ਚੁੰਝਾਂ-ਪ੍ਹੌਂਚੇ - ਨਿਰਮਲ ਸਿੰਘ ਕੰਧਾਲਵੀ
ਪੰਜਾਬ ਦਾ ਨਕਲੀ ਗ਼ਾਲਿਬ ਮਨਪ੍ਰੀਤ ਸਿੰਘ ਬਾਦਲ ਕਿੱਥੇ ਲੁਕਿਆ ਹੋਇਆ ਹੈ?- ਦੀਪਕ ਬਾਲੀ
ਜ਼ਰਾ ਸਾਮਨੇ ਤੋ ਆਉ ਛਲੀਏ, ਛੁਪ ਛੁਪ ਛਲਨੇ ਮੇਂ ਕਿਆ ਰਾਜ਼ ਹੈ।
ਕਾਨ੍ਹਪੁਰ ‘ਚ ਅੰਨ੍ਹਾ ਤਸ਼ੱਦਦ ਵੀ ਸਿੱਖ ਨੇ ਝੱਲਿਆ ਤੇ ਐਫ.ਆਈ.ਆਰ. ਵੀ ਉਸ ਦੇ ਖ਼ਿਲਾਫ਼- ਇਕ ਖ਼ਬਰ
ਅੰਧੇਰ ਨਗਰੀ ਬੇਦਾਦ ਰਾਜਾ, ਟਕੇ ਸਿਰ ਭਾਜੀ ਟਕੇ ਸੇਰ ਖਾਜਾ।
ਪੰਜਾਬ ਕੋਲ ਪਾਣੀ ਦੀ ਇਕ ਬੂੰਦ ਵੀ ਵਾਧੂ ਨਹੀਂ ਕਿਸੇ ਹੋਰ ਸੂਬੇ ਨੂੰ ਦੇਣ ਲਈ- ਜਾਖੜ
ਤੈਨੂੰ ਸ਼ਰਮ ਨਾ ਗੁਆਂਢਣੇ ਆਵੇ, ਨੀਂ ਦਾਲ਼ ਮੰਗੇ ਛੜਿਆਂ ਤੋਂ।
ਈ.ਡੀ. ਨੂੰ ਬਦਲੇ ਦੀ ਭਾਵਨਾ ਨਾਲ਼ ਕੰਮ ਨਹੀਂ ਕਰਨਾ ਚਾਹੀਦਾ- ਸੁਪ੍ਰੀਮ ਕੋਰਟ
ਪੰਚਾਂ ਦਾ ਕਿਹਾ ਸਿਰ ਮੱਥੇ, ਪਰ ਪਰਨਾਲ਼ਾ ਉੱਥੇ ਦਾ ਉੱਥੇ।
ਅਦਾਲਤ ਨੇ ਮਨਪ੍ਰੀਤ ਬਾਦਲ ਦੀ ਅਗਾਊਂ ਜ਼ਮਾਨਤ ਦੀ ਅਰਜ਼ੀ ਕੀਤੀ ਰੱਦ-ਇਕ ਖ਼ਬਰ
ਛੜਿਆਂ ਦੇ ਗਈ ਅੱਗ ਨੂੰ, ਉਹਨਾਂ ਚੱਪਣੀ ਵਗਾਹ ਕੇ ਮਾਰੀ।
ਪੰਜਾਬ ਪੁਲਿਸ ਦੀ ਹੈੱਡ ਕਾਂਸਟੇਬਲ ਨੇ ਜਿੱਤਿਆ ਮਿਸਿਜ਼ ਪੰਜਾਬ ਦਾ ਖ਼ਿਤਾਬ- ਇਕ ਖ਼ਬਰ
ਰੂਪ ਉਹਨੂੰ ਰੱਬ ਨੇ ਦਿਤਾ, ਤੁਰਦੀ ਮੋਰਨੀ ਬਣ ਕੇ।
ਭਗਵੰਤ ਮਾਨ ਨੇ ਵਿਸਥਾਰ ਸਹਿਤ ਕਰਜ਼ੇ ਦਾ ਹਿਸਾਬ ਰਾਜਪਾਲ ਨੂੰ ਦਿਤਾ- ਇਕ ਖ਼ਬਰ
ਮੈਨੂੰ ਲੜ ਸੂਮ ਦੇ ਲਾਇਆ, ਦੁਆਨੀ ਦੁਆਨੀ ਦਾ ਹਿਸਾਬ ਮੰਗਦਾ।
ਭਾਜਪਾ ਨੇ ਰਾਹੁਲ ਨੂੰ ਦੱਸਿਆ ‘ਨਵੇਂ ਯੁਗ ਦਾ ਰਾਵਣ’- ਇਕ ਖ਼ਬਰ
ਰਾਮ ਕੌਨ ਹੈ ਕੌਨ ਹੈ ਰਾਵਣ, ਜੰਨਤਾ ਯੇਹ ਸਭ ਜਾਨਤੀ ਹੈ।
ਠੇਕੇਦਾਰ ਤੋਂ ਕਮਿਸ਼ਨ ਨਾ ਮਿਲਿਆ ਤਾਂ ਭਾਜਪਾ ਵਿਧਾਇਕ ਨੇ ਸੜਕ ਹੀ ਪੁਟਵਾ ਦਿਤੀ- ਇਕ ਖ਼ਬਰ
ਕੈਦ ਕਰਾ ਦਊਂਗੀ, ਮੈਂ ਡਿਪਟੀ ਦੀ ਸਾਲ਼ੀ।
ਮੰਡੀਆਂ ‘ਚ ਧੜਾ ਧੜ ਹੋ ਰਹੀ ਝੋਨੇ ਦੀ ਖ਼ਰੀਦ ਤੋਂ ਕਿਸਾਨ ਹੋਏ ਬਾਗੋ-ਬਾਗ਼- ਇਕ ਖ਼ਬਰ
ਜੱਟ ਸ਼ਾਹਾਂ ਨੂੰ ਖੰਘੂਰੇ ਮਾਰੇ, ਮੰਡੀ ਵਿਚ ਨੋਟ ਗਿਣਦਾ।
ਕੀ ਪੰਜਾਬ ਦੇ ਰਾਇਪੇਰੀਅਨ ਅਧਿਕਾਰਾਂ ਦੀ ਅਣਦੇਖੀ ਸੁਪ੍ਰੀਮ ਕੋਰਟ ਵੀ ਕਰੇਗੀ?- ਇਕ ਸਵਾਲ
ਪੰਜਾਬ ਸਿਆਂ ਤੈਨੂੰ ਘੇਰ ਲਿਐ, ਏਥੇ ਕੋਈ ਨਹੀਂ ਤੇਰਾ ਦਰਦੀ।
ਪਵਾਰ ਨੇ ਖੜਗੇ ਅਤੇ ਰਾਹੁਲ ਨਾਲ਼ ਕੀਤੀ ਮੁਲਾਕਾਤ- ਇਕ ਖ਼ਬਰ
ਛੜੇ ਬੈਠ ਕੇ ਸਲਾਹਾਂ ਕਰਦੇ, ‘ ਡੱਡੂਆਂ ’ ਨੂੰ ਕਿਵੇਂ ਸਾਂਭਣਾਂ।
ਅਮਰੀਕਾ ਦੇ ਕਨੈਕਟੀਕਟ ਸੂਬੇ ‘ਚ ਵਿਦਿਆਰਥੀਆਂ ਨੂੰ ਪੜ੍ਹਾਇਆ ਜਾਵੇਗਾ ਸਿੱਖ ਇਤਿਹਾਸ- ਇਕ ਖ਼ਬਰ
ਪੰਥ ਤੇਰੇ ਦੀਆਂ ਗੂੰਜਾਂ ਦਿਨੋ ਦਿਨ ਪੈਣਗੀਆਂ।
ਭਾਰਤ ਦੀ ਸੰਸਦ ਦੇ 33 ਮੈਂਬਰਾਂ ਵਿਰੁੱਧ ਦਰਜ ਹਨ ਨਫ਼ਰਤੀ ਭਾਸ਼ਨ ਦੇਣ ਦੇ ਮਾਮਲੇ- ਏ.ਡੀ.ਆਰ.
ਮੂੰਹ ਉਂਗਲਾਂ ਘੱਤ ਕੇ ਕਹਿਣ ਸਭੇ, ਕਾਰੇ ਕਰਨ ਥੀਂ ਇਹ ਨਾ ਸੰਗਦੇ ਨੇ।
ਚੁੰਝਾਂ-ਪ੍ਹੌਂਚੇ - ਨਿਰਮਲ ਸਿੰਘ ਕੰਧਾਲਵੀ
ਨੂਹ ਦੀ ਹਿੰਸਾ ਸਰਕਾਰ ਦੀ ਸ਼ਹਿ ‘ਤੇ ਹੋਈ- ਸਾਬਕਾ ਰਾਜਪਾਲ ਸਤਿਆਪਾਲ ਮਲਿਕ
ਪਿੰਡ ‘ਚ ਲੜਾਈਆਂ ਪਾਉਂਦਾ ਨੀ, ਮਰ ਜਾਣਾ ਅਮਲੀ।
ਪੰਥਕ ਵੋਟਾਂ ਬਣਾਉਣ ਲਈ ਹਰਿਆਣਾ ਕਮੇਟੀ ਵਲੋਂ ਸਰਗਰਮੀਆਂ ਤੇਜ਼- ਇਕ ਖ਼ਬਰ
ਮੁੰਡੇ ਮਾਰਦੇ ਪੱਟਾਂ ‘ਤੇ ਥਾਪੀਆਂ ਕਿ ਛਿੰਝ ਵਾਲ਼ਾ ਮੇਲਾ ਆ ਗਿਆ।
ਪੰਜਾਬ ਸਰਕਾਰ ਕੇਂਦਰ ਦੇ ਇਸ਼ਾਰੇ ‘ਤੇ ਸਿੱਖਾਂ ਨੂੰ ਤੰਗ ਪ੍ਰੇਸ਼ਾਨ ਕਰ ਰਹੀ ਹੈ- ਜਸਕਰਨ ਸਿੰਘ, ਖ਼ਾਲਸਾ
ਗਾਲ਼ ਬਿਨਾਂ ਨਾ ਬੋਲੇ, ਚੁੱਕੀ ਹੋਈ ਲੰਬੜਾਂ ਦੀ।
ਪੁੱਤਰ ਨੇ ਬੈਂਕ ਮੁਲਾਜ਼ਮ ਨਾਲ਼ ਮਿਲਕੇ ਆਪਣੀ ਮਾਂ ਨਾਲ਼ ਮਾਰੀ ਦਸ ਕਰੋੜ ਦੀ ਠੱਗੀ –ਇਕ ਰਿਪੋਰਟ
ਚਿੱਟਾ ਹੋ ਗਿਆ ਲਹੂ ਵੇ ਲੋਕੋ, ਚਿੱਟਾ ਹੋ ਗਿਆ ਲਹੂ।
ਤਾਜ਼ਾ ਹਿੰਸਾ ਤੋਂ ਬਾਅਦ ਸ੍ਰੀਨਗਰ ਦੇ ਐੱਸ.ਐੱਸ.ਪੀ ਦਾ ਮਨੀਪੁਰ ਤਬਾਦਲਾ- ਇਕ ਖ਼ਬਰ
ਯਾਰਾਂ ਨੇ ਤਾਂ ਪੱਠੇ ਹੀ ਖਾਣੇ ਆਂ ਬਈ ਸ੍ਰੀਨਗਰ ਨਾ ਸਹੀ ਮਨੀਪੁਰ ਸਹੀ।
‘ਇੰਡੀਆ’ ਗੱਠਜੋੜ ਲਈ ‘ਆਪ’ ਵਚਨਬੱਧ, ਇਸ ਤੋਂ ਵੱਖ ਨਹੀਂ ਹੋਵਾਂਗੇ- ਕੇਜਰੀਵਾਲ
ਲਾਈਆਂ ਤੇ ਤੋੜ ਨਿਭਾਵੀਂ ਵੇ ਬੀਬਾ, ਛੱਡ ਕੇ ਨਾ ਜਾਵੀਂ।
ਨੀਦਰਲੈਂਡ ਦੇ ਸਫ਼ੀਰ ਨੇ ਭਗਵੰਤ ਮਾਨ ਨਾਲ ਕੀਤੀ ਮੁਲਾਕਾਤ- ਇਕ ਖ਼ਬਰ
ਗੁਆਂਢਣੇ ਆ ਜਾ ਨੀ, ਕੱਢ ਜਾ ਛੜਿਆਂ ਦੀ ਧਾਰ।
ਪਲਾਟ ਖ਼ਰੀਦ ਘਪਲਾ: ਮਨਪ੍ਰੀਤ ਬਾਦਲ ਦੇ ਗ੍ਰਿਫ਼ਤਾਰੀ ਵਾਰੰਟ ਜਾਰੀ- ਇਕ ਖ਼ਬਰ
ਲੱਡੂ ਖਾ ਕੇ ਚੁਬਾਰੇ ਵਿਚੋਂ ਨਿਕਲੀ, ਮੱਖੀਆਂ ਨੇ ਪੈੜ ਨੱਪ ਲਈ।
ਪੰਜਾਬ ਦੇ ਲੋਕ ਮਾਨ ਸਰਕਾਰ ਦੇ ਝੂਠੇ ਵਾਅਦਿਆਂ ਤੋਂ ਅੱਕ ਚੁੱਕੇ ਹਨ-ਪਰਮਿੰਦਰ ਸਿੰਘ ਢੀਂਡਸਾ
ਪੂਣੀਆਂ ਮੈਂ ਤਿੰਨ ਕੱਤੀਆਂ, ਟੁੱਟ ਪੈਣੇ ਦਾ ਤੇਰ੍ਹਵਾਂ ਗੇੜਾ।
ਨਵਜੋਤ ਸਿੱਧੂ ਸਿਆਸਤ ਵਿਚ ਇਕਦਮ ਮੁੜ ਸਰਗਰਮ ਹੋਇਆ- ਇਕ ਖ਼ਬਰ
ਬੋਤਾ ਆਵੇ ਮੇਰੇ ਵੀਰ ਦਾ, ਜਿਵੇਂ ਕਾਲ਼ੀਆਂ ਘਟਾਵਾਂ ਵਿਚ ਬਗਲਾ।
ਪੰਜਾਬ ਨੂੰ ਇਨਸਾਫ਼ ਦਿਵਾਉਣ ਲਈ ਸੰਘਰਸ਼ਾਂ ਦੀ ਜ਼ਿੰਮੇਵਾਰੀ ਵੀ ਕਿਸਾਨ ਜਥੇਬੰਦੀਆਂ ਦੇ ਸਿਰ- ਰਾਜੇਵਾਲ
ਇਹਦਾ ਜੋਗ ਦਰਗਾਹ ਮੰਨਜ਼ੂਰ ਹੋਇਆ, ਮੱਥਾ ਟੇਕਦਾ ਕੁੱਲ ਜਹਾਨ ਸਾਰਾ।
ਮਨਪ੍ਰੀਤ ਸਿੰਘ ਬਾਦਲ ਦੇ ਘਰ ਵਿਜੀਲੈਂਸ ਨੇ ਮਾਰਿਆ ਛਾਪਾ- ਇਕ ਖ਼ਬਰ
ਢਿੱਡ ਛਿੱਲ ਲਿਆ ਬੋਸਕੀ ਵਰਗਾ, ਰੋੜਾਂ ਵਾਲ਼ੀ ਕੰਧ ਟੱਪ ਕੇ।
ਬੀ.ਜੇ.ਪੀ. ਨਾਲ਼ ਗੱਠਜੋੜ ਲਈ ਬਾਦਲ ਕਾਹਲ਼ੇ ਪਰ ਉੱਪਰੋਂ ਉੱਪਰੋਂ ਦਿਖਾਉਂਦੇ ਰੋਅਬ- ਇਕ ਖ਼ਬਰ
ਹਰ ਚਰਖੇ ਦੇ ਗੇੜੇ, ਮਾਹੀ ਮੈਂ ਤੈਨੂੰ ਯਾਦ ਕਰਦੀ।
ਸਰਕਾਰ ਨੇ ਨੌਜਵਾਨਾਂ ਦੇ ਸੁਪਨੇ ਤੋੜੇ, ਵਧ ਰਹੇ ਹਨ ਖ਼ੁਦਕੁਸ਼ੀਆਂ ਦੇ ਮਾਮਲੇ- ਕਾਂਗਰਸ
ਛੱਕਾਂ ਪੂਰਦਾ ਨਾ ਅੱਜ ਕਲ ਕੋਈ, ਵੀਰ ਰਹਿ ਗਏ ਮਤਲਬ ਦੇ।
ਵੋਟ ਦੇਣੀ ਹੈ ਤਾਂ ਦਿਉ, ਮਾਲ-ਪਾਣੀ ਬਿਲਕੁਲ ਨਹੀਂ ਮਿਲੇਗਾ- ਕੇਂਦਰੀ ਮੰਤਰੀ ਗਡਕਰੀ
ਸੁੱਚਿਆਂ ਰੁਮਾਲਾਂ ਨੂੰ, ਲਾ ਦੇ ਧੰਨ ਕੁਰੇ ਗੋਟਾ।
ਚੁੰਝਾਂ-ਪ੍ਹੌਂਚੇ - ਨਿਰਮਲ ਸਿੰਘ ਕੰਧਾਲਵੀ
25.09.2023
ਸਿੱਖਾਂ ਦੇ ਕਰੋੜਾਂ ਰੁਪਏ ਨੂੰ ਬੱਚਿਆਂ ਦੀ ਪੜ੍ਹਾਈ ‘ਤੇ ਕਿਉਂ ਨਾ ਖਰਚਿਆ ਜਾਵੇ?-ਗੁਰਦੁਆਰਾ ਨਾਨਕ ਦਰਬਾਰ ਦਿੱਲੀ।
ਜੇ ਸਿੱਖਾਂ ਨੂੰ ਏਨੀ ਅਕਲ ਆ ਜਾਵੇ ਤਾਂ ਕੌਮ ਕਿਤੇ ਦੀ ਕਿਤੇ ਪਹੁੰਚ ਜਾਵੇ।
ਜਾਖੜ ਵਲੋਂ ਐਲਾਨੀ ਭਾਜਪਾ ਦੀ ਨਵੀਂ ਟੀਮ ਵਿਚ ਸਾਬਕਾ ਕਾਂਗਰਸੀਆਂ ਨੂੰ ਮਿਲੇ ਅਹਿਮ ਅਹੁਦੇ- ਇਕ ਖ਼ਬਰ
ਹੁਣ ਇਸ ਨੂੰ ਭਾਜਪਾ ਨਾ ਕਹੋ ਸਗੋਂ ‘ਕਾਂਜਪਾ’ ਕਹੋ ਬਈ।
ਪਾਰਲੀਮੈਂਟ ਵਿਚ ਸਿੱਖ ਕਤਲੇਆਮ ਵਿਰੁੱਧ ਸਰਬਸੰਮਤੀ ਨਾਲ ਨਿਖੇਧੀ ਮਤਾ ਪਾਸ ਕੀਤਾ ਜਾਵੇ- ਹਰਸਿਮਰਤ ਬਾਦਲ
ਜਦੋਂ ਭਾਜਪਾ ਤੇ ਅਕਾਲੀ ਦਲ ਇਕੋ ਥਾਲੀ ’ਚ ਰੋਟੀ ਖਾਂਦੇ ਸੀ, ਉਦੋਂ ਇਸ ਮਤੇ ਦਾ ਚੇਤਾ ਕਿਉਂ ਨਾ ਆਇਆ ਬੀਬੀ?
ਡਰੱਗ ਦਾ ਕਰੋਬਾਰ ਬੰਦ ਕਰਵਾਉਣ ਲਈ ਪੰਜਾਬ ਪੁਲਿਸ ਵਚਨਬੱਧ- ਪੰਜਾਬ ਪੁਲਿਸ ਦਾ ਇਕ ਐਸ.ਪੀ.
ਤੇਰਾ ਲਾਰਾ ਵੇ ਸ਼ਰਾਬੀਆਂ ਦੀ ਗੱਪ ਵਰਗਾ।
ਮਹਿਲਾ ਰਾਖਵਾਂ ਬਿੱਲ ਕਾਂਗਰਸ ਦੇ ਦਿਮਾਗ਼ ਦੀ ਉਪਜ ਸੀ, ਭਾਜਪਾ ਐਵੇਂ ਲਾਹਾ ਲੈ ਰਹੀ ਹੈ- ਬਾਜਵਾ
ਬਾਜੀ ਮਾਰ ਗਏ ਕਮਲ ਫੁੱਲ ਵਾਲ਼ੇ, ਹੱਥ ਨੂੰ ਹਿਲਾਇਆ ਕਿਸੇ ਨਾ।
ਪੰਜਾਬ ਸਰਕਾਰ ਨੇ ਪੇਂਡੂ ਵਿਕਾਸ ਫੰਡ ਲੈਣ ਲਈ ਕੇਂਦਰ ਨੂੰ 6ਵੀਂ ਵਾਰ ਲਿਖੀ ਚਿੱਠੀ- ਇਕ ਖ਼ਬਰ
ਚਿੱਠੀਆਂ ਸਾਹਿਬਾਂ ਜੱਟੀ ਨੇ, ਲਿਖ ਮਿਰਜ਼ੇ ਵਲ ਪਾਈਆਂ।
ਲੋਕਾਂ ਨਾਲ ਸਿੱਧਾ ਰਾਬਤਾ ਬਣਾਉਣ ਲਈ ਮੁੱਖ ਮੰਤਰੀ ਨੇ ਨਵਾਂ ਵਟਸਐਪ ਚੈਨਲ ਸ਼ੁਰੂ ਕੀਤਾ- ਇਕ ਖ਼ਬਰ
ਸਿੱਧੀ ਸੜਕ ਮੁਰੱਬਿਆਂ ਨੂੰ ਆਵੇ, ਇਕ ਗੇੜਾ ਮਾਰ ਹਾਣੀਆਂ।
‘ਰਾਜ ਨਹੀਂ ਸੇਵਾ ਵਾਲਿਆਂ’ ਵਲੋਂ ਚਾੜ੍ਹਿਆ ਕਰਜ਼ਾ ਹੀ ਮੋੜ ਰਹੇ ਹਾਂ- ਭਗਵੰਤ ਮਾਨ
ਲੈ ਗਈ ਕੁੰਜੀਆਂ ਚੁਬਾਰਿਆਂ ਵਾਲ਼ੀ, ਖੈਰ ਕਿੱਥੋਂ ਪਾਵਾਂ ਜੋਗੀਆ।
ਆਪਣਾ ਆਧਾਰ ਵਧਾਉਣ ਲਈ ਹੁਣ ਆਰ.ਐਸ.ਐਸ. ਗ਼ੈਰ-ਹਿੰਦੂ ਸਮੂਹਾਂ ਵਲ ਧਿਆਨ ਕੇਂਦਰਤ ਕਰੇਗੀ- ਇਕ ਖ਼ਬਰ
ਯਾਨੀ ਕਿ ਹੁਣ ਕਲ਼ਾਵੇ ‘ਚ ਲੈ ਕੇ ਇਹਨਾਂ ਦਾ ਗਲ਼ ਘੁੱਟਿਆ ਜਾਵੇਗਾ।
ਸਾਬਕਾ ਵਿਧਾਇਕ ਸਤਕਾਰ ਕੌਰ ਗਹਿਰੀ ਨੇ ਪੰਜ ਸਾਲਾਂ ‘ਚ ਬਣਾਈ ਕਰੋੜਾਂ ਦੀ ਜਾਇਦਾਦ- ਇਕ ਖ਼ਬਰ
ਭਰ ਲਉ ਝੋਲ਼ੀਆਂ ਮਿੱਤਰੋ, ਕਿ ਲੱਡੂਆਂ ਦਾ ਮੀਂਹ ਵਰ੍ਹਦਾ।
ਮੁੱਖ ਮੰਤਰੀ ਜੀ ਪਹਿਲਾਂ ਪੰਜਾਹ ਹਜ਼ਾਰ ਕਰੋੜ ਦੇ ਲਏ ਕਰਜ਼ੇ ਦਾ ਹਿਸਾਬ ਦਿਉ- ਰਾਜਪਾਲ
ਘੱਲਿਆ ਸੀ ਮੈਂ ਮਹੀਂ ਖਰੀਦਣ, ਖਰੀਦ ਲਿਆਇਆ ਝੋਟੇ।
ਤਾਮਿਲਨਾਡੂ ‘ਚ ਅੰਨਾ ਡੀ.ਐਮ. ਕੇ. ਨੇ ਭਾਜਪਾ ਨਾਲੋਂ ਨਾਤਾ ਤੋੜਿਆ-ਇਕ ਖ਼ਬਰ
ਯਾਰੀ ਤੋੜ ਗਏ ਬੱਕਰੀਆਂ ਵਾਲ਼ੇ, ਦੋ ਘੁੱਟ ਦੁੱਧ ਬਦਲੇ।
ਅਬੋਹਰ ਤੋਂ ਸਾਬਕਾ ਭਾਜਪਾ ਵਿਧਾਇਕ ਅਰੁਣ ਨਾਰੰਗ ‘ਆਪ’ ਵਿਚ ਸ਼ਾਮਲ- ਇਕ ਖ਼ਬਰ
ਝਾਂਜਰ ਪਤਲੋ ਦੀ, ਠਾਣੇਦਾਰ ਦੇ ਚੁਬਾਰੇ ਵਿਚ ਖੜਕੇ।
ਪੇਂਡੂ ਵਿਕਾਸ ਫੰਡ ਕੇਂਦਰ ਤੋਂ ਦਿਵਾਉਣ ਲਈ ਭਗਵੰਤ ਮਾਨ ਨੇ ਰਾਜਪਾਲ ਨੂੰ ਚਿੱਠੀ ਲਿਖੀ- ਇਕ ਖ਼ਬਰ
ਤੁਸੀਂ ਕਰੋ ਅਸਾਡੀ ਕਾਰੀ ਜੀ, ਹੁਣ ਹੋ ਗਈ ਮੁਸ਼ਕਿਲ ਭਾਰੀ ਜੀ।
ਬਾਦਲ ਅਕਾਲੀ ਦਲ ਨਾਲ ਭਾਜਪਾ ਗੱਠਜੋੜ ਨਹੀਂ ਕਰੇਗੀ-ਮਨਜਿੰਦਰ ਸਿੰਘ ਸਿਰਸਾ
ਓ ਭਾਈ ਗੱਠਜੋੜ ਤਾਂ ਪਹਿਲਾਂ ਹੀ ਹੈਗਾ, ਤੁਹਾਨੂੰ ਹੀ ਨਹੀਂ ਦਿਸਦਾ।
ਚੁੰਝਾਂ-ਪ੍ਹੌਂਚੇ - ਨਿਰਮਲ ਸਿੰਘ ਕੰਧਾਲਵੀ
17 ਸਤੰਬਰ 2023
ਇੰਡੀਆ ਦਾ ਨਾਮ ਬਦਲ ਕੇ ਭਾਰਤ ਕਰ ਦਿਤਾ ਜਾਵੇਗਾ- ਭਾਜਪਾ ਆਗੂ ਦਲੀਪ ਘੋਸ਼
ਜਿੱਥੇ ਮਰਜ਼ੀ ਨਿਸ਼ਾਨੇ ਲਾ, ਹੁਣ ਤੇਰੇ ਦਿਨ ਬੱਲੀਏ।
ਅਕਾਲੀ ਦਲ ਬਾਦਲ ‘ਚ ਹੇਠਲੇ ਪੱਧਰ ਦੇ ਆਗੂਆਂ ਵਿਚ ਵੀ ਬਗ਼ਾਵਤ ਸ਼ੁਰੂ- ਇਕ ਖ਼ਬਰ
ਭੋਗ ਦੇ ਸ਼ਲੋਕਾਂ ਵੇਲੇ ਸਭ ਨੂੰ ਬੁਲਾ ਲਿਉ ਬਈ।
ਭਗਵੰਤ ਮਾਨ ਨੇ ਪੰਜਾਬੀਆਂ ਨਾਲ ਧੋਖਾ ਕੀਤਾ-ਹਰਸਿਮਰਤ ਬਾਦਲ
ਤੇ ਜਿਹੜੀਆਂ ਜੜ੍ਹਾਂ ਤੁਸੀਂ ਪੰਜਾਬ ਦੀਆਂ ਵੱਢੀਆਂ, ਕੀ ਉਹ ਧੋਖਾ ਨਹੀਂ?
ਭਾਰਤ ਕਿਸਾਨਾਂ ਦੀ ਬਦੌਲਤ ਹੀ ਹੈ- ਉੱਪ ਰਾਸ਼ਟਰਪਤੀ ਧਨਖੜ
ਫੇਰ ਹਰੇਕ ਕਿਸਾਨ ਲੱਖਾਂ ਰੁਪਿਆਂ ਦਾ ਕਰਜ਼ਾਈ ਕਿਉਂ ਹੈ ਜੀ?
ਗੁਜਰਾਤ ਦੇ 900 ਤੋਂ ਵੱਧ ਪ੍ਰਇਮਰੀ ਸਕੂਲਾਂ ਵਿਚ ਸਿਰਫ਼ ਇਕ ਹੀ ਅਧਿਆਪਕ- ਇਕ ਖ਼ਬਰ
ਗੁਜਰਾਤ ਮਾਡਲ ਜ਼ਿੰਦਾਬਾਦ।
‘ਇੰਡੀਆ’ ਗੱਠਜੋੜ ਵਲੋਂ 14 ਐਂਕਰਾਂ ਦੇ ਪ੍ਰੋਗਰਾਮਾਂ ਦਾ ਬਾਈਕਾਟ ਕਰਨ ਦਾ ਐਲਾਨ- ਇਕ ਖ਼ਬਰ
ਜਿਗਰੀ ਯਾਰ ਬਿਨਾਂ, ਕੋਈ ਨਾ ਦਿਲਾਂ ਦਾ ਜਾਨੀ।
ਪੱਛਮੀ ਬੰਗਾਲ ਦੇ ਰਾਜਪਾਲ ਨੇ ਕੇਂਦਰ ਨੂੰ ਗੁਪਤ ਚਿੱਠੀ ਲਿਖੀ, ਮਚਿਆ ਬਵਾਲ- ਇਕ ਖ਼ਬਰ
ਚਿੱਠੀਆਂ ਪ੍ਰੇਮ ਦੀਆਂ, ਸੋਹਣੇ ਯਾਰ ਦਾ ਉੱਤੇ ਸਿਰਨਾਵਾਂ।
‘ਇੰਡੀਆ’ ਨਾਮ ਦਾ ਅੰਗਰੇਜ਼ਾਂ ਨਾਲ ਕੋਈ ਸਬੰਧ ਨਹੀਂ- ਇਤਿਹਾਸਕਾਰ ਇਰਫਾਨ ਹਬੀਬ
ਗੋਰਿਆਂ ਦਾ ਰੌਲ਼ਾ ਕੋਈ ਨਾ, ਚੰਗਾ ਲਗਦਾ ਨਹੀਂ ਭਾਜਪਾ ਨੂੰ ਨਾਂ।
ਕੇਂਦਰ ਸਰਕਾਰ ਸੂਬਿਆਂ ‘ਚ ਚੋਣਾਂ ਮੁਲਤਵੀ ਕਰਨਾ ਚਾਹੁੰਦੀ ਹੈ- ਪ੍ਰਸ਼ਾਂਤ ਭੂਸ਼ਨ
ਆ ਵੇ ਮਾਹੀ ਬਹਿ ਵੇ ਮਾਹੀ, ਦਿਲ ਦਾ ਹਾਲ ਸੁਣਾਵਾਂ।
ਭਾਰਤ ‘ਚ 40 ਫ਼ੀਸਦੀ ਸੰਸਦ ਮੈਂਬਰਾਂ ਵਿਰੁੱਧ ਅਪਰਾਧਕ ਮਾਮਲੇ ਦਰਜ- ਇਕ ਖ਼ਬਰ
ਢਾਬ ਤੇਰੀ ਦਾ ਗੰਧਲਾ ਪਾਣੀ, ਉੱਤੋਂ ਬੂਰ ਹਟਾਵਾਂ।
ਪੰਜਾਬ ਵਿਚ ਕਾਂਗਰਸ ਦਾ ‘ਆਪ’ ਨਾਲ ਗੱਠਜੋੜ ਦਾ ਫ਼ੈਸਲਾ ਹੋ ਚੁੱਕਾ ਹੈ- ਰਵਨੀਤ ਸਿੰਘ ਬਿੱਟੂ
ਅੰਦਰੋ ਅੰਦਰੀ ਲੁਕ ਛਿਪ ਲਾਈਆਂ, ਵੱਜ ਜਾਣੇ ਹੁਣ ਢੋਲ ਨਗਾਰੇ।
‘ਇੰਡੀਆ’ ਤਾਲਮੇਲ ਕਮੇਟੀ ਦੀ ਪਹਿਲੀ ਮੀਟਿੰਗ ਹੋਈ-ਇਕ ਖ਼ਬਰ
ਅੱਡੀ ਮਾਰ ਕੇ ਨੱਚੀ ਜਦ ਬੰਤੋ, ਪਿੰਡ ‘ਚ ਭੁਚਾਲ ਆ ਗਿਆ।
ਹੁਣ ਬਸਪਾ ਅਕਾਲੀ ਦਲ ਤੋਂ ਪੱਲਾ ਛੁਡਾ ਕੇ ਆਪਣੇ ਬਲਬੂਤੇ ਚੋਣ ਲੜੇਗੀ- ਇਕ ਖ਼ਬਰ
ਨੱਚ ਲੈ ਸ਼ਿਆਮ ਕੁਰੇ, ਹੁਣ ਭੋਰ ਬੋਲੀਆਂ ਪਾਵੇ।
ਪਹਿਲਾਂ ਹੀ ਵਧੀਆ ਚਲਦੇ ਸਕੂਲ ਨੂੰ ਸਕੂਲ ਆਫ਼ ਐਮੀਨੈਂਸ ਕਹਿ ਕੇ ਵਾਹਵਾ ਖੱਟ ਰਹੀ ਹੈ ਮਾਨ ਸਰਕਾਰ- ਕੁੰਵਰ ਵਿਜੇ ਪ੍ਰਤਾਪ
ਟੁੱਟ ਪੈਣੇ ਬਚਨੇ ਨੇ, ਕੰਧ ਢਾ ਕੇ ਚੁਬਾਰਾ ਪਾਇਆ।
ਜੇ ਹਿੰਮਤ ਹੈ ਤਾਂ ਭਾਜਪਾ ਦੇਸ਼ ਦਾ ਨਾਮ ਬਦਲ ਕੇ ਵਿਖਾਵੇ- ਕੇਜਰੀਵਾਲ
ਜੇ ਤੂੰ ਚੁੰਘੀਆਂ ਬੂਰੀਆਂ, ਤਾਂ ਵਿਚ ਮੈਦਾਨੇ ਆ।
ਚੁੰਝਾਂ-ਪ੍ਹੌਂਚੇ - ਨਿਰਮਲ ਸਿੰਘ ਕੰਧਾਲਵੀ
11 ਸਤੰਬਰ 2023
ਰਾਜਾ ਵੜਿੰਗ ਨੇ 13 ਸੀਟਾਂ ‘ਤੇ ਚੋਣ ਲੜਨ ਦੀ ਗੱਲ ਦੁਹਰਾਈ- ਇਕ ਖ਼ਬਰ
ਬਹਿਣ ਦੇਣਾ ਨਹੀਂ ਕਿਸੇ ਨੂੰ ਅਸੀਂ ਟਿਕ ਕੇ, ਕਾਨਾ ਟਿੰਡ ਵਿਚ ਪਾਈ ਰੱਖਣਾ।
‘ਆਪ’ ਨਾਲ਼ ਗੱਠਜੋੜ ਪੰਜਾਬ ਕਾਂਗਰਸ ਦੇ ਕਾਡਰ ਦੀਆਂ ਭਾਵਨਾਵਾਂ ਦੇ ਵਿਰੁੱਧ- ਬਾਜਵਾ
ਹੀਰ ਖੇੜਿਆਂ ਨਾਲ਼ ਨਾ ਤੁਰੇ ਮੂਲ਼ੇ, ਸਾਡੀ ਇਹਨਾਂ ਦੇ ਨਾਲ ਖੜਖੱਸ ਹੋਈ।
ਪੰਜਾਬ ਸਰਕਾਰ ਅਤੇ ਸੰਘਰਸ਼ਸ਼ੀਲ ਪਟਵਾਰੀਆਂ ਦਰਮਿਆਨ ਵਧਣ ਲੱਗਾ ਟਕਰਾਅ- ਇਕ ਖ਼ਬਰ
ਜੰਗ ਹਿੰਦ ਪੰਜਾਬ ਦਾ ਹੋਣ ਲੱਗਾ, ਦੋਵੇਂ ਬਾਦਸ਼ਾਹੀ ਫੌਜਾਂ ਭਾਰੀਆਂ ਨੇ।
ਦਿੱਲੀ ਗੁਰਦੁਆਰਾ ਕਮੇਟੀ ਦੇ ਖਾਤੇ ਆਨਲਾਈਨ ਕਿਉਂ ਨਹੀਂ ਕੀਤੇ ਗਏ- ਅਕਾਲੀ ਦਲ ਦਿੱਲੀ
ਵਾਰਸਸ਼ਾਹ ਲੁਕਾਈਏ ਜੱਗ ਕੋਲੋਂ, ਭਾਵੇਂ ਆਪਣਾ ਹੀ ਗੁੜ ਖਾਈਏ ਜੀ।
ਲੜਕੀ ਵਾਲੇ ਉਡੀਕਦੇ ਰਹੇ ਤੇ ਲਾੜਾ ਘੋੜੀ ਚੜ੍ਹਨ ਤੋਂ ਪਹਿਲਾਂ ਹੀ ਫਰਾਰ ਹੋ ਗਿਆ।
ਕਿਸਮਤ ਵਾਲ਼ਾ ਸੀ, ਬਚ ਗਿਆ ਉਮਰ ਕੈਦ ਤੋਂ।
ਪੰਜਾਬ ‘ਚ ਹਰੇਕ ਕਿਸਾਨ ਸਿਰ ਦੋ ਲੱਖ ਪਚਾਨਵੇਂ ਹਜ਼ਾਰ ਦਾ ਕਰਜ਼ਾ- ਇਕ ਖ਼ਬਰ
ਕਮਾਲ ਐ ਯਾਰ ਸਰਕਾਰ ਵਲੋਂ ਕਿਸਾਨਾਂ ਦੀ ਆਮਦਨ ਦੁੱਗਣੀ ਕਰਨ ਦੇ ਬਾਵਜੂਦ ਏਨਾ ਕਰਜ਼ਾ!
ਗਿੱਦੜਬਾਹਾ ਦੇ ਪਿੰਡਾਂ ਦੇ ਵਿਕਾਸ ਕਾਰਜਾਂ ‘ਚ ਘਪਲਾ, 400 ਦੀ ਇਕ ਇੱਟ ਅਤੇ 3500 ਦੀ ਸੀਮਿੰਟ ਦੀ ਬੋਰੀ-ਇਕ ਖ਼ਬਰ
ਧਿਆਨ ਨਾਲ ਦੇਖੋ ਇੱਟਾਂ ਚਾਂਦੀ ਦੀਆਂ ਸਨ ਤੇ ਸੀਮਿੰਟ ਵਿਚ ਸੋਨੇ ਦਾ ਬੁਰਾਦਾ ਪਾਇਆ ਹੋਇਆ ਸੀ।
ਹੁਣ ਮੈਂ ਹਮੇਸ਼ਾ ਭਾਜਪਾ ‘ਚ ਰਹਿਣ ਦਾ ਮਨ ਬਣਾ ਲਿਐ- ਕੈਪਟਨ ਅਮਰਿੰਦਰ ਸਿੰਘ
ਨਵਿਆਂ ਦੇ ਸੰਗ ਲੱਗ ਕੇ, ਭੁੱਲ ਗਈ ਯਾਰ ਪੁਰਾਣੇ।
ਹੁਣ ਰਾਜਸਥਾਨ ‘ਚ ਗਰਜੇ ਕੇਜਰੀਵਾਲ ਤੇ ਭਗਵੰਤ ਮਾਨ, ਕਈ ਗਾਰੰਟੀਆਂ ਐਲਾਨੀਆਂ- ਇਕ ਖ਼ਬਰ
ਰੋਕੜ ਲੱਕ ਬੰਨ੍ਹ ਕੇ, ਛੜੇ ਤੀਵੀਆਂ ਖ਼ਰੀਦਣ ਜਾਂਦੇ।
ਬਾਜਵਾ ਨੇ ਪੰਜਾਬ ਵਿਚ ‘ਆਪ’ ਨਾਲ ਗੱਠਜੋੜ ਦਾ ਮੁੜ ਕੀਤਾ ਵਿਰੋਧ- ਇਕ ਖ਼ਬਰ
ਬੰਤੋ ਦੇ ਬਾਪੂ ਨੇ, ਪੱਗ ਲਾਹ ਕੇ ਸੁਆਹ ਵਿਚ ਮਾਰੀ।
ਹਰਿਆਣਾ ਗੁਰਦੁਆਰਾ ਕਮੇਟੀ ਦੀਆਂ ਚੋਣਾਂ ਲਈ ਜਗਦੀਸ਼ ਸਿੰਘ ਝੀਂਡਾ ਸਰਗਰਮ- ਇਕ ਖ਼ਬਰ
ਚਰਖੇ ਦੀ ਘੂਕ ਸੁਣ ਕੇ, ਜੋਗੀ ਉੱਤਰ ਪਹਾੜੋਂ ਆਇਆ।
ਕਾਂਗਰਸ ‘ਚੋਂ ਆਏ ਆਗੂਆਂ ਦਾ ਭਾਜਪਾ ‘ਚ ਨਹੀਂ ਬੈਠ ਰਿਹਾ ਤਾਲਮੇਲ- ਇਕ ਖ਼ਬਰ
ਢਲ਼ ਗਏ ਜੋਬਨ ਤੋਂ, ਮੁੱਲ ਨਾ ਪਵੇ ਦੁਆਨੀ।
ਪੰਜਾਬ ਵਿਚ ਕਾਂਗਰਸ ਤੇ ‘ਆਪ’ ਪਾਰਟੀ ਦੇ ਗੱਠਜੋੜ ਮੁੱਦੇ ਨੂੰ ਲੈ ਕੇ ਮਚਿਆ ਘਮਸਾਣ- ਇਕ ਖ਼ਬਰ
ਕੂੰਡੇ ਟੁੱਟ ਗਏ ਘੋਟਣੇ ਭੱਜ ਗਏ, ਤਕੀਏ ਮਲੰਗ ਲੜ ਪਏ।
ਪੁਲਿਸ ਗ਼ੈਰਕਾਨੂੰਨੀ ਮਾਈਨਿੰਗ ਕਰਨ ਵਾਲ਼ਿਆਂ ਨਾਲ਼ ਮਿਲੀ ਹੋਈ ਹੈ- ਹਾਈ ਕੋਰਟ
ਕੜਾਹ ਦਾ ਦੇਵੇ ਰੁੱਗ ਭਰ ਕੇ, ਯਾਰੀ ਭਾਈ ਦੇ ਮੁੰਡੇ ਨਾਲ਼ ਲਾਉਣੀ।
ਚੁੰਝਾਂ-ਪ੍ਹੌਂਚੇ - ਨਿਰਮਲ ਸਿੰਘ ਕੰਧਾਲਵੀ
04 ਸਤੰਬਰ 2023
ਘਰੇਲੂ ਰਸੋਈ ਗੈਸ ਸਲੰਡਰ 200 ਰੁਪਏ ਸਸਤਾ ਹੋ ਜਾਵੇਗਾ- ਇਕ ਖ਼ਬਰ
ਯਾਨੀ ਕਿ 24 ਵਾਸਤੇ ਰਿਉੜੀਆਂ ਦੀ ਥੈਲੀ ਹੌਲੀ ਹੌਲੀ ਖੁੱਲ੍ਹਦੀ ਜਾਵੇਗੀ।
ਰਾਜਸਥਾਨ ‘ਚ ਔਰਤ ਨੂੰ ਨਗਨ ਹਾਲਤ ਵਿਚ ਘੁਮਾਉਣ ਦਾ ਮਾਮਲਾ- ਇਕ ਖ਼ਬਰ
ਮਨੀਪੁਰ ਨੂੰ ਕੀ ਰੋਨੀ ਏਂ ਊਤ ਗਿਆ ਈ ਆਵਾ।
ਪੇਸ਼ੀ ਭੁਗਤਣ ਆਏ ਸੁਖਬੀਰ ਦੇ ਵਰਕਰਾਂ ਵਲੋਂ ਕੋਟਕਪੂਰਾ ‘ਚ ਦੋ ਨੌਜਵਾਨਾਂ ਦੀ ਬੁਰੀ ਤਰ੍ਹਾਂ ਕੁੱਟਮਾਰ- ਇਕ ਖ਼ਬਰ
ਡਿਗੀ ਖੋਤੇ ਤੋਂ , ਗੁੱਸਾ ਘੁਮਿਆਰ ਤੇ।
ਸੁਖਬੀਰ ਬਾਦਲ ਸਾਥੀਆਂ ਸਮੇਤ ਜਲੰਧਰ ‘ਚ ਕਿਸਾਨਾਂ ਦੇ ਹੱਕ ਵਿਚ ਧਰਨਾ ਦੇਣਗੇ- ਇਕ ਖ਼ਬਰ
ਗਿਰਗਟਾਂ ਤੋਂ ਬਚ ਕੇ ਰਹੀਓ ਕਿਸਾਨ ਭਰਾਵੋ, ਇਹ ਉਹੀ ਨੇ ਖੇਤੀ ਬਿੱਲਾਂ ਦੇ ਹੱਕ ‘ਚ ਬੋਲਣ ਵਾਲੇ।
ਭਾਜਪਾ ਨਾਲ ਗੱਠਜੋੜ ਕਰਨ ਲਈ ਬਾਦਲ ਦਲ ਤਰਲੋਮੱਛੀ ਹੋ ਰਿਹਾ ਹੈ-ਇਕ ਖ਼ਬਰ
ਮੈਂ ਮਰਦੀ ਜਾਵਾਂ ਵੇ ਸੋਹਣਿਆਂ, ਤੱਤੜੀ ਨੂੰ ਹਿੱਕ ਨਾਲ ਲਾ ਲੈ।
ਬਸਪਾ ਆਪਣੇ ਦਮ ’ਤੇ ਲੋਕ ਸਭਾ ਅਤੇ ਚਾਰ ਸੂਬਿਆਂ ‘ਚ ਵਿਧਾਨ ਸਭਾ ਦੀਆਂ ਚੋਣਾਂ ਲੜੇਗੀ- ਮਾਇਆਵਤੀ
ਘੜਾ ਚੁੱਕ ਲਊਂ ਪੱਟਾਂ ‘ਤੇ ਹੱਥ ਧਰ ਕੇ, ਖ਼ਸਮਾਂ ਨੂੰ ਖਾਣ ਕੁੜੀਆਂ।
ਮੋਦੀ ਜੀ ਨੇ ਕਦੇ ਕੁਰਸੀ ਦੀ ਪਰਵਾਹ ਨਹੀਂ ਕੀਤੀ- ਨੱਢਾ
ਖੁਆਜੇ ਦਾ ਗਵਾਹ ਡੱਡੂ।
ਭਾਜਪਾ ਦਾ ਕੌਮੀ ਸਕੱਤ੍ਰ ਬਣਨ ‘ਤੇ ਸ਼੍ਰੋਮਣੀ ਅਕਾਲੀ ਦਲ (ਦਿੱਲੀ ਸਟੇਟ) ਵਲੋਂ ਮਨਜਿੰਦਰ ਸਿੰਘ ਸਿਰਸਾ ਦਾ ਭਰਪੂਰ ਸੁਆਗਤ- ਇਕ ਖ਼ਬਰ
ਮਿੱਠੇ ਯਾਰ ਦੇ ਬਰੋਬਰ ਬਹਿਕੇ, ਮਿੱਠੇ ਮਿੱਠੇ ਬੇਰ ਚੁਗੀਏ।
ਪ੍ਰਧਾਨ ਮੰਤਰੀ ਦੇਸ਼ ਨੂੰ ਦੱਸਣ ਕਿ ਉਹ ਅਡਾਨੀ ਵਿਰੁੱਧ ਪੜਤਾਲ ਕਿਉਂ ਨਹੀਂ ਕਰਵਾ ਰਹੇ- ਰਾਹੁਲ ਗਾਂਧੀ
ਮੇਰੇ ਯਾਰ ਨੂੰ ਮੰਦਾ ਨਾ ਬੋਲੀਂ, ਮੇਰੀ ਭਾਵੇਂ ਜਿੰਦ ਕੱਢ ਲੈ।
ਬਾਦਲ ਅਕਾਲੀ ਦਲ ਹਰਿਆਣਾ ਗੁਰਦੁਅਰਾ ਪ੍ਰਬੰਧਕ ਕਮੇਟੀ ਦੀਆਂ ਚੋਣਾਂ ਲੜੇਗਾ- ਇਕ ਖ਼ਬਰ
ਯਾਨੀ ਕਿ ਥੁੱਕ ਕੇ ਚੱਟੇਗਾ।
‘ਇੰਡੀਆ’ ਗੱਠਜੋੜ ਨੇ ਅਕਾਲੀ ਦਲ ਨੂੰ ਇਸ ਵਿਚ ਸ਼ਾਮਲ ਹੋਣ ਦਾ ਦਿਤਾ ਸੱਦਾ-ਇਕ ਖਬਰ
ਮੈਨੂੰ ਚੁਟਕੀ ਦੇ ਨਾਲ ਬੁਲਾਉਂਦਾ ਨੀਂ, ਇਕ ਗੱਭਰੂ ਹਾਣ ਦਾ।
ਕੇਂਦਰ ਸਰਕਾਰ ਨੇ ਸੰਸਦ ਦਾ ਵਿਸ਼ੇਸ਼ ਸੈਸ਼ਨ ਬੁਲਾਇਆ- ਇਕ ਖ਼ਬਰ
ਲੱਸੀ ਲੈਣ ਦੇ ਬਹਾਨੇ ਆਉਂਦੇ, ਛੜਿਆਂ ਦੀ ਨੀਅਤ ਬੁਰੀ।
ਲੋਕ ਸਭਾ ਚੋਣਾਂ ਇਕਜੁਟ ਹੋ ਕੇ ਲੜੇਗਾ ‘ਇੰਡੀਆ’ ਗੱਠਜੋੜ- ਇਕ ਖ਼ਬਰ
ਵਾਰਸ ਸ਼ਾਹ ਮੀਆਂ ਚੰਦ ਰੋਜ਼ ਅੰਦਰ, ਖੇੜੇ ਮੇਲ ਕੇ ਜੰਞ ਲੈ ਆਂਵਦੇ ਨੇ।
ਬਾਦਲਕਿਆਂ ਨੇ ‘ਇਕ ਦੇਸ਼ ਇਕ ਚੋਣ’ ਦੀ ਹਮਾਇਤ ਕਰ ਕੇ ਪੰਜਾਬ ਨਾਲ ਇਕ ਹੋਰ ਗ਼ਦਾਰੀ ਕੀਤੀ- ਖਾਲੜਾ ਮਿਸ਼ਨ
ਇਹਨਾਂ ਸੋਹਣਿਆਂ ਮੂੰਹਾਂ ‘ਤੇ ਖ਼ਾਕ ਪੈਣੀ, ਕੁੰਡੇ ਲੱਗਣੇ ਅੰਤ ਹਵੇਲੀਆਂ ਨੂੰ।
ਹਰਿਆਣਾ ਸਿੱਖ ਗੁਰਦੁਆਰਾ ਮੈਨੇਜਮੈਂਟ ਕਮੇਟੀ ਦੇ ਪ੍ਰਧਾਨ ਮਹੰਤ ਕਰਮਜੀਤ ਸਿੰਘ ਨੇ ਦਿਤਾ ਅਸਤੀਫ਼ਾ- ਇਕ ਖ਼ਬਰ
ਕੋਹ ਤੁਰੀ ਨਾ, ਬਾਬਾ ਤ੍ਰਿਹਾਈ।
ਚੁੰਝਾਂ-ਪ੍ਹੌਂਚੇ - ਨਿਰਮਲ ਸਿੰਘ ਕੰਧਾਲਵੀ
28 ਅਗਸਤ 2023
ਜਾਇਜ਼ ਮੰਗਾਂ ਪ੍ਰਤੀ ਸਰਕਾਰ ਦੀ ਕਿਸਾਨਾਂ ‘ਤੇ ਸਖ਼ਤੀ ਅਤਿ ਨਿੰਦਣਯੋਗ- ਬਾਜਵਾ
ਤੁਸੀਂ ਤਾਂ ਜਿਵੇਂ ਕਿਸਾਨਾਂ ‘ਤੇ ਫੁੱਲ ਵਰਸਾਉਂਦੇ ਰਹੇ ਹੋ!
ਸਿੱਖ ਨੌਜਵਾਨ ਨਾਲ ਵਿਆਹ ਕਰਵਾਉਣ ਲਈ ਦੱਖਣੀ ਕੋਰੀਆ ਤੋਂ ਆਈ ਮੁਟਿਆਰ- ਇਕ ਖ਼ਬਰ
ਚੁੱਕ ਚਰਖ਼ਾ ਗਲ਼ੀ ਦੇ ਵਿਚ ਡਾਹੁੰਦੀਆਂ, ਜਿਹਨਾਂ ਨੂੰ ਲੋੜ ਮਿੱਤਰਾਂ ਦੀ।
ਨੌਜਵਾਨ ਬੇਰੁਜ਼ਗਾਰੀ ਦੇ ਸਹੀ ਅੰਕੜੇ ਨਹੀਂ ਦੇ ਰਿਹਾ ਚੀਨ- ਇਕ ਖ਼ਬਰ
ਝੱਗਾ ਚੁੱਕਿਆਂ ਆਪਣਾ ਹੀ ਢਿੱਡ ਨੰਗਾ ਹੁੰਦੈ ਮਿੱਤਰੋ।
ਪੰਜਾਬ ਸਰਕਾਰ ਵਲੋਂ ਕਿਸਾਨਾਂ ‘ਤੇ ਕੀਤੇ ਗਏ ਲਾਠੀਚਾਰਜ ਦੀ ਧਾਮੀ ਵਲੋਂ ਨਿੰਦਾ- ਇਕ ਖ਼ਬਰ
ਜਦੋਂ ਤੁਹਾਡੀ ਟਾਸਕ ਫੋਰਸ ਸ਼ਾਂਤਮਈ ਸੰਗਤਾਂ ‘ਤੇ ਲਾਠੀਆਂ ਵਰ੍ਹਾਉਂਦੀ ਆ, ਉਦੋਂ ਕਿਉਂ ਨਹੀਂ ਨਿੰਦਾ ਕਰਦੇ?
ਮੈਂ ਕਿਸੇ ਵੀ ਸੀਟ ਤੋਂ ਲੋਕ ਸਭਾ ਦੀ ਚੋਣ ਨਹੀਂ ਲੜਾਂਗਾ-ਸੁਨੀਲ ਜਾਖੜ
ਕੌੜਾ ਬਕਬਕਾ ਸਵਾਦ ਹੈ ਜੋਗ ਸੰਦਾ, ਜਿਹੀ ਘੋਟ ਕੇ ਪੀਵਣੀ ਨਿੰਮ ਮੀਆਂ।
ਜੋ ਲੋਕ ਮਹਿੰਗਾ ਪਿਆਜ਼ ਨਹੀਂ ਖ਼ਰੀਦ ਸਕਦੇ ਉਹ ਪਿਆਜ਼ ਨਾ ਖਾਣ- ਭਾਜਪਾ ਮੰਤਰੀ
ਫਰਾਂਸ ਦੀ ਇਕ ਸ਼ਹਿਜ਼ਾਦੀ ਨੇ ਕਿਹਾ ਸੀ ‘ ਜੇ ਲੋਕ ਬਰੈੱਡ ਨਹੀਂ ਖ਼ਰੀਦ ਸਕਦੇ ਤਾਂ ਉਹ ਕੇਕ, ਬਿਸਕੁਟ ਖਾ ਲੈਣ।’
ਮੁੰਬਈ ‘ਚ ਵਿਰੋਧੀ ਗੱਠਜੋੜ ‘ਇੰਡੀਆ’ ਦੀ ਮੀਟਿੰਗ ‘ਚ ਸ਼ਾਮਲ ਹੋਵਾਂਗਾ- ਕੇਜਰੀਵਾਲ
ਮਰਦੀ ਨੇ ਅੱਕ ਚੱਬਿਆ, ਹਾਰ ਕੇ ਜੇਠ ਨਾਲ਼ ਲਾਈਆਂ।
ਨਸ਼ੇ ਦੇ ਕਾਰੋਬਾਰ ‘ਚ ਮਹੱਤਵਪੂਰਨ ਖਿਡਾਰੀ ਹੈ ਪਾਕਿਸਤਾਨ- ਇਕ ਖ਼ਬਰ
ਸਾਰੇ ਪਿੰਡ ‘ਚ ਲੜਾਈਆਂ ਪਾਉਂਦਾ ਨੀਂ, ਮਰ ਜਾਣਾ ਅਮਲੀ।
ਮੈਂ ਅਗਲੀਆਂ ਲੋਕ ਸਭਾ ਚੋਣਾਂ ਨਹੀਂ ਲੜਾਂਗਾ- ਸੰਨੀ ਦਿਓਲ
ਚਲੋ ਚੰਗਾ, ਨਲ਼ਕਾ ਪੁੱਟਣ ਲਈ ਹੋਰ ਸਮਾਂ ਮਿਲ ਜਾਊ ਤੈਨੂੰ।
ਸੰਨੀ ਦਿਓਲ ਦੇ ਬੰਗਲੇ ਦੀ ਨਿਲਾਮੀ ਭੇਦ ਭਰੇ ਢੰਗ ਨਾਲ ਰੁਕੀ- ਇਕ ਖ਼ਬਰ
ਮਿੱਤਰਾਂ ਦੇ ਫੁਲਕੇ ਨੂੰ, ਨੀਂ ਮੈਂ ਖੰਡ ਦਾ ਪਲੇਥਣ ਲਾਵਾਂ।
ਛੱਤੀਸਗੜ੍ਹ, ਝਾਰਖੰਡ ਅਤੇ ਪੱਛਮੀ ਬੰਗਾਲ’ਚ ਈ.ਡੀ. ਦੀ ਛਾਪੇਮਾਰੀ- ਇਕ ਖ਼ਬਰ
ਤੋਰ ਦੇ ਮਾਏਂ ਨੀਂ, ਰਾਂਝਾ ਨਿੱਤ ਪਾਵੇ ਫੇਰੀਆਂ।
ਭਗਵੰਤ ਮਾਨ ਜੀ ਹਰਿਆਣੇ ਦੀ ਚਿੰਤਾ ਛੱਡੋ, ਤੁਸੀਂ ਆਪਣਾ ਰਾਜ ਸੰਭਾਲੋ- ਖੱਟਰ
ਤੁਝੇ ਪਰਾਈ ਕਿਆ ਪੜੀ, ਤੂ ਅਪਨੀ ਨਿਬੇੜ।
ਇਸਰੋ ਦੇ ਵਿਗਿਆਨੀਆਂ ‘ਚ ਕੋਈ ਵੀ ਕਰੋੜਪਤੀ ਨਹੀਂ- ਇਕ ਖ਼ਬਰ
ਬਾਲਣ ਹੱਡੀਆਂ ਦਾ, ਰੋਟੀ ਇਸ਼ਕੇ ਦੀ ਲਾਈ ਹੋਈ ਆ।
ਧਿਆਨ ਸਿੰਘ ਮੰਡ ਨੇ ਭਗਵੰਤ ਮਾਨ ਨੂੰ ਦਿਤਾ ਤਨਖਾਹੀਆ ਕਰਾਰ- ਇਕ ਖ਼ਬਰ
ਢਲ ਗਏ ਜੋਬਨ ਤੋਂ, ਮੁੱਲ ਨਾ ਪਵੇ ਦੁਆਨੀ।
ਜਿੰਨਾ ਚਿਰ ਸ਼੍ਰੋਮਣੀ ਕਮੇਟੀ ਬਾਦਲਾਂ ਦੇ ਹੱਥ ‘ਚ ਹੈ, ਸਿੱਖਾਂ ਦਾ ਕੁਝ ਨਹੀਂ ਸੰਵਰਨਾ- ਸਾਬਕਾ ਜਥੇਦਾਰ ਭਾਈ ਰਣਜੀਤ ਸਿੰਘ
ਡਾਲ ਡੰਗਣੋਂ ਸੱਪ ਨਹੀਂ ਮੂਲ਼ ਜਾਂਦਾ, ਭਾਵੇਂ ਲੱਪ ਵਿਚ ਦੁੱਧ ਪਿਆ ਮੀਆਂ।
ਚੁੰਝਾਂ-ਪ੍ਹੌਂਚੇ - ਨਿਰਮਲ ਸਿੰਘ ਕੰਧਾਲਵੀ
21 ਅਗਸਤ 2023
ਕਰਨਾਟਕ ਸਰਕਾਰ ਚੋਣਾਂ ਤੋਂ ਪਹਿਲਾਂ ਪਹਿਲਾਂ ਡਿਗ ਜਾਵੇਗੀ- ਭਾਜਪਾ ਵਿਧਾਇਕ
ਵਿਧਾਇਕ ਸਾਹਿਬ ਇੰਜ ਕਹੋ ਕਿ ਸਰਕਾਰ ਡੇਗ ਦਿਤੀ ਜਾਏਗੀ।
ਭਾਈਚਾਰੇ, ਦੋਸਤੀ ਦੀ ਭਾਵਨਾ ਨਾਲ ਅੱਗੇ ਵਧਣ ਦੇਸ਼ ਵਾਸੀ- ਰਾਸ਼ਟਰਪਤੀ ਮੁਰਮੂ
ਬੀਬੀ ਤੂੰ ਉਹ ਅਖਾਣ ਨਹੀਂ ਸੁਣਿਆ ਕਿ ਰੰਡੀਆਂ ਤਾਂ ਰੰਡ ਕੱਟਦੀਆਂ ਪਰ ਮੁਸ਼ਟੰਡੇ ਨਹੀਂ ਕੱਟਣ ਦਿੰਦੇ।
ਕਾਂਗਰਸੀਆਂ ਨੂੰ ਅਮਰੂਦ ਕਹਿਣ ‘ਤੇ ਰੰਧਾਵਾ ਨੇ ਬੁਰਾ ਮਨਾਇਆ- ਇਕ ਖ਼ਬਰ
ਗ਼ਲਤ ਗੱਲ ਐ! ਚੀਕੂ ਤੇ ਸੀਤਾ ਫ਼ਲ ਕਹਿ ਲੈਂਦੇ ਤਾਂ ਕੋਈ ਇਤਰਾਜ਼ ਨਹੀਂ ਸੀ।
ਤਾਲਿਬਾਨ ਨੇ ਸਾਰੀਆਂ ਰਾਜਸੀ ਪਾਰਟੀਆਂ ‘ਤੇ ਪਾਬੰਦੀ ਲਗਾਈ- ਇਕ ਖ਼ਬਰ
ਨਾ ਰਹੇ ਬਾਂਸ, ਨਾ ਵੱਜੇ ਬੰਸਰੀ।
ਵਿਧਾਇਕ ਸੰਦੀਪ ਜਾਖੜ ਨੂੰ ਪਾਰਟੀ ਵਿਰੋਧੀ ਕਾਰਵਾਈਆਂ ਕਾਰਨ ਪਾਰਟੀ ‘ਚੋਂ ਕੱਢਿਆ- ਰਾਜਾ ਵੜਿੰਗ
ਚਲੋ, ਹੁਣ ਭਤੀਜੇ ਦੇ ਆਉਣ ਨਾਲ ਚਾਚਾ ਹੋਰ ਮਜਬੂਤ ਹੋਵੇਗਾ।
ਜੋ ਉਪਾਅ ਭਾਰਤ ‘ਚ ਚਲ ਗਿਆ, ਉਹ ਦੁਨੀਆ ‘ਚ ਕਿਤੇ ਵੀ ਚਲ ਸਕਦਾ ਹੈ- ਮੋਦੀ
ਯਾਨੀ ਕਿ ਬੈਂਕਾਂ ਨਾਲ ਫਰਾਡ ਤੁਸੀਂ ਕਿਤੇ ਵੀ ਕਰ ਸਕਦੇ ਹੋ।
ਜ਼ਿਲ੍ਹਾ ਪੁਲਿਸ ਵਲੋਂ ਨਸ਼ਾ ਤਸਕਰਾਂ ‘ਤੇ ਸ਼ਿਕੰਜਾ ਕੱਸਿਆ ਗਿਆ- ਇਕ ਖ਼ਬਰ
ਪਰ ਸ਼ਿਕੰਜੇ ਦਾ ਕੰਟਰੋਲ ਪੁਲਿਸ ਕੋਲ ਹੀ ਰਹੇਗਾ।
ਪੰਜਾਬ ਦਾ ਮੁੱਖ ਮੰਤਰੀ ਭਗਵੰਤ ਮਾਨ ਠੀਕ ਗੱਲ ਨਹੀਂ ਦੱਸਦਾ- ਸੁਖਬੀਰ ਬਾਦਲ
ਤੁਸੀਂ ਕਿੰਨਾ ਕੁ ਸੱਚ ਦੱਸਦੇ ਰਹੇ ਹੋ ਆਪਣੇ ਵੇਲੇ? ਖੇਤੀ ਕਾਨੂੰਨਾਂ ਬਾਰੇ ਅਖ਼ੀਰ ਤੱਕ ਝੂਠ ਬੋਲਦੇ ਰਹੇ ਤੁਸੀਂ।
ਨਿਤੀਸ਼ ਸਰਕਾਰ ਦੇ ਫ਼ੈਸਲੇ ਨੂੰ ਰਾਜਪਾਲ ਨੇ ਪਲਟਿਆ, ਟਕਰਾਅ ਦੇ ਹਾਲਾਤ ਬਣੇ- ਇਕ ਖ਼ਬਰ
ਪਾਣੀ ਡੋਲ੍ਹ ਗਈ ਝਾਂਜਰਾਂ ਵਾਲ਼ੀ, ਕੈਂਠੇ ਵਾਲ਼ਾ ਤਿਲਕ ਪਿਆ।
ਪੰਚਾਇਤ ਅਤੇ ਜਿਲ੍ਹਾ ਪ੍ਰੀਸ਼ਦ ਚੋਣਾਂ ‘ਚ ਕਾਂਗਰਸ ਵੱਡੀ ਜਿੱਤ ਹਾਸਲ ਕਰੇਗੀ –ਬੀਬੀ ਭੱਠਲ
ਸਉਣ ਵਿਚ ਆ ਜਾ ਮਿੱਤਰਾ, ਗੁੜ ਵੰਡਦੀ ਪੀਰ ਦੇ ਜਾਵਾਂ।
ਪੰਜਾਬ ਛੇਤੀ ਹੀ ਨਸ਼ਾ ਅਤੇ ਭ੍ਰਿਸ਼ਟਾਚਾਰ ਮੁਕਤ ਸੂਬਾ ਬਣੇਗਾ- ਮੁੱਖ ਮੰਤਰੀ ਭਗਵੰਤ ਮਾਨ
ਮੇਰੀ ਕੱਚੇ ਘੜੇ ਦੀ ਬੇੜੀ, ਜੇ ਰੱਬ ਪਾਰ ਕਰੇ।
ਰਾਹੁਲ ਗਾਂਧੀ ‘ਤੇ ਝੂਠੇ ਇਲਜ਼ਾਮ ਲਾਉਣ ਵਾਲੀ ਸਮ੍ਰਿਤੀ ਇਰਾਨੀ ਨੂੰ ਬਰਖ਼ਾਸਤ ਕੀਤਾ ਜਾਵੇ- ਤ੍ਰਿਲੋਚਨ ਸਿੰਘ
ਲੱਡੂ ਖਾ ਕੇ ਚੁਬਾਰੇ ਵਿਚੋਂ ਨਿਕਲੀ, ਮੱਖੀਆਂ ਨੇ ਪੈੜ ਨੱਪ ਲਈ।
ਸੰਕਟ ਸਮੇਂ ਪ੍ਰਧਾਨ ਮੰਤਰੀ ਮੋਦੀ ਚੁੱਪ ਧਾਰ ਲੈਂਦੇ ਹਨ- ਕੇਜਰੀਵਾਲ
ਕੁਝ ਬੋਲ ਵੇ ਦਿਲਾਂ ਦੀ ਘੁੰਡੀ ਖੋਲ੍ਹ ਵੇ, ਅੱਧੀ ਰਾਤੋਂ ਰਾਤ ਟੱਪ ਗਈ।
ਦਿੱਲੀ ਗੁਰਦੁਆਰਾ ਕਮੇਟੀ ਸਰਕਾਰੀ ਪਿੱਠੂਆਂ ਦੇ ਕਬਜ਼ੇ ‘ਚ- ਮਨਜੀਤ ਸਿੰਘ ਜੀ.ਕੇ.
ਵਾਰਸ ਸ਼ਾਹ ਅਸਾਂ ਮਾਲੂਮ ਕੀਤਾ, ਜੱਟੀ ਜੋਗੀ ਇਕੋ ਹਾਣ ਦੇ ਨੇ।
ਚੁੰਝਾਂ-ਪ੍ਹੌਂਚੇ - ਨਿਰਮਲ ਸਿੰਘ ਕੰਧਾਲਵੀ
14 ਅਗਸਤ 2023
ਸਾਲ ਦੇ ਪਹਿਲੇ ਚਾਰ ਮਹੀਨਿਆਂ ‘ਚ ਜੀ.ਐੱਸ.ਟੀ. ਵਿਚ 16.5 ਪ੍ਰਤੀਸ਼ਤ ਦਾ ਵਾਧਾ- ਹਰਪਾਲ ਚੀਮਾ
ਤੁਹਾਨੂੰ ਕੀ ਮਿਲਣਾ ਵਿਚੋਂ, ਛਿੱਕੂ? ਬਿਗਾਨੀ ਛਾਹ ‘ਤੇ ਮੁੱਛਾਂ ਮੁਨਾਈ ਜਾਂਦੇ ਹੋ।
‘ਕੁਇੱਟ ਇੰਡੀਆ ਦਿਵਸ’ ਮਨਾਉਣ ਜਾਂਦੇ ਸਮੇਂ ਮੈਨੂੰ ਹਿਰਾਸਤ ‘ਚ ਲਿਆ ਗਿਆ- ਤੁਸ਼ਾਰ ਗਾਂਧੀ
ਤੁਸ਼ਾਰ ਭਾਈ, ਤੁਹਾਡੇ ਨਾਲ ਕੋਈ ਰੌਲ਼ਾ ਨਹੀਂ, ਪੰਗਾ ਤਾਂ ਸ਼ਬਦ ‘ਇੰਡੀਆ’ ਨੇ ਪਾਇਆ ਹੈ।
ਭਾਜਪਾ ਗੱਠਜੋੜ ਸਿਧਾਂਤਾਂ ਦੀ ਸਿਆਸਤ ਕਰਦਾ ਹੈ- ਅਮਿਤ ਸ਼ਾਹ
ਵਾਸ਼ਿੰਗ ਮਸ਼ੀਨ ਦਾ ਸਿਧਾਂਤ।
ਸਾਊਦੀ ਅਰਬ ਦੀ 110 ਸਾਲਾ ਬੇਬੇ ਬਣੀ ਸਕੂਲ ਵਿਦਿਆਰਥਣ- ਇਕ ਖ਼ਬਰ
ਦਿਲ ਹੋਣਾ ਚਾਹੀਦਾ ਏ ਜਵਾਨ, ਉਮਰਾਂ ਕੀ ਰੱਖਿਆ।
ਭਾਰਤੀ ਜੰਨਤਾ ਪਾਰਟੀ ਪੰਜਾਬ ਦੇ ਹਿਤਾਂ ‘ਤੇ ਡਟ ਕੇ ਪਹਿਰਾ ਦੇਵੇਗੀ-ਜਾਖੜ
ਜਾਖੜ ਸਾਬ ਇਹ ਤਾਂ ਸਮਾਂ ਹੀ ਦੱਸੇਗਾ, ਤਾਰਾਂ ਤਾਂ ਕਿਸੇ ਹੋਰ ਥਾਂ ਤੋਂ ਹਿਲਦੀਆਂ।
ਟਮਾਟਰਾਂ ਦੀ ਨਿਗਰਾਨੀ ਲਈ ਕਿਸਾਨ ਨੇ ਖੇਤ ‘ਚ ਸੀ.ਸੀ.ਟੀ.ਵੀ. ਕੈਮਰੇ ਲਾਏ- ਇਕ ਖ਼ਬਰ
ਮਰਦਾ ਕੀ ਨਾ ਕਰਦਾ!
ਸਮ੍ਰਿਤੀ ਇਰਾਨੀ ਨੇ ‘ਫਲਾਈਂਗ ਕਿੱਸ’ ‘ਤੇ ਰਾਹੁਲ ਗਾਂਧੀ ਦੀ ਆਲੋਚਨਾ ਕੀਤੀ- ਇਕ ਖ਼ਬਰ
ਮੈਨੂੰ ਹੀਰੇ ਹੀਰੇ ਆਖੇ, ਹਾਏ ਨੀ ਮੁੰਡਾ ਲੰਬੜਾਂ ਦਾ।
ਸੁਨੀਲ ਜਾਖੜ ਕਾਇਰ ਅਤੇ ਮੌਕਾਪ੍ਰਸਤ ਵਿਅਕਤੀ- ਸੁਖਜਿੰਦਰ ਸਿੰਘ ਰੰਧਾਵਾ
ਟੁੱਟ ਪੈਣੇ ਜੇਠ ਦਾ ਮੁੰਡਾ, ਚੀਰਾ ਬੰਨ੍ਹ ਕੇ ਸਾਹਮਣੇ ਬਹਿੰਦਾ।
ਹਰਸਿਮਰਤ ਬਾਦਲ ਨੇ ਲੋਕ ਸਭਾ ‘ਚ ਸਿੱਖ ਮੁੱਦਿਆਂ ਨੂੰ ਬਾਖ਼ੂਬੀ ਚੁੱਕਿਆ- ਹਨੀ ਫੱਤਣਵਾਲਾ
ਈਦੋਂ ਬਾਅਦ ਤੰਬਾ ਖਰੀਦਿਆ ਤਾਂ ਕਿਹੜਾ ਤੀਰ ਮਾਰਿਆ।
ਅਮਰੀਕਾ ਦੇ ਇਸ਼ਾਰੇ ‘ਤੇ ਡੇਗੀ ਗਈ ਸੀ ਇਮਰਾਨ ਖ਼ਾਨ ਦੀ ਸਰਕਾਰ- ਇਕ ਖ਼ਬਰ
ਤੇਰਾ ਕੱਖ ਨਹੀਂ ਬਚਨੀਏਂ ਰਹਿਣਾ, ਛੜਿਆਂ ਦਾ ਹੱਕ ਮਾਰ ਕੇ।
ਬਰਜਿੰਦਰ ਸਿੰਘ ਹਮਦਰਦ ਤੀਜੀ ਵਾਰ ਵੀ ਵਿਜੀਲੈਂਸ ਸਾਹਮਣੇ ਪੇਸ਼ ਨਹੀਂ ਹੋਏ- ਇਕ ਖ਼ਬਰ
ਗੱਭਰੂ ਨੇ ਬਾਂਹ ਫੜ ਲਈ, ਮੈਨੂੰ ਕੱਚੀਆਂ ਤ੍ਰੇਲੀਆਂ ਆਈਆਂ।
ਈ.ਡੀ. ਨੇ ਸਾਬਕਾ ਉੱਪ ਮੁੱਖ ਮੰਤਰੀ ਓ.ਪੀ.ਸੋਨੀ ਪਾਸੋਂ ਚਲ-ਅਚਲ ਜਾਇਦਾਦ ਦਾ ਵੇਰਵਾ ਮੰਗਿਆ- ਇਕ ਖ਼ਬਰ
ਅੱਗੇ ਭੀੜੀਆਂ ਸੁਣੀਂਦੀਆਂ ਗਲ਼ੀਆਂ, ਜਿੱਥੋਂ ਦੀ ਜਮ ਲੈ ਜਾਣਗੇ।
ਦਿੱਲੀ ਸੇਵਾਵਾਂ ਬਿੱਲ ਰਾਜ ਸਭਾ ਵਿਚ ਵੀ ਪਾਸ ਹੋ ਗਿਆ- ਇਕ ਖ਼ਬਰ
ਟੁੱਟ ਪੈਣੇ ਬਚਨੇ ਨੇ, ਕੰਧ ਢਾ ਕੇ ਚੁਬਾਰਾ ਪਾਇਆ।
ਭਾਜਪਾ ਦਾ ਉਦੇਸ਼ ਦਿੱਲੀ ਸਰਕਾਰ ਨੂੰ ਖ਼ਤਮ ਕਰਨਾ- ਰਾਘਵ ਚੱਢਾ
ਵੈਰੀਆਂ ਦਾ ਖੂਹ ਵਗਦਾ, ਮੈਨੂੰ ਤੇਰੀ ਵੇ ਜਾਨ ਦਾ ਧੋਖਾ।
ਦਿੱਲੀ ਸੇਵਾ ਬਿੱਲ ‘ਤੇ ਸਮਰਥਨ ਦੇਣ ਲਈ ਕੇਜਰੀਵਾਲ ਨੇ ਕਾਂਗਰਸੀ ਆਗੂਆਂ ਦਾ ਧੰਨਵਾਦ ਕੀਤਾ- ਇਕ ਖ਼ਬਰ
ਆਪਾਂ ਦੋਵੇਂ ਤਾਸ਼ ਖੇਡੀਏ, ਬੋਤਾਂ ਬੰਨ੍ਹ ਕੇ ਬੋਹੜ ਦੀ ਛਾਵੇਂ।
ਚੁੰਝਾਂ-ਪ੍ਹੌਂਚੇ - ਨਿਰਮਲ ਸਿੰਘ ਕੰਧਾਲਵੀ
07 ਅਗਸਤ 2023
ਅਮਰੀਕਾ ਵਿਚ ਸਿੱਖ ਦੁਕਾਨਦਾਰ ਨੇ ਹਥਿਆਰਬੰਦ ਚੋਰ ਨੂੰ ਘੇਰ ਘੇਰ ਕੇ ਕੁੱਟਿਆ- ਇਕ ਖ਼ਬਰ
ਡੰਡਾ ਪੀਰ ਹੈ ਵਿਗੜਿਆਂ ਤਿਗੜਿਆਂ ਦਾ, ਡੰਡੇ ਬਾਝ ਨਾ ਕਾਬੂ ਭੂਤ ਆਉਂਦੇ।
ਪੰਜਾਬ ਸਰਕਾਰ ਤੇ ਰਾਜਪਾਲ ਦਰਮਿਆਨ ਟਕਰਾਅ ਜਾਰੀ-ਇਕ ਖ਼ਬਰ
ਕੁੰਢੀਆਂ ਦੇ ਸਿੰਙ ਫ਼ਸ ਗਏ, ਕੋਈ ਨਿੱਤਰੂ ਵੜੇਵੇਂ ਖਾਣੀ।
ਕੌਮਾਂਤਰੀ ਹਾਲਾਤ ਭਾਵੇਂ ਜਿੰਨੇ ਮਰਜ਼ੀ ਬਦਲ ਜਾਣ, ਅਸੀਂ ਪਾਕਿਸਤਾਨ ਨਾਲ਼ ਖੜ੍ਹੇ ਰਹਾਂਗੇ- ਸ਼ੀ ਜਿਨਪਿੰਗ
ਤੇਰੀ ਆਈ ਮੈਂ ਮਰ ਜਾਂ, ਤੇਰਾ ਵਾਲ਼ ਵੀ ਵਿੰਗਾ ਨ ਹੋਵੇ।
ਪ੍ਰਸ਼ਾਸਨ ਦੇ ਅਧਿਕਾਰੀ ਹੀ ਸਰਕਾਰ ‘ਤੇ ਕੰਮ ਨਾ ਕਰਨ ਦੇ ਦੋਸ਼ ਲਗਾ ਰਹੇ ਹਨ- ਜਾਖੜ
ਬਸ ਜਾਖੜ ਸਾਬ ਇੰਜ ਹੀ ਟਿੰਡ ‘ਚ ਕਾਨਾ ਪਾਈ ਰੱਖਿਉ।
ਸਰਨਾ ਵਲੋਂ ਦਿੱਲੀ ਦੇ ਸਿੱਖਾਂ ਨੂੰ ਦਿੱਲੀ ਕਮੇਟੀ ਦੇ ਪ੍ਰਬੰਧਕਾਂ ਦੇ ਬਾਈਕਾਟ ਦਾ ਸੱਦਾ- ਇਕ ਖ਼ਬਰ
ਰੱਬ ਖ਼ੈਰ ਕਰੇ! ਸਰਨਾ ਸਾਹਿਬ ਕੀ ਦਿੱਲੀ ਦੇ ਸਿੱਖ ਤੁਹਾਡੇ ‘ਤੇ ਯਕੀਨ ਕਰਨਗੇ?
ਰਾਜਪਾਲ ਵਲੋਂ ਪੰਜਾਬ ਰਾਜ ਭਵਨ ਵਿਚ ਟਮਾਟਰਾਂ ਦੀ ਵਰਤੋਂ ‘ਤੇ ਰੋਕ- ਇਕ ਖ਼ਬਰ
ਊਠ ਤੋਂ ਛਾਨਣੀ ਲਾਹਿਆਂ ਕਿੰਨਾਂ ਕੁ ਫ਼ਰਕ ਪੈ ਜਾਊ ਰਾਜਪਾਲ ਸਾਹਿਬ।
ਉਸਾਰੀ ਦੇ ਕੁਝ ਦਿਨਾਂ ਬਾਅਦ ਹੀ ਸੜਕਾਂ ਉਖੜਨੀਆਂ ਸ਼ੁਰੂ- ਇਕ ਖ਼ਬਰ
ਇਥੇ ਤਾਂ ਬਣਾਉਂਦਿਆਂ ਬਣਾਉਂਦਿਆਂ ਉੱਖੜ ਜਾਂਦੀਆਂ, ਇਹ ਤਾਂ ਫੇਰ ਵੀ ਕੁਝ ਦਿਨ ਕੱਢ ਗਈਆਂ।
ਮੋਦੀ ਦੇ ਪੁਰਸਕਾਰ ਪ੍ਰੋਗਰਾਮ ਵਿਚ ਸ਼ਰਦ ਪਵਾਰ ਮੁੱਖ ਮਹਿਮਾਨ- ਇਕ ਖ਼ਬਰ
ਹਮ ਬੇਪੇਂਦੇ ਕੇ ਲੋਟੇ ਹੈਂ, ਕਭੀ ਇਧਰ ਗਿਰੇ ਕਭੀ ਉਧਰ ਗਿਰੇ।
ਜੰਮੂ ਕਸ਼ਮੀਰ ਵਿਧਾਨ ਸਭਾ ‘ਚ ਸਿੱਖਾਂ ਲਈ ਦੋ ਸੀਟਾਂ ਰਾਖਵੀਆਂ ਕੀਤੀਆਂ ਜਾਣ- ਭੋਮਾ/ਪੰਨੂੰ
ਸੁੱਤੀ ਪਈ ਨੇ ਲੁਹਾਈਆਂ ਚੂੜੀਆਂ, ਅਜੇ ਵੀ ਘੁਰਾੜੇ ਮਾਰਦੀ।
ਸੁਖਦੇਵ ਸਿੰਘ ਢੀਂਡਸਾ ਨੇ ਪੰਜਾਬ ਦੀਆਂ ਮੰਗਾਂ ਲਈ ਪ੍ਰਧਾਨ ਮੰਤਰੀ ਨੂੰ ਪੱਤਰ ਲਿਖਿਆ- ਇਕ ਖ਼ਬਰ
ਚਿੱਠੀਆਂ ਸਾਹਿਬਾਂ ਜੱਟੀ ਨੇ ਲਿਖ ਮਿਰਜ਼ੇ ਵਲ ਪਾਈਆਂ।
ਸਦਨ ਨੂੰ ਪੂਰਾ ਅਧਿਕਾਰ ਹੈ ਤੇ ਉਹ ਦਿੱਲੀ ਰਾਜ ਲਈ ਕੋਈ ਵੀ ਕਾਨੂੰਨ ਬਣਾ ਸਕਦਾ ਹੈ- ਅਮਿੱਤ ਸ਼ਾਹ
ਚੰਦਰਾ ਸ਼ੌਕੀਨ ਹੋ ਗਿਆ, ਤੇੜ ਲਾ ਕੇ ਲੱਠੇ ਦਾ ਸਾਫ਼ਾ।
ਪੰਥਕ ਏਜੰਡਾ ਛੱਡਣ ਅਤੇ ਆਪਹੁਦਰੀਆਂ ਨੇ ਅਕਾਲੀ ਦਲ ਨੂੰ ਅਰਸ਼ ਤੋਂ ਫ਼ਰਸ਼ ‘ਤੇ ਲਿਆਂਦਾ- ਇਕ ਖ਼ਬਰ
ਢਿੱਡ ਛਿੱਲ ਲਿਆ ਬੋਸਕੀ ਵਰਗਾ, ਰੋੜਾਂ ਵਾਲ਼ੀ ਕੰਧ ਟੱਪ ਕੇ।
ਲੋਕ ਸਭਾ ਨੇ ਹੰਗਾਮੇ ਦੌਰਾਨ ਤਿੰਨ ਬਿੱਲ ਪਾਸ ਕੀਤੇ- ਇਕ ਖ਼ਬਰ
ਅੰਨ੍ਹੀ ਕੁੱਤੀ ਜਲੇਬੀਆਂ ਦੀ ਰਾਖੀ।
ਪੰਥਕ ਏਜੰਡੇ ਨਾਲ ਹੀ ਅਕਾਲੀ ਦਲ ਦੀ ਪੁਨਰਸੁਰਜੀਤੀ ਹੋ ਸਕਦੀ ਹੈ- ਕਿਰਨਜੋਤ ਕੌਰ
ਵਿਹੜੇ ਲਾ ਤ੍ਰਿਵੈਣੀ, ਛਾਂਵੇਂ ਬਹਿਕੇ ਕੱਤਿਆ ਕਰੂੰ।
