਦੇਖਿਆ ਜਾਏਗਾ ਕਿ ਸਰਕਾਰ ਇਸ ‘ਤੇ ਕਿੰਨਾ ਕੁ ਪਹਿਰਾ ਦਿੰਦੀ ਹੈ।
ਕੇਂਦਰੀ ਮੰਡੀਕਰਣ ਨੀਤੀ ਤਾਂ ਰੱਦ ਕਰ ਦਿਤੀ, ਹੁਣ ਆਪਣੀ ਖੇਤੀ ਨੀਤੀ ਲਾਗੂ ਕਰ ਕੇ ਦਿਖਾਉ- ਜਾਖੜ
ਹੁਣ ਤੂੰ ਕਿਧਰ ਗਿਆ, ਜੇਠ ਬੋਲੀਆਂ ਮਾਰੇ।
ਜੇ ਕਰ ਮੈਨੂੰ ਹਟਾਇਆ ਜਾਂਦਾ ਹੈ ਤਾਂ ਮੈਂ ਵੀ ਕੱਪੜੇ ਬੈਗ ‘ਚ ਪਾਏ ਹੋਏ ਹਨ, ਕੋਈ ਪ੍ਰਵਾਹ ਨਹੀਂ- ਜਥੇਦਾਰ ਰਘਬੀਰ ਸਿੰਘ
ਅਸੀਂ ਰੱਖੀਏ ਡਾਂਗ ਉੱਤੇ ਡੇਰਾ, ਪਰਵਾਹ ਨਾਹੀਂ ਟੁੰਡੀਲਾਟ ਦੀ।
‘ਯੁੱਧ ਨਸ਼ਿਆਂ ਵਿਰੁੱਧ’ ਪੰਜਾਬ ਪੁਲਿਸ ਨੇ ਨਸ਼ਿਆਂ ਦੇ ਵਿਰੋਧ ‘ਚ ਕੀਤੀ ਵਿਆਪਕ ਮੁਹਿੰਮ ਸ਼ੁਰੂ-ਇਕ ਖ਼ਬਰ
‘ਮਹਾਰਾਜੇ’ ਦੀ ਮੁਹਿੰਮ ਵਾਂਗ ਇਹ ਵੀ ਛੇਤੀ ਹੀ ਠੁੱਸ ਹੋ ਜਾਣੀ ਐ।
ਦਿੱਲੀ ਦੀ ਮੁੱਖ ਮੰਤਰੀ ਦੇ ਦਫ਼ਤਰ ਦੇ ਬਾਹਰ ‘ਆਪ’ ਵਿਧਾਇਕਾਂ ਨੇ ਕੀਤਾ ਪ੍ਰਦਰਸ਼ਨ- ਇਕ ਖ਼ਬਰ
ਸੱਸ ਪਿੱਟਣੀ ਪੰਜੇਬਾਂ ਪਾ ਕੇ, ਜਾਗ ਚਾਹੇ ਕਰੇ ਨਿੰਦਿਆ।
ਆਲ ਇੰਡੀਆ ਕਿਸਾਨ ਖੇਤ ਮਜ਼ਦੂਰ ਸੰਗਠਨ ਵਲੋਂ ਵੀ ਸੰਘਰਸ਼ ਦਾ ਐਲਾਨ- ਇਕ ਖ਼ਬਰ
ਜੱਗੇ ਮਾਰਿਆ ਪਿੱਛੋਂ ਲਲਕਾਰਾ, ਸੁੱਕਾ ਜਾਵੇ ਨਾ ਵੈਲੀ ਕਰਤਾਰਾ।
ਪਾਕਿਸਤਾਨ ਦੇ ਸਾਬਕਾ ਪ੍ਰਧਾਨ ਮੰਤਰੀ ਇਮਰਾਨ ਖ਼ਾਨ ਨੇ ਕੌਮਾਂਤਰੀ ਭਾਈਚਾਰੇ ਤੋਂ ਮਦਦ ਮੰਗੀ- ਇਕ ਖ਼ਬਰ
ਪਾਕ ਰੱਬ ਤੇ ਪੀਰ ਦੀ ਮੇਹਰ ਬਾਝੋਂ, ਕੌਣ ਕੱਟੇ ਮੁਸੀਬਤਾਂ ਭਾਰੀਆਂ ਜੀ।
----------------------------------------------------------------------------------------------------

24.02.2025

ਸਿੱਖ ਕਤਲੇ-ਆਮ: ਸਰਕਾਰੀ ਵਕੀਲ ਨੇ ਸੱਜਣ ਕੁਮਾਰ ਨੂੰ ਮੌਤ ਦੀ ਸਜ਼ਾ ਦੇਣ ਦੀ ਮੰਗ ਕੀਤੀ।

ਸਲਵਾਨ ਜਲਾਦਾਂ ਨੂੰ ਆਖਦਾ, ਕਰ ਦਿਓ ਪੂਰਨ ਜਲਦ ਹਲਾਲ।

ਐਡਵੋਕੇਟ ਧਾਮੀ ਨੇ ਦਬਾਅ ਹੇਠ ਅਸਤੀਫ਼ਾ ਦਿਤਾ- ਗਿਆਨੀ ਹਰਪ੍ਰੀਤ ਸਿੰਘ

ਅਸੀਂ ਆਣ ਕੇ ਰੁਲ਼ਾਂਗੇ ਵਿਚ ਵਿਹੜੇ, ਸਾਡੀ ਕੋਈ ਨਾ ਲਵੇਗਾ ਸਾਰ ਹੀਰੇ।

ਹੁਣ ਪਤਾ ਲੱਗਿਐ ਕਿ ਅਕਾਲ ਤਖ਼ਤ ਦੇ ਹੁਕਮਨਾਮੇ ਸਿਰਫ਼ ਇਸ ਦੀ ਚਾਰ ਦੀਵਾਰੀ ਤੱਕ ਹੀ ਸੀਮਤ ਹੁੰਦੇ ਨੇ- ਜਥੇਦਾਰ ਰਘਬੀਰ ਸਿੰਘ

ਲੋਕਾਂ ਭਾਣੇ ਇਸ਼ਕ ਸੁਖਾਲਾ. ਇਸ਼ਕ ਨਾ ਛੱਡਦਾ ਫੱਕਾ ਕੁੜੇ।

ਕਿਸਾਨ ਚਿੰਤਾ ਨਾ ਕਰਨ, ਫ਼ਸਲਾਂ ਦੇ ਪੂਰੇ ਮੁੱਲ ਦਿਤੇ ਜਾਣਗੇ- ਸ਼ਿਵਰਾਜ ਚੌਹਾਨ

ਤੇਰਾ ਲਾਰਾ ਵੇ ਸ਼ਰਾਬੀਆਂ ਦੀ ਗੱਪ ਵਰਗਾ।

ਕੈਨੇਡਾ ‘ਚ ਰੂਬੀ ਢੱਲਾ ਲਿਬਰਲ ਪਾਰਟੀ ਦੀ ਲੀਡਰਸ਼ਿੱਪ ਤੋਂ ਬਾਹਰ, ਦਿਤੀ ਅਯੋਗ ਕਰਾਰ- ਇਕ ਖ਼ਬਰ

ਬੀਬੀ ਆਵਾਸੀਆਂ ਨੂੰ ਕੱਢਦੀ ਕੱਢਦੀ ਆਪ ਹੀ ਅਯੋਗ ਕਰਾਰ ਹੋ ਗਈ।

ਮੈਂ ਕਿਸੇ ਨੂੰ ਵੀ ਨਹੀਂ ਬਖ਼ਸ਼ਾਂਗਾ, ਭਾਰਤ ਹੋਵੇ ਜਾਂ ਚੀਨ- ਟਰੰਪ

ਯਾਰੀ ਲੱਗੀ ਤੇ ਲਵਾ ‘ਤੇ ਤਖਤੇ, ਟੁੱਟੀ ‘ਤੇ ਚੁਗਾਠ ਪੁੱਟ ਲਈ।

ਹਰਿਆਣਾ ‘ਚ ਕਾਂਗਰਸ ਨੂੰ ਝਟਕਾ: ਚਾਰ ਵੱਡੇ ਆਗੂ ਭਾਜਪਾ ‘ਚ ਸ਼ਾਮਲ- ਇਕ ਖ਼ਬਰ

ਸੂਰਜ ਚੜ੍ਹਦੇ ਨੂੰ ਹੁੰਦੀਆਂ ਸਲਾਮਾਂ, ਡੁੱਬਦੇ ਨੂੰ ਕੌਣ ਪੁੱਛਦਾ।

ਅਹੁਦੇ ਦੀ ਸਹੁੰ ਚੁੱਕਣਗੇ ਨਵੇਂ ਚੁਣੇ ਗਏ ਮੁੱਖ ਚੋਣ ਕਮਿਸ਼ਨਰ ਗਿਆਨੇਸ਼ ਕੁਮਾਰ- ਇਕ ਖ਼ਬਰ

ਸੰਨ 2029 ਤੱਕ ਭਾਜਪਾ ਨੂੰ ਹੁਣ ਮੌਜਾਂ ਹੀ ਮੌਜਾਂ।

ਅਕਾਲ ਤਖ਼ਤ ਦੇ ਜਥੇਦਾਰ ਨੇ ਸੋਧਿਆ ਹੋਇਆ ਨਾਨਕਸ਼ਾਹੀ ਕੈਲੰਡਰ ਜਾਰੀ ਕੀਤਾ- ਇਕ ਖ਼ਬਰ

ਜਥੇਦਾਰ ਜੀ, ਚੰਗਾ ਹੁੰਦਾ ਜੇ ਇਸ ਨੂੰ ਵਿਗਾੜੇ ਹੋਏ ਧੁਮੱਕੜ ਕੈਲੰਡਰ ਦਾ ਨਾਮ ਦਿੰਦੇ।

2027 ਦੀਆਂ ਚੋਣਾਂ ਲਈ ਭਾਜਪਾ ਅਕਾਲੀ ਦਲ ਨਾਲ ਗੱਠਜੋੜ ਨਹੀਂ ਕਰੇਗੀ- ਮਨਜਿੰਦਰ ਸਿਰਸਾ

ਸਿਰਸਾ ਸਾਹਿਬ, ਜਨਾਨੀ ਮਰਦ ਵਿਚ ਕਦੇ ਵੀ ਸੁਲ੍ਹਾ ਹੋ ਸਕਦੀ ਐ।

ਸਰਕਾਰ ਕਿਸਾਨਾਂ ਨਾਲ਼ ਗੱਲਬਾਤ ਕਰ ਰਹੀ ਹੈ ਤੇ ਅੱਗੇ ਵੀ ਕਰਦੀ ਰਹੇਗੀ- ਸ਼ਿਵਰਾਜ ਚੌਹਾਨ

ਗੱਲ ਮੁੱਕੀ ਨਾ ਸੱਜਣ ਨਾਲ ਮੇਰੀ, ਅੱਧੀ ਰਾਤੋਂ ਰਾਤ ਟੱਪ ਗਈ।

ਹੁਣ ਗ਼ੈਰ-ਕਾਨੂੰਨੀ ਢੰਗ ਨਾਲ ਅਮਰੀਕਾ ‘ਚ ਦਾਖ਼ਲ ਹੋਣਾ ਅਸੰਭਵ- ਅਮਰੀਕੀ ਫੌਜੀ ਅਧਿਕਾਰੀ

ਪਿੰਡ ਪਹਿਰੇ ਲੱਗ ਗਏ ਵੇ, ਚੰਦਰਿਆ ਹੁਣ ਨਾ ਮਾਰੀਂ ਗੇੜੇ।

ਪੰਥ ਨੂੰ ਸੰਕਟ ‘ਚੋਂ ਕੱਢਣ ਦੀ ਬਜਾਇ ਧਾਮੀ ਅਸਤੀਫ਼ਾ ਦੇ ਕੇ ਭੱਜੇ- ਸਿੱਖ ਯੂਥ ਫ਼ੈਡਰੇਸ਼ਨ ਭਿੰਡਰਾਵਾਲਾ

ਸਾਨੂੰ ਵਿਚ ਕੰਡਿਆਂ ਦੇ ਛੱਡ ਕੇ, ਆਪ ਕਿੱਕਰ ‘ਤੇ ਚੜ੍ਹ ਗਿਆ ਨੀ।

ਰਾਕੇਸ਼ ਟਿਕੈਤ ਕਿਸਾਨਾਂ ਦਾ ਏਕਾ ਕਰਵਾਉਣ-ਚੜੂਨੀ

ਆਸ਼ਕ ਸੜਦੇ ਧੁੱਪੇ, ਕੁਆਰੀਏ ਛਾਂ ਕਰ ਦੇ।

ਸੀਨੀਅਰ ਅਕਾਲੀ ਆਗੂ ਐਡਵੋਕੇਟ ਧਾਮੀ ਨੂੰ ਮਨਾਉਣ ਲਈ ਉਨ੍ਹਾਂ ਦੇ ਘਰ ਪਹੁੰਚੇ- ਇਕ ਖ਼ਬਰ

ਅੜੀ ਵੇ ਅੜੀ ਨਾ ਕਰ ਬਹੁਤੀ ਤੂੰ ਅੜੀ, ਦੁੱਧ ਪੀ ਲੈ ਬਾਲਮਾਂ, ਵੇ ਮੈਂ ਕਦੋਂ ਦੀ ਖੜ੍ਹੀ।

==================================================================

ਸਿੱਖ ਕਤਲੇ-ਆਮ: ਸਰਕਾਰੀ ਵਕੀਲ ਨੇ ਸੱਜਣ ਕੁਮਾਰ ਨੂੰ ਮੌਤ ਦੀ ਸਜ਼ਾ ਦੇਣ ਦੀ ਮੰਗ ਕੀਤੀ।
ਸਲਵਾਨ ਜਲਾਦਾਂ ਨੂੰ ਆਖਦਾ, ਕਰ ਦਿਓ ਪੂਰਨ ਜਲਦ ਹਲਾਲ।
ਐਡਵੋਕੇਟ ਧਾਮੀ ਨੇ ਦਬਾਅ ਹੇਠ ਅਸਤੀਫ਼ਾ ਦਿਤਾ- ਗਿਆਨੀ ਹਰਪ੍ਰੀਤ ਸਿੰਘ
ਅਸੀਂ ਆਣ ਕੇ ਰੁਲ਼ਾਂਗੇ ਵਿਚ ਵਿਹੜੇ, ਸਾਡੀ ਕੋਈ ਨਾ ਲਵੇਗਾ ਸਾਰ ਹੀਰੇ।
ਹੁਣ ਪਤਾ ਲੱਗਿਐ ਕਿ ਅਕਾਲ ਤਖ਼ਤ ਦੇ ਹੁਕਮਨਾਮੇ ਸਿਰਫ਼ ਇਸ ਦੀ ਚਾਰ ਦੀਵਾਰੀ ਤੱਕ ਹੀ ਸੀਮਤ ਹੁੰਦੇ ਨੇ- ਜਥੇਦਾਰ ਰਘਬੀਰ ਸਿੰਘ
ਲੋਕਾਂ ਭਾਣੇ ਇਸ਼ਕ ਸੁਖਾਲਾ. ਇਸ਼ਕ ਨਾ ਛੱਡਦਾ ਫੱਕਾ ਕੁੜੇ।
ਕਿਸਾਨ ਚਿੰਤਾ ਨਾ ਕਰਨ, ਫ਼ਸਲਾਂ ਦੇ ਪੂਰੇ ਮੁੱਲ ਦਿਤੇ ਜਾਣਗੇ- ਸ਼ਿਵਰਾਜ ਚੌਹਾਨ
ਤੇਰਾ ਲਾਰਾ ਵੇ ਸ਼ਰਾਬੀਆਂ ਦੀ ਗੱਪ ਵਰਗਾ।
ਕੈਨੇਡਾ ‘ਚ ਰੂਬੀ ਢੱਲਾ ਲਿਬਰਲ ਪਾਰਟੀ ਦੀ ਲੀਡਰਸ਼ਿੱਪ ਤੋਂ ਬਾਹਰ, ਦਿਤੀ ਅਯੋਗ ਕਰਾਰ- ਇਕ ਖ਼ਬਰ
ਬੀਬੀ ਆਵਾਸੀਆਂ ਨੂੰ ਕੱਢਦੀ ਕੱਢਦੀ ਆਪ ਹੀ ਅਯੋਗ ਕਰਾਰ ਹੋ ਗਈ।
ਮੈਂ ਕਿਸੇ ਨੂੰ ਵੀ ਨਹੀਂ ਬਖ਼ਸ਼ਾਂਗਾ, ਭਾਰਤ ਹੋਵੇ ਜਾਂ ਚੀਨ- ਟਰੰਪ
ਯਾਰੀ ਲੱਗੀ ਤੇ ਲਵਾ ‘ਤੇ ਤਖਤੇ, ਟੁੱਟੀ ‘ਤੇ ਚੁਗਾਠ ਪੁੱਟ ਲਈ।
ਹਰਿਆਣਾ ‘ਚ ਕਾਂਗਰਸ ਨੂੰ ਝਟਕਾ: ਚਾਰ ਵੱਡੇ ਆਗੂ ਭਾਜਪਾ ‘ਚ ਸ਼ਾਮਲ- ਇਕ ਖ਼ਬਰ
ਸੂਰਜ ਚੜ੍ਹਦੇ ਨੂੰ ਹੁੰਦੀਆਂ ਸਲਾਮਾਂ, ਡੁੱਬਦੇ ਨੂੰ ਕੌਣ ਪੁੱਛਦਾ।
ਅਹੁਦੇ ਦੀ ਸਹੁੰ ਚੁੱਕਣਗੇ ਨਵੇਂ ਚੁਣੇ ਗਏ ਮੁੱਖ ਚੋਣ ਕਮਿਸ਼ਨਰ ਗਿਆਨੇਸ਼ ਕੁਮਾਰ- ਇਕ ਖ਼ਬਰ
ਸੰਨ 2029 ਤੱਕ ਭਾਜਪਾ ਨੂੰ ਹੁਣ ਮੌਜਾਂ ਹੀ ਮੌਜਾਂ।
ਅਕਾਲ ਤਖ਼ਤ ਦੇ ਜਥੇਦਾਰ ਨੇ ਸੋਧਿਆ ਹੋਇਆ ਨਾਨਕਸ਼ਾਹੀ ਕੈਲੰਡਰ ਜਾਰੀ ਕੀਤਾ- ਇਕ ਖ਼ਬਰ
ਜਥੇਦਾਰ ਜੀ, ਚੰਗਾ ਹੁੰਦਾ ਜੇ ਇਸ ਨੂੰ ਵਿਗਾੜੇ ਹੋਏ ਧੁਮੱਕੜ ਕੈਲੰਡਰ ਦਾ ਨਾਮ ਦਿੰਦੇ।
2027 ਦੀਆਂ ਚੋਣਾਂ ਲਈ ਭਾਜਪਾ ਅਕਾਲੀ ਦਲ ਨਾਲ ਗੱਠਜੋੜ ਨਹੀਂ ਕਰੇਗੀ- ਮਨਜਿੰਦਰ ਸਿਰਸਾ
ਸਿਰਸਾ ਸਾਹਿਬ, ਜਨਾਨੀ ਮਰਦ ਵਿਚ ਕਦੇ ਵੀ ਸੁਲ੍ਹਾ ਹੋ ਸਕਦੀ ਐ।
ਸਰਕਾਰ ਕਿਸਾਨਾਂ ਨਾਲ਼ ਗੱਲਬਾਤ ਕਰ ਰਹੀ ਹੈ ਤੇ ਅੱਗੇ ਵੀ ਕਰਦੀ ਰਹੇਗੀ- ਸ਼ਿਵਰਾਜ ਚੌਹਾਨ
ਗੱਲ ਮੁੱਕੀ ਨਾ ਸੱਜਣ ਨਾਲ ਮੇਰੀ, ਅੱਧੀ ਰਾਤੋਂ ਰਾਤ ਟੱਪ ਗਈ।
ਹੁਣ ਗ਼ੈਰ-ਕਾਨੂੰਨੀ ਢੰਗ ਨਾਲ ਅਮਰੀਕਾ ‘ਚ ਦਾਖ਼ਲ ਹੋਣਾ ਅਸੰਭਵ- ਅਮਰੀਕੀ ਫੌਜੀ ਅਧਿਕਾਰੀ
ਪਿੰਡ ਪਹਿਰੇ ਲੱਗ ਗਏ ਵੇ, ਚੰਦਰਿਆ ਹੁਣ ਨਾ ਮਾਰੀਂ ਗੇੜੇ।
ਪੰਥ ਨੂੰ ਸੰਕਟ ‘ਚੋਂ ਕੱਢਣ ਦੀ ਬਜਾਇ ਧਾਮੀ ਅਸਤੀਫ਼ਾ ਦੇ ਕੇ ਭੱਜੇ- ਸਿੱਖ ਯੂਥ ਫ਼ੈਡਰੇਸ਼ਨ ਭਿੰਡਰਾਵਾਲਾ
ਸਾਨੂੰ ਵਿਚ ਕੰਡਿਆਂ ਦੇ ਛੱਡ ਕੇ, ਆਪ ਕਿੱਕਰ ‘ਤੇ ਚੜ੍ਹ ਗਿਆ ਨੀ।
ਰਾਕੇਸ਼ ਟਿਕੈਤ ਕਿਸਾਨਾਂ ਦਾ ਏਕਾ ਕਰਵਾਉਣ-ਚੜੂਨੀ
ਆਸ਼ਕ ਸੜਦੇ ਧੁੱਪੇ, ਕੁਆਰੀਏ ਛਾਂ ਕਰ ਦੇ।
ਸੀਨੀਅਰ ਅਕਾਲੀ ਆਗੂ ਐਡਵੋਕੇਟ ਧਾਮੀ ਨੂੰ ਮਨਾਉਣ ਲਈ ਉਨ੍ਹਾਂ ਦੇ ਘਰ ਪਹੁੰਚੇ- ਇਕ ਖ਼ਬਰ
ਅੜੀ ਵੇ ਅੜੀ ਨਾ ਕਰ ਬਹੁਤੀ ਤੂੰ ਅੜੀ, ਦੁੱਧ ਪੀ ਲੈ ਬਾਲਮਾਂ, ਵੇ ਮੈਂ ਕਦੋਂ ਦੀ ਖੜ੍ਹੀ।

17.02.2025

ਪੰਜਾਬ ਨੂੰ ਇਕ ਮਾਡਲ ਸੂਬਾ ਬਣਾਉਣ ਲਈ ਦਿੱਲੀ ਦੀ ਮੁਹਾਰਤ ਦੀ ਵਰਤੋਂ ਕਰਾਂਗੇ- ਭਗਵੰਤ ਮਾਨ

ਮਾਨ ਸਾਹਿਬ, ਦਿੱਲੀ ਦੇ ਮਹਾਂਰਥੀ ਚੰਡੀਗੜ੍ਹ ‘ਚ ਬੈਠੇ ਪਹਿਲਾਂ ਹੀ ਮਾਡਲ ਸੂਬਾ ਬਣਾ ਰਹੇ ਐ!

ਉੱਤਰ ਪ੍ਰਦੇਸ਼ ਦੀ ‘ਡਬਲ ਇੰਜਣ’ ਸਰਕਾਰ ਕਰ ਰਹੀ ਹੀ ‘ਡਬਲ ਬਲੰਡਰ’ - ਅਖਿਲੇਸ਼ ਯਾਦਬ

ਮੈਂ ਡਿਪਟੀ ਦੀ ਸਾਲ਼ੀ, ਕੈਦ ਕਰਾ ਦਊਂਗੀ।

ਦਿੱਲੀ ਦੀ ਹਾਰ ਤੋਂ ਬਾਅਦ ਮਾਨ ਸਰਕਾਰ ਅੰਦਰ ਹਲਚਲ ਛਿੜੀ- ਰੰਧਾਵਾ

ਨੱਚਾਂ ਮੈਂ ਪਟਿਆਲੇ, ਮੇਰੀ ਧਮਕ ਜਲੰਧਰ ਪੈਂਦੀ।

ਸਿਖਿਆ ‘ਚ ਕਿਸੇ ਨਾਲ ਵੀ ਵਿਤਕਰਾ ਨਾ ਕੀਤਾ ਜਾਵੇ- ਸੁਪਰੀਮ ਕੋਰਟ

ਹੋਰ ਕੁਝ ਵੀ ਨਹੀਂ ਅਸੀਂ ਦੇਣ ਜੋਗੇ, ਮਿੱਟੀ ਗੋਂਗਲੂਆਂ ਦੇ ਉੱਤੋਂ ਝਾੜਦੇ ਹਾਂ।

ਜਾਖੜ ਦੀ ਹਾਲਤ ‘ ਨਾ ਘਰ ਦੇ ਰਹੇ ਨਾ ਘਾਟ ਦੇ’ ਵਾਲ਼ੀ ਹੋ ਗਈ ਹੈ- ਨੀਲ ਗਰਗ

ਨਾ ਖੁਦਾ ਹੀ ਮਿਲਾ, ਨਾ ਵਿਸਾਲੇ-ਸਨਮ, ਨਾ ਇਧਰ ਕੇ ਰਹੇ ਨਾ ਉਧਰ ਕੇ ਰਹੇ।

ਅਡਾਨੀ ਲਈ ਰਾਹਤ: ਟਰੰਪ ਨੇ ਵਿਦੇਸ਼ੀ ਰਿਸ਼ਵਤਖੋਰੀ ਕਾਨੂੰਨ ਨੂੰ ਲਾਗੂ ਕਰਨ ’ਤੇ ਲਗਾਈ ਰੋਕ- ਇਕ ਖ਼ਬਰ

ਲੱਡੂ ਵੰਡਦੀ ਗਲ਼ੀ ਦੇ ਵਿਚੋਂ ਨਿਕਲਾਂ, ਜੇ ਪਹਿਲੀ ਪੇਸ਼ੀ ਯਾਰ ਛੁੱਟ ਜਾਏ।

ਸਾਰੇ ਜਥੇਦਾਰਾਂ ਦੀ ਮੀਟਿੰਗ ਸੱਦ ਕੇ ਗਿਆਨੀ ਰਘਬੀਰ ਸਿੰਘ ਸੁਖਬੀਰ ਬਾਦਲ ਨੂੰ ਪੰਥ ‘ਚੋਂ ਛੇਕਣ- ਦਾਦੂਵਾਲ

ਨਾ ਰਹੇ ਬਾਂਸ, ਨਾ ਵੱਜੇ ਬੰਸਰੀ।

ਸ਼੍ਰੋਮਣੀ ਅਕਾਲੀ ਦਲ ਨੂੰ ‘ਸ਼੍ਰੋਮਣੀ ਭਗੌੜਾ ਦਲ’ ਆਖਣਾ ਵਾਜਬ ਹੋਵੇਗਾ- ਗਿਆਨੀ ਹਰਪ੍ਰੀਤ ਸਿੰਘ

ਮੈਂ ਕੋਈ ਝੂਠ ਬੋਲਿਆ, ਮੈਂ ਕੋਈ ਕੁਫ਼ਰ ਤੋਲਿਆ। ਕੋਈ ਨਾ ਬਈ ਕੋਈ ਨਾ!

ਭਾਜਪਾ ਬਿਹਾਰ ਵਿਧਾਨ ਸਭਾ ਦੀਆਂ ਚੋਣਾਂ ਨਹੀਂ ਜਿੱਤ ਸਕਦੀ- ਲਾਲੂ ਯਾਦਵ ਦਾ ਦਾਅਵਾ

ਪਰੇ ਹਟ ਜਾ ਬਲਦ ਸਿੰਙ ਮਾਰੂ, ਨੀਂ ਸੋਨੇ ਦੇ ਤਵੀਤ ਵਾਲ਼ੀਏ।

ਪਾਕਿਸਤਾਨ ਦੇ ਸਿੱਖਾਂ ਵਲੋਂ ਗਿਆਨੀ ਹਰਪ੍ਰੀਤ ਸਿੰਘ ਦੇ ਹੱਕ ਵਿਚ ਹਾਅ ਦਾ ਨਾਅਰਾ- ਇਕ ਖ਼ਬਰ

ਮੈਨੂੰ ਬਗਲੀ ਸਿਖਾ ਦੇ ਗਲ਼ ਪਾਉਣੀ, ਚੱਲੂੰਗੀ ਤੇਰੇ ਨਾਲ ਜੋਗੀਆ।

ਪਰਵਾਸੀਆਂ ਦੇ ਦੇਸ਼ ਨਿਕਾਲੇ ‘ਤੇ ਪੋਪ ਨੇ ਕੀਤੀ ਟਰੰਪ ਪ੍ਰਸ਼ਾਸਨ ਦੀ ਨਿੰਦਾ- ਇਕ ਖ਼ਬਰ

ਅੰਬਰਸਰੀਆ ਮੁੰਡਿਆ ਵੇ ਕੱਚੀਆਂ ਕਲੀਆਂ ਨਾ ਤੋੜ।

ਮੀਟਿੰਗ ‘ਚ ਤੀਜੀ ਧਿਰ ਦੇ ਸ਼ਾਮਲ ਨਾ ਹੋਣ ਕਰ ਕੇ ਕਿਸਾਨ ਜਥੇਬੰਦੀਆਂ ‘ਚ ਏਕੇ ਦਾ ਫ਼ੈਸਲਾ ਨਾ ਹੋ ਸਕਿਆ- ਇਕ ਖ਼ਬਰ

ਨਾ ਖੇਡਣਾ ਨਾ ਖੇਡਣ ਦੇਣਾ, ਖੁੱਤੀ ਵਿਚ ਅਸੀਂ ਮੂ...ਣਾ।

ਗਿਆਨੀ ਹਰਪ੍ਰੀਤ ਸਿੰਘ ਦੇ ਹੱਕ ‘ਚ ਆਏ ਅਕਾਲ ਤਖ਼ਤ ਦੇ ਜਥੇਦਾਰ ਗਿਆਨੀ ਰਘਬੀਰ ਸਿੰਘ- ਇਕ ਖ਼ਬਰ

ਤੇਰੀ ਆਈ ਮੈਂ ਮਰ ਜਾਂ, ਤੇਰਾ ਵਾਲ਼ ਵੀ ਵਿੰਗਾ ਨਾ ਹੋਵੇ।

ਸ਼੍ਰੋਮਣੀ ਕਮੇਟੀ ਦੇ ਕਈ ਮੈਂਬਰਾਂ ਨੇ ਹੁਣ ਧਾਮੀ ਤੋਂ ਮੰਗਿਆ ਅਸਤੀਫ਼ਾ- ਇਕ ਖ਼ਬਰ

ਚੁੱਕ ਚਰਖ਼ਾ ਪਰ੍ਹਾਂ ਕਰ ਪੀੜ੍ਹੀ, ਛੜਿਆਂ ਨੇ ਬੋਕ ਬੰਨ੍ਹਣਾ।

ਸੁਖਬੀਰ ਬਾਦਲ ਦੀ ਤਾਨਾਸ਼ਾਹੀ ਵਿਰੁੱਧ ਰਣਨੀਤੀ ਉਲੀਕਣ ਦਾ ਸਮਾਂ ਆ ਗਿਐ- ਭਾਈ ਰਾਮ ਸਿੰਘ

ਡਾਂਗ ਮੇਰੀ ਖ਼ੂਨ ਮੰਗਦੀ, ਜੱਟ ਵੜ ਕੇ ਚਰ੍ਹੀ ਵਿਚ ਬ੍ਹੜਕੇ।

=================================================================

10.02.2025

ਦਿੱਲੀ ਵਿਧਾਨ ਸਭਾ ਚੋਣਾਂ ਵਿਚ ਭਾਜਪਾ ਨੇ ਕੇਜਰੀਵਾਲ ਤੇ ਉਹਦੀ ਪਾਰਟੀ ਨੂੰ ਦਿਤਾ ਕਰਾਰਾ ਝਟਕਾ- ਇਕ ਖ਼ਬਰ

ਪਾਣੀ ਡੋਲ੍ਹ ਗਈ ਝਾਂਜਰਾਂ ਵਾਲ਼ੀ, ਕੈਂਠੇ ਵਾਲ਼ਾ ਤਿਲਕ ਗਿਆ।

ਨਾਜਾਇਜ਼ ਮਾਈਨਿੰਗ ਰੋਕਣ ‘ਚ ‘ਆਪ’ ਸਰਕਾਰ ਰਹੀ ਨਾਕਾਮ- ਪਰਤਾਪ ਸਿੰਘ ਬਾਜਵਾ

ਬਾਜਵਾ ਸਾਹਿਬ, ਤੁਹਾਡੇ ਰਾਜ ਵੇਲੇ ਕਿੰਨੀ ਕੁ ਬੰਦ ਹੋ ਗਈ ਸੀ!

ਅਕਾਲ ਤਖ਼ਤ ਵਲੋਂ ਬਣਾਈ ਸੱਤ ਮੈਂਬਰੀ ਕਮੇਟੀ ਦੀ ਮੀਟਿੰਗ ਸੁਖਾਵੇਂ ਮਾਹੌਲ ‘ਚ ਹੋਈ- ਧਾਮੀ

ਜਦ ਏਜੰਡਾ ਹੀ ਕੋਈ ਨਹੀਂ ਸੀ ਤਾਂ ਮੀਟਿੰਗ ਸੁਖਾਵੇਂ ਮਾਹੌਲ ਵਿਚ ਹੀ ਹੋਣੀ ਸੀ। 

ਟਰੰਪ ਵਲੋਂ ਅਮਰੀਕਾ ਨੂੰ ਟੈਰਿਫ਼ ਦੀ ਧਮਕੀ ਤੋਂ ਬਾਅਦ ਟਰੂਡੋ ਨੇ ਕਿਹਾ ਕਿ ਅਮਰੀਕਾ ਵੀ ਤਿਆਰ ਰਹੇ।

ਗੱਲ ਸੋਚ ਕੇ ਕਰੀਂ ਠਾਣੇਦਾਰਾ, ਅਸਾਂ ਨਹੀਂ ਕਨੌੜ ਝੱਲਣੀ।

ਹਰਿਆਣਾ ਕਮੇਟੀ ਦੀ ਪੰਥਕ ਏਕਤਾ ‘ਚ ਤਰੇੜ ਹੋਰ ਡੂੰਘੀ ਹੋਈ- ਇਕ ਖ਼ਬਰ

ਸ਼ਾਬਾਸ਼ ਸਿੱਖੋ! ਦੇਖਿਉ ਤਰੇੜਾਂ ਮਿਟ ਨਾ ਜਾਣ ਕਿਤੇ, ਦੱਬੀ ਚਲੋ ਕਿੱਲੀ।

ਰਾਹੁਲ ਗਾਂਧੀ ਨੇ ਮਹਾਰਾਸ਼ਟਰ ਦੀਆਂ ਚੋਣਾਂ ‘ਚ ਬੇਨਿਯਮੀਆਂ ਦਾ ਦੋਸ਼ ਲਗਾਇਆ- ਇਕ ਖ਼ਬਰ

ਕਾਰਵਾਂ ਗੁਜ਼ਰ ਗਿਆ, ਗ਼ੁਬਾਰ ਦੇਖਤੇ ਰਹੇ।

ਮੋਦੀ ਸਰਕਾਰ ਹਰ ਮੁੱਦੇ ‘ਤੇ ਧਿਆਨ ਦੇ ਰਹੀ ਹੈ- ਰਵਨੀਤ ਬਿੱਟੂ

ਬਿੱਟੂ ਸਾਹਿਬ ਇਸ ਵਿਚ ਕੋਈ ਸ਼ੱਕ ਐ!

7,113 ਕਰੋੜ ਰੁਪਏ ਨਾਲ਼ ਭਾਜਪਾ ਦੇਸ਼ ਦੀ ਸਭ ਤੋਂ ਅਮੀਰ ਪਾਰਟੀ ਬਣੀ- ਇਕ ਖ਼ਬਰ

ਮੇਰੀ ਕੱਤਣੀ ਨਸੀਬਾਂ ਵਾਲ਼ੀ, ਭਰੀ ਰਹੇ ਲੱਡੂਆਂ ਦੀ।

ਪੰਜਾਬ ‘ਚ 856 ਸੀਨੀਅਰ ਸਰਕਾਰੀ ਸੈਕੰਡਰੀ ਸਕੂਲ ਪ੍ਰਿੰਸੀਪਲਾਂ ਤੋਂ ਬਿਨਾਂ ਚਲ ਰਹੇ ਹਨ- ਇਕ ਖ਼ਬਰ

ਭੋਲਿਓ, ਅੱਜ ਏ.ਆਈ. ਦਾ ਯੁਗ ਹੈ, ਪ੍ਰਿੰਸੀਪਲਾਂ ਦੀ ਕੀ ਲੋੜ ਐ? ਨਾਲ਼ੇ ਦਿੱਲੀ ਦੇ ਖ਼ਰਚੇ ਵੀ ਕੱਢਣੇ ਨੇ।

ਫੋਰਬਸ ਨੇ ਭਾਰਤ ਨੂੰ ਪਹਿਲੇ ਦਸ ਸ਼ਕਤੀਸ਼ਾਲੀ ਦੇਸ਼ਾਂ ਦੀ ਸੂਚੀ ‘ਚੋਂ ਕੀਤਾ ਬਾਹਰ- ਇਕ ਖ਼ਬਰ

ਕਿਹੜੇ ਯਾਰ ਦਾ ਗੁਤਾਵਾ ਕੀਤਾ, ਅੱਖ ਵਿਚ ਕੱਖ ਪੈ ਗਿਆ।

ਸ਼ੇਖ਼ ਹਸੀਨਾ ਦੀਆਂ ਗਤੀਵਿਧੀਆਂ ਨੂੰ ਲੈ ਕੇ ਬੰਗਲਾਦੇਸ਼ ਨੇ ਭਾਰਤ ਵਿਰੁੱਧ ਰੋਸ ਪ੍ਰਗਟਾਇਆ- ਇਕ ਖ਼ਬਰ

ਅੱਗੇ ਬੀਬੀ ਟੱਪਣੀ, ਪਿੱਛੇ ਢੋਲਾਂ ਦੀ ਘੜਮੱਸ।

ਅਮਰੀਕਾ ਤੋਂ ਸਿਆਣੀ ਗੱਲਬਾਤ ਦੀ ਕੋਈ ਆਸ ਨਹੀਂ- ਈਰਾਨ

ਲੱਸੀ ਲੈਣ ਦੇ ਬਹਾਨੇ ਆਉਂਦੇ, ਛੜਿਆਂ ਦੀ ਨੀਤ ਬੁਰੀ।

ਅਕਾਲ ਤਖ਼ਤ ਵਲੋਂ ਬਣਾਈ 7 ਮੈਂਬਰੀ ਨਿਗਰਾਨ ਕਮੇਟੀ ਦੀ ਬਾਦਲ ਦਲ ਨੂੰ ਕੋਈ ਪ੍ਰਵਾਹ ਨਹੀਂ- ਇਕ ਖ਼ਬਰ

ਮੂੰਹ ਉਗਲਾਂ ਘੱਤ ਕੇ ਕਹਿਣ ਸਭੇ, ਕਾਰੇ ਕਰਨ ਥੀਂ ਇਹ ਨਾ ਸੰਗਦਾ ਏ।

ਨਵੇਂ ਕੇਂਦਰੀ ਬਜਟ ‘ਚ ਪੰਜਾਬ ਲਈ ਕੋਈ ਉਮੀਦ ਨਹੀਂ-ਪਰਤਾਪ ਸਿੰਘ ਬਾਜਵਾ

ਕਿਤੇ ਕੱਲੀ ਬਹਿ ਕੇ ਸੋਚੀਂ ਨੀਂ, ਅਸੀਂ ਕੀ ਨਹੀਂ ਕੀਤਾ ਤੇਰੇ ਲਈ।

ਦਿੱਲੀ ‘ਚ ਭਾਜਪਾ ਦੀ ਜਿੱਤ ‘ਤੇ ਪੰਜਾਬ ‘ਆਪ’ ਵਿਚ ਖ਼ਾਮੋਸ਼ੀ- ਇਕ ਖ਼ਬਰ

ਨੀ ਐਡਾ ਤੇਰਾ ਕਿਹੜਾ ਦਰਦੀ, ਸੁੱਤੀ ਪਈ ਨੂੰ ਪੱਖੀ ਦੀ ਝੱਲ ਮਾਰੇ।

=======================================================================

03.02.2025

ਟਰੰਪ ਨੇ ਕੌਮਾਂਤਰੀ ਮੰਚ ‘ਤੇ ਕੈਨੇਡਾ ਅਤੇ ਕੈਨੇਡਾ ਵਾਲਿਆਂ ਨੂੰ ਭੰਡਿਆ- ਇਕ ਖ਼ਬਰ

ਨੀਂ ਉਹ ਲੰਬੜਾਂ ਦਾ ਮੁੰਡਾ ਬੋਲੀ ਹੋਰ ਬੋਲਦਾ। 

ਭਾਰਤ ਨੇ ਕੈਨੇਡਾ ਦੀਆਂ ਚੋਣਾਂ ਵਿਚ ਦਖਲ ਦੇਣ ਦੀ ਕੋਸ਼ਿਸ਼ ਕੀਤੀ- ਇਕ ਰਿਪੋਰਟ

ਕਾਟੋ ਦੁੱਧ ਰਿੜਕੇ, ਚੁਗ਼ਲ ਝਾਤੀਆਂ ਮਾਰੇ।

ਦਿੱਲੀ ਚੋਣਾਂ ‘ਚ ਟਿਕਟਾਂ ਨਾ ਮਿਲਣ ‘ਤੇ ‘ਆਪ’ ਦੇ ਅੱਠ ਵਿਧਾਇਕਾਂ ਨੇ ਦਿਤਾ ਅਸਤੀਫਾ- ਇਕ ਖ਼ਬਰ

ਤੇਲੀ ਕਰ ਕੇ ਰੁੱਖਾ ਖਾਈਏ, ਇਹ ਨਹੀਂ ਪੁੱਗਦਾ ਸਾਨੂੰ।

ਅਕਾਲ ਤਖ਼ਤ ਦੇ ਜਥੇਦਾਰ ਨੇ ਸੱਤ ਮੈਂਬਰੀ ਕਮੇਟੀ ਨੂੰ ਕਾਰਜਸ਼ੀਲ ਹੋਣ ਲਈ ਮੁੜ ਦਿਤੇ ਹੁਕਮ- ਇਕ ਖ਼ਬਰ

ਢੀਠਪੁਣੇ ਦੀ ਝੰਡੀ ਹੈ ਕੋਲ ਸਾਡੇ, ਥੁੱਕ ਕੇ ਚੱਟਣ ਦੀ ਸਾਨੂੰ ਕੋਈ ਸ਼ਰਮ ਨਾਹੀਂ।

ਪ੍ਰਧਾਨ ਮੰਤਰੀ ਕਦੇ ਵੀ ਲੋਕਾਂ ਦੇ ਮੁੱਦਿਆਂ ‘ਤੇ ਗੱਲ ਨਹੀਂ ਕਰਦੇ- ਪ੍ਰਿਅੰਕਾ ਗਾਂਧੀ

ਬੀਬੀ, ਇਹ ਵੋਟਤੰਤਰ ਹੈ, ਲੋਕਤੰਤਰ ਦਾ ਭਰਮ ਨਾ ਪਾਲ਼ੋ।

ਕੇਂਦਰੀ ਬਜਟ ਨੇ ਪੰਜਾਬ ਨੂੰ ਬੁਰੀ ਤਰ੍ਹਾਂ ਕੀਤਾ ਨਿਰਾਸ਼- ਹਰਪਾਲ ਸਿੰਘ ਚੀਮਾ

ਖੱਟੀ ਲੱਸੀ ਦੀ ਸੁਲਾਹ ਵੀ ਨਾ ਮਾਰੀ, ਬਾਪੂ ਤੇਰੇ ਕੁੜਮਾਂ ਨੇ।

ਹਰਿਆਣਾ ਸਿੱਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੀ ਪ੍ਰਧਾਨਗੀ ਲਈ ਯਤਨ ਤੇਜ਼- ਇਕ ਖ਼ਬਰ

ਰੁੱਤ ਆਈ ਗਿੱਧੇ ਪਾਉਣ ਦੀ, ਲੱਕ ਲੱਕ ਹੋ ਗਏ ਬਾਜਰੇ।

ਟਰੰਪ ਵਲੋਂ ਭਾਰਤ ਸਮੇਤ ਬ੍ਰਿਕਸ ਦੇਸ਼ਾਂ ਨੂੰ 100% ਟੈਰਿਫ਼ ਦੀ ਧਮਕੀ- ਇਕ ਖ਼ਬਰ

ਕਾਹਨੂੰ ਪਾਲ਼ਿਆ ਕੁਲੱਛਣੀ ਬੋਤਾ, ਚੜ੍ਹਦੀ ਨੂੰ ਵੱਢੇ ਦੰਦੀਆਂ।

ਜੇ ਮੈਂ ਪ੍ਰਧਾਨ ਮੰਤਰੀ ਬਣੀ ਤਾਂ ਕੈਨੇਡਾ ‘ਚੋਂ ਪੰਜ ਲੱਖ ਗ਼ੈਰ-ਕਾਨੂੰਨੀ ਪ੍ਰਵਾਸੀਆਂ ਨੂੰ ਕੱਢਾਂਗੀ- ਰੂਬੀ ਢੱਲਾ

ਮਾਂ ਮਾਂ, ਜੇ ਮੈਂ ਠਾਣੇਦਾਰ ਬਣਿਆ ਪਹਿਲਾਂ ਤੇਰੇ ਪੁੜੇ ਸੇਕੂੰ।

ਸਿੱਖ ਪੰਥ ਦਾ ਸੰਕਟ ਅੱਧ ਵਿਚਕਾਰ ਛੱਡ ਕੇ ਸ੍ਰੀ ਅਕਾਲ ਤਖ਼ਤ ਦੇ ਜਥੇਦਾਰ ਧਰਮ ਪ੍ਰਚਾਰ ਲਈ ਹੋਏ ਵਿਦੇਸ਼ ਰਵਾਨਾ- ਇਕ ਖ਼ਬਰ

ਤੇਰੇ ਲੱਡੂਆਂ ਤੋਂ ਨੀਂਦ ਪਿਆਰੀ, ਸੁੱਤੀ ਨਾ ਜਗਾਈਂ ਮਿੱਤਰਾ।

ਸੌਦਾ ਸਾਧ ਨੂੰ ਮੁੜ ਮਿਲੀ 30 ਦਿਨਾਂ ਦੀ ਪੈਰੋਲ- ਇਕ ਖ਼ਬਰ

ਮਿੱਤਰਾਂ ਦੇ ਫੁਲਕੇ ਨੂੰ, ਨੀਂ ਮੈਂ ਖੰਡ ਦਾ ਪਲੇਥਣ ਲਾਵਾਂ।

ਭਾਜਪਾ ਚੋਣਾਂ ਦਾ ਮਾਹੌਲ ਖ਼ਰਾਬ ਕਰਨ ਦੀ ਕੋਸ਼ਿਸ਼ ਕਰ ਰਹੀ ਹੈ- ਅਮਨ ਅਰੋੜਾ

ਨਾ ਖੇਲ੍ਹਣਾ ਨਾ ਖੇਲ੍ਹਣ ਦੇਣਾ, ਖੁੱਤੀ ਵਿਚ ਅਸੀਂ ਮੂ....ਣਾ।

ਬਾਗ਼ੀ ਅਕਾਲੀ ਧੜੇ ਦੇ ਆਗੂ ਮੁੜ ਅਕਾਲ ਤਖ਼ਤ ‘ਤੇ ਸ਼ਿਕਾਇਤ ਪੱਤਰ ਦੇਣਗੇ- ਇਕ ਖ਼ਬਰ

ਜੇ ਤੂੰ ਭਾਗਭਰੀ ਚੁੱਕ ਲਿਆਵੇਂ, ਮਣ ਘਿਉ ਤੇਰਾ ਬੋਤਿਆ।

ਅਰਬਪਤੀਆਂ ਦੀ ਕਰਜ਼ਾ ਮੁਆਫ਼ੀ ‘ਤੇ ਪਾਬੰਦੀ ਲਗਾਉਣ ਵਾਲਾ ਕਾਨੂੰਨ ਬਣਾਵੇ ਸਰਕਾਰ- ਕੇਜਰੀਵਾਲ

ਨੀ ਐਡਾ ਤੇਰਾ ਕਿਹੜਾ ਦਰਦੀ, ਸੁੱਤੀ ਪਈ ਨੂੰ ਪੱਖੀ ਦੀ ਝੱਲ ਮਾਰੇ।

ਹੁਣ ਹਨੀਪ੍ਰੀਤ ਅਤੇ ਡੇਰਾ ਪ੍ਰਬੰਧਕ ਕਮੇਟੀ ਵਿਚਕਾਰ ਛਿੜਿਆ ਵਿਵਾਦ- ਇਕ ਖ਼ਬਰ

ਕੁੰਢੀਆਂ ਦੇ ਸਿੰਙ ਫ਼ਸ ਗਏ, ਕੋਈ ਨਿਕਲੂ ਵੜੇਵੇਂ ਖਾਣੀ।

==================================================================

27.01.2025

ਟਰੰਪ ਨੇ ਯੂਕਰੇਨ ‘ਚ ਜੰਗ ਖ਼ਤਮ ਕਰਨ ਦਾ ਕੀਤਾ ਵਾਅਦਾ- ਇਕ ਖ਼ਬਰ

ਇਹ ਤਾਂ ਇੰਜ ਹੈ ਜਿਵੇਂ ਸ਼ੇਰ ਕਹੇ ਕਿ ਉਸ ਨੇ ਮਾਸ ਖਾਣਾ ਛੱਡ ਦਿਤਾ ਹੈ।

ਚਾਈਨਾ ਡੋਰ ਬਰਾਮਦ ਹੋਣ ‘ਤੇ ਕਿਸੇ ਨੂੰ ਵੀ ਬਖ਼ਸ਼ਿਆ ਨਹੀਂ ਜਾਵੇਗਾ- ਐਸ.ਐਚ.ਓ.

ਲਿਫ਼ਾਫ਼ਾ ਮੋਟਾ ਹੋਵੇ ਤਾਂ ਸੋਚਿਆ ਜਾ ਸਕਦਾ ਹੈ।

ਪੰਜਾਬ ਸਰਕਾਰ ਵਲੋਂ ਪਾਣੀ ਵਾਲ਼ੀ ਬਸ ਮੁੜ ਚਲਾਉਣ ਦੀ ਤਿਆਰੀ- ਇਕ ਖ਼ਬਰ

ਓਏ ਮਾਨਾ ਨਾ! ਨਾ ਮੇਰੇ ਜ਼ਖ਼ਮਾਂ ‘ਤੇ ਲੂਣ ਭੁੱਕ ਓਏ।

ਰਾਜਸਥਾਨ ‘ਚ ਘੜੇ ਨੂੰ ਹੱਥ ਲਾਉਣ ‘ਤੇ ਦਲਿਤ ਵਿਅਕਤੀ ਦੀ ਕੁਟ-ਮਾਰ- ਇਕ ਖ਼ਬਰ

ਸਭ ਕਾ ਸਾਥ, ਸਭ ਕਾ ਵਿਕਾਸ।

ਭਾਜਪਾ ਆਗੂ ਪ੍ਰਵੇਸ਼ ਵਰਮਾ ਨੇ ਦਿੱਲੀ ‘ਚ ਪੰਜਾਬ ਦੀਆਂ ਗੱਡੀਆਂ ਆਉਣ ‘ਤੇ ਇਤਰਾਜ਼ ਜਤਾਇਆ- ਇਕ ਖ਼ਬਰ

ਗਲੀਆਂ ਹੋ ਜਾਣ ਸੁੰਞੀਆਂ, ਵਿਚ ਮਿਰਜ਼ਾ ਯਾਰ ਫਿਰੇ।

ਜਥੇਦਾਰ ਵਲੋਂ ਹੰਗਾਮੀ ਮੀਟਿੰਗ ਬੁਲਾਉਣ ਮਗਰੋਂ ਅਕਾਲੀ ਦਲ ਬਾਦਲ ਦੀਆਂ ਵਧੀਆਂ ਧੜਕਨਾਂ-ਇਕ ਖ਼ਬਰ

ਮਾਪੇ ਮੈਨੂੰ ਦੁੱਖ ਪੁੱਛਦੇ, ਪਾਣੀ ਮੇਰਿਆਂ ਹੱਡਾਂ ਦਾ ਸੁੱਕਦਾ।

ਟਰੰਪ ਨੇ ਪਹਿਲੇ ਦਿਨ ਹੀ ਲਏ ਕਈ ਸਖ਼ਤ ਫ਼ੈਸਲੇ- ਇਕ ਖ਼ਬਰ

ਯਾਰੀ ਲੱਗੀ ਤੋਂ ਲਵਾ ‘ਤੇ ਤਖ਼ਤੇ, ਟੁੱਟੀ ‘ਤੇ ਚੁਗਾਠ ਪੁੱਟ ਲਈ।

ਭੂੰਦੜ ਨੇ ਮੁਹਾਲੀ ‘ਚ ਆਰੰਭ ਕਰਵਾਈ ਅਕਾਲੀ ਦਲ ਦੀ ਭਰਤੀ ਮੁਹਿੰਮ- ਇਕ ਖ਼ਬਰ

ਜੱਗੇ ਜੱਟ ਦੇ ਕਬੂਤਰ ਚੀਨੇ, ਨਦੀਉਂ ਪਾਰ ਚੁਗਦੇ।

ਸਾਲ 2024 ਵਿਚ ਦੁਨੀਆਂ ਦੇ ਅਰਬਪਤੀਆਂ ਦੀ ਜਾਇਦਾਦ ਤਿੰਨ ਗੁਣਾ ਤੇਜ਼ੀ ਨਾਲ ਵਧੀ- ਆਕਸਫੈਮ

ਰਾਂਝਾ ਕੀਲ ਕੇ ਪਟਾਰੀ ਵਿਚ ਪਾਇਆ, ਹੀਰ ਬੰਗਾਲਣ ਨੇ।

ਜਥੇਦਾਰ ਉਮੈਦਪੁਰੀ ਅਤੇ ਮਨਪ੍ਰੀਤ ਸਿੰਘ ਅਯਾਲੀ ਨੇ ਵਰਕਿੰਗ ਕਮੇਟੀ ਵਲੋਂ ਲਗਾਈ ਡਿਊਟੀ ਸੰਭਾਲਣ ਤੋਂ ਨਾਂਹ- ਇਕ ਖ਼ਬਰ

ਮੈਂ ਕਿੰਜ ਮੁਕਲਾਵੇ ਜਾਵਾਂ, ਮਿੱਤਰਾਂ ਦਾ ਪਿੰਡ ਛੱਡ ਕੇ।

ਹੁਕਮਨਾਮਿਆਂ ਉਪਰੰਤ ਬਾਦਲ ਦਲ ਨੂੰ ਮੀਟਿੰਗਾਂ ਤੇ ਕਾਨਫ਼ਰੰਸਾਂ ਕਰਨ ਦਾ ਕੋਈ ਅਧਿਕਾਰ ਨਹੀਂ-ਇਕਬਾਲ ਸਿੰਘ ਟਿਵਾਣਾ

ਕਾਹਨੂੰ ਮਾਰਦੈਂ ਪਤਲਿਆ ਡਾਕੇ, ਔਖੀ ਹੋ ਜੂ ਕੈਦ ਕੱਟਣੀ।

ਕੇਜਰੀਵਾਲ ‘ਤੇ ਮੁਕੱਦਮਾ ਚਲਾਉਣ ਲਈ ਈ.ਡੀ. ਨੂੰ ਗ੍ਰਹਿ ਮੰਤਰਾਲੇ ਵਲੋਂ ਮਿਲੀ ਮੰਨਜ਼ੂਰੀ- ਇਕ ਖ਼ਬਰ

ਜਿੱਥੇ ਮਰਜ਼ੀ ਨਿਸ਼ਾਨੇ ਲਾ, ਹੁਣ ਤੇਰੇ ਦਿਨ ਬੱਲੀਏ।

ਐਡਵੋਕੇਟ ਖਹਿਰਾ ਨੇ ਅਕਾਲ ਤਖ਼ਤ ਦੇ ਜਥੇਦਾਰ ਨੂੰ ਦੋ ਸਫ਼ਿਆਂ ਦੀ ਚਿੱਠੀ ਰਾਹੀਂ ਕਾਨੂੰਨੀ ਰਾਇ ਦਿਤੀ- ਇਕ ਖ਼ਬਰ

ਖੋਲ੍ਹ ਦਿਤੀਆਂ ਕਾਨੂੰਨ ਦੀਆਂ ਘੁੰਡੀਆਂ ਮੈਂ, ਖੱਟੇ ਕਰੀਂ ਤੂੰ ਇਨ੍ਹਾਂ ਦੇ ਦੰਦ ਮੀਆਂ।

ਭਾਰਤ ਨੂੰ ਬਾਹਰੋਂ ਨਹੀਂ, ਅੰਦਰੋਂ ਖ਼ਤਰਾ ਹੈ- ਫ਼ਾਰੁਕ ਅਬਦੁੱਲਾ

ਭਾਬੀ ਮੈਨੂੰ ਡਰ ਲਗਦਾ, ਬੁਰਛਾ ਦਿਉਰ ਕੁਆਰਾ।

ਬਾਦਲ ਦਲ ਭਜਾਉ, ਹਰਿਆਣਾ ਕਮੇਟੀ ਬਚਾਉ- ਦਾਦੂਵਾਲ

ਕਿਸੇ ਨੇ ਸਹੇ ਨੂੰ ਪੁੱਛਿਆ, “ਸਹਿਆ ਸਹਿਆ ਮਾਸ ਖਾਣੈ? ਸਹਾ ਕਹਿੰਦਾ, “ ਮੈਨੂੰ ਆਪਣਾ ਬਚਾਉਣ ਦਾ ਫ਼ਿਕਰ ਪਿਆ ਹੋਇਐ”

20.01.2025

ਪੰਜਾਬ ‘ਚ ਫ਼ਿਲਮ ਨਾ ਚਲਣ ਦੇਣੀ ਕਲਾ ਅਤੇ ਕਲਾਕਾਰ ਦਾ ਸ਼ੋਸ਼ਣ ਹੈ- ਕੰਗਣਾ ਰਣੌਤ

ਕਾਹਨੂੰ ਬੰਨ੍ਹਦੀ ਐਂ ਛਪੜੀਏ ਦਾਅਵੇ, ਨਾਲ਼ ਦਰਿਆਵਾਂ ਦੇ।

ਅਕਾਲ ਤਖ਼ਤ ਦੇ ਜਥੇਦਾਰ ਦੋ ਦਸੰਬਰ ਦੇ ਫ਼ੈਸਲਿਆਂ ਨੂੰ ਲਾਗੂ ਕਰਵਾਉਣ ਲਈ ਦ੍ਰਿੜ੍ਹ- ਇਕ ਖ਼ਬਰ

ਇਹਦਾ ਜੋਗ ਦਰਗਾਹ ਮੰਨਜ਼ੂਰ ਹੋਇਆ, ਮੱਥਾ ਟੇਕਦਾ ਕੁੱਲ ਜਹਾਨ ਸਾਰਾ।

ਜੀ.ਐੱਸ.ਟੀ. ਇਕੱਠੀ ਕਰਨ ਵਿਚ ਆਮ ਲੋਕਾਂ ਦਾ ਹਿੱਸਾ ਦੋ ਤਿਹਾਈ ਅਤੇ ‘ਚਹੇਤੇ’ ਕਾਰੋਬਾਰੀਆਂ ਦਾ ਸਿਰਫ਼ ਤਿੰਨ ਫ਼ੀਸਦੀ- ਇਕ ਖ਼ਬਰ

ਬਾਣੀਆਂ ਨੇ ਅੱਤ ਚੁੱਕ ਲਈ, ਸਾਰੇ ਜੱਟ ਕਰਜ਼ਾਈ ਕੀਤੇ।

ਐਮ.ਐਸ.ਪੀ. ਦੀ ਕਾਨੂੰਨੀ ਗਰੰਟੀ ਨਾਲ਼ ਪੰਜਾਬ ਦਾ ਨੁਕਸਾਨ ਹੋਵੇਗਾ- ਜਾਖੜ

ਗੰਗਾ ਗਏ ਗੰਗਾ ਰਾਮ, ਜਮਨਾ ਗਏ ਜਮਨਾ ਦਾਸ।

ਕਿਸਾਨ ਅੰਦੋਲਨ ਨੂੰ ਹਾਈਜੈਕ ਕਰਨ ਕਰਨ ਵਾਲਿਆਂ ‘ਚੋਂ ਦਿਲਜੀਤ ਸਭ ਤੋਂ ਅੱਗੇ ਸੀ- ਕੰਗਣਾ ਰਣੌਤ

ਖਸਿਆਨੀ ਬਿੱਲੀ ਖੰਭਾ ਨੋਚੇ।

ਪਿਛਲੇ ਗੁਨਾਹਾਂ ਦਾ ਪਛਤਾਵਾ ਕਰ ਕੇ ਵੀ ਬਾਦਲ ਦਲ ਨੇ ਪੰਥ ਨੂੰ ਧੋਖਾ ਦੇਣ ਦੀ ਆਦਤ ਨਹੀਂ ਛੱਡੀ- ਦਲ ਖ਼ਾਲਸਾ

ਪੂਛ ਕੁੱਤੇ ਦੀ ਕਦੇ ਨਾ ਹੋਏ ਸਿੱਧੀ, ਬਾਰਾਂ ਸਾਲ ਭਾਵੇਂ ਨੌਲ਼ਕੇ ‘ਚ ਪਾਈਏ ਜੀ।

ਸੰਯੁਕਤ ਕਿਸਾਨ ਮੋਰਚੇ ਅਤੇ ਗ਼ੈਰ-ਸਿਅਸੀ ਮੋਰਚੇ ਦਰਮਿਆਨ ਏਕਤਾ ਦੀ ਗੱਲ ਅੱਗੇ ਤੁਰੀ- ਇਕ ਖ਼ਬਰ

ਚੰਨ ਚੜ੍ਹਿਆ ਟਹਿਕਦੇ ਤਾਰੇ, ਇਕ ਮੰਜੇ ਹੋ ਚਲੀਏ।

ਟਰੰਪ ਸਾਹਿਬ ਕੈਨੇਡਾ ਵਿਕਣ ਲਈ ਨਹੀਂ ਹੈ, ਨਾ ਹੁਣ ਤੇ ਨਾ ਅੱਗੇ ਤੋਂ- ਐਨ.ਡੀ.ਪੀ. ਨੇਤਾ ਜਗਮੀਤ ਸਿੰਘ

ਤੇਰੀ ਰੰਨ ਦਾ ਨਾ ਭਰਨਾ ਪਾਣੀ, ਤੇਰੀ ਨਾ ਕਨੌੜ ਝੱਲਣੀ।

ਨਿਰਮਲਾ ਸੀਥਾਰਮਣ ਅਤੇ ਨੱਢਾ ਨੇ ਰਾਹੁਲ ਗਾਂਧੀ ’ਤੇ ਸਿੰਨ੍ਹਿਆਂ ਨਿਸ਼ਾਨਾ- ਇਕ ਖ਼ਬਰ

ਛੜੇ ਹੁੰਦੇ ਨਹੀਂ ਦਿਲਾਂ ਦੇ ਮਾੜੇ, ਛੜੇ ਹੁੰਦੇ ਰੱਬ ਵਰਗੇ।

ਜਸਟਿਨ ਟਰੂਡੋ ਵਲੋਂ ਅਗਲੀਆਂ ਆਮ ਚੋਣਾਂ ‘ਚ ਹਿੱਸਾ ਲੈਣ ਤੋਂ ਇਨਕਾਰ- ਇਕ ਖ਼ਬਰ

ਜਿੰਨਾ ਨ੍ਹਾਤੀ, ਓਨਾ ਹੀ ਪੁੰਨ।

ਮਾਘੀ ਮੇਲੇ ਮੌਕੇ ਅਕਾਲੀ ਕਾਨਫ਼ਰੰਸਾਂ ‘ਚ ਲੀਡਰ ਇਕ ਦੂਜੇ ’ਤੇ ਵਰ੍ਹੇ- ਇਕ ਖ਼ਬਰ

ਕੂੰਡੇ ਟੁੱਟ ਗਏ ਘੋਟਣੇ ਭੱਜ ਗਏ, ਤਕੀਏ ਮਲੰਗ ਲੜ ਪਏ।

ਆਪਣੇ ਵਿਦਾਇਗੀ ਭਾਸ਼ਨ ਵਿਚ ਬਾਇਡਨ ਨੇ ਅਮੀਰਾਂ ਤੋਂ ਲੋਕਤੰਤਰ ਨੂੰ ਖ਼ਤਰੇ ਦੀ ਚਿਤਾਵਨੀ ਦਿਤੀ- ਇਕ ਖ਼ਬਰ

ਡਰਿਓ ਲੋਕੋ ਡਰਿਓ ਵੇ, ਲੰਬੜਾਂ ਦੀ ਸੇਪ ਨਾ ਕਰਿਓ ਵੇ।

ਪੰਜਾਬੀ ਜ਼ੁਬਾਨ ਨੂੰ ਬਿਗਾਨਿਆਂ ਨਾਲੋਂ ਆਪਣਿਆਂ ਤੋਂ ਵਧੇਰੇ ਖ਼ਤਰਾ- ਫ਼ਖ਼ਰ ਜ਼ਮਾਨ

ਇਸ ਘਰ ਕੋ ਆਗ ਲਗ ਗਈ ਘਰ ਕੇ ਚਿਰਾਗ਼ ਸੇ।

ਦੁਕਾਨਦਾਰ ਚੰਗੀ ਕੁਆਲਿਟੀ ਵਾਲਾ ਸ਼ੁੱਧ ਸਾਮਾਨ ਹੀ ਗਾਹਕਾਂ ਨੂੰ ਵੇਚਣ- ਐਸੋਸੀਏਸ਼ਨ ਆਗੂ

ਪਹਿਲਾਂ ਮਿਲਾਵਟੀ ਸਾਮਾਨ ਬਣਾਉਣ ਵਾਲਿਆਂ ਨੂੰ ਤਾਂ ਨੱਥ ਪਾਉ ਭਾਈ!

‘ਮਨ ਕੀ ਬਾਤ’ ‘ਚ ਪ੍ਰਧਾਨ ਮੰਤਰੀ ਨੇ ਚੋਣ ਕਮਿਸ਼ਨ ਦੀ ਕੀਤੀ ਭਰਵੀਂ ਤਾਰੀਫ਼- ਇਕ ਖ਼ਬਰ

ਡੋਰ ਵੱਟ ਕੇ ਗਲ਼ੇ ਦੇ ਵਿਚ ਪਾਵਾਂ, ਮਿੱਤਰਾ ਤਵੀਤ ਬਣ ਜਾ।

========================================================================